Sawltak 19:2 - Tedim Bible

² “Note in na up khit uh ciangin Kha Siangtho na ngah uh hiam?” ci-in a dot leh, “Kha Siangtho om hi cih thu kote in zak zong ka za kei uh hi,” a ci uh hi.

Tedim Bible Revision 2017

² “Thu na up uh ciangin Kha Siangtho na ngah uh hiam?” ci-in a dot leh, “Kha Siangtho a om lam nangawn ka za nai kei uh hi,” ci-in a dawng uh hi.

Sawltak 19:2 Referans Kwoze

Galati 3:5

Tua tham loin, Kha Siangtho note hong pia a, note lakah nalamdang hong lakpa in Thukham na zuihna hangun hong bawl ahi hiam, ahih kei leh, upna thu na ngaihna hang bek uh ahi hiam?

1 KORIN MASA 6:19

Note pumpi in Pasian hong piak, na sung uhah a teeng Kha Siangtho’ biakna inn ahi zong, na pumpi uh no’ aa ahi lo ahi zongin thei lo na hi uh hiam?

Johan 7:39

Tua bang a cihna in a umte’ ngah ding Kha Siangtho a cihna ahi hi. Bang hang hiam i cih leh, Zeisu in minthan’na ngah nai lo ahih ciangin Kha Siangtho a kipia nai kei hi.

Sawltak 19:5

Amaute in hih thu a zak uh ciangin Topa Zeisu’ min sungah a kibaptaiz uh hi.

Sawltak 10:44

Piter in thu a hilh lai takin ama thu a za khempeuh tungah Kha Siangtho a tung hi.

Sawltak 2:17

‘A nunung nite ciangin Mi khempeuh tungah ka Kha ka bua ding hi. Na tapate na tanute un thu hilhkhol ding uh hi. Na tangvalte un mang a mu ding uh a, Na puteekte un mang a man’ ding uh hi.

1 SAMUEL MASA 3:7

Tu-in Samuel in Topa thei nai lo hi; bang hang hiam cih leh Topa in amah hopih ngei nai lo hi.

ROM (Romans) 1:11

Note na lungkip theih nadingun note kiangah Kha Siangtho’ thupha hehpihna khat peuhmah kong piak na’ngin nomau mu nuam ka hi hi.