Sawltak 19:1 - Tedim Bible

¹ Apollos in Korin khua-ah a om lai takin Paul in saklam gam a paisuak khit ciangin, Efesa khua-ah tungin nungzuite tawm a mu hi.

Tedim Bible Revision 2017

¹ 10 Korin khua ah Apollos a om laitakin Paul khual hong zinin Efesa khua hong tung hi. Tua khua ah thu um mi pawl khat tawh kimu a,

Sawltak 19:1 Referans Kwoze

1 KORIN MASA 16:12

I sanggampa Apollos thu panin, ute naute tawh note kiangah hong pai dingin ka zol hangin amah in tu-in pai ding ut nai lo hi. A nung ciangin ahih theih leh, a hong pai ding hi.

1 KORIN MASA 1:12

Note in, “Kei Paul’ mi ka hi, kei Apollos’ mi ka hi, kei Kefas’ mi ka hi, kei Khazih’ mi ka hi,” na ci tek uh ka cihna ahi hi.

Sawltak 18:1

Tua nung ciangin Paul in Athen khua pan paikhia a, Korin khua-ah a tung hi.

Sawltak 18:8

Kikhopna inn ukpa Krispas in ama innkuanpihte tawh Topa a um hi. Korin mi tampite in zong thu ngai uh a, umin a kibaptaiz uh hi.

Sawltak 19:17

Tua thu Efesa khua-ah a om Judah mite leh Grik mite khempeuh in a zak ciangin a lau uh a, Topa Zeisu’ min a phat uh hi.

Sawltak 19:26

Hih Paul in, ‘Mi’ khut tawh kibawl Pasian om lo hi,’ ci-in Efesa khua bek hi lo, Asia gam khempeuh ah mi tampi zol a, a uuksak cih na mu uh, na thei uh hi.

Sawltak 20:16

Bang hang hiam i cih leh, Paul in Pentekost pawikham ni a tun’ ma-in Jerusalem khua a tun’ zawh man khak leh ci-in hahkat a, Asia gamah sawtpi om nuam lo ahih ciangin, Efesa khua-ah khawl loin pai ding a hanciam zo hi.

Sawltak 20:18

Amaute a tun’ uh ciangin Paul in a gen-inah: “Asia gam ka tun’ ni-a kipan tu dongin nomau tawh bang ci gamtat-in a tawntungin ka omkhawm nong thei uh hi.

Sawltak 21:29

Bang hangin hih bangin ahih uh hiam i cih leh, a beisa hun lai-inah Paul leh Trofimas min nei Efesa khua mipa khua sungah a omkhawm a mu zo uh a, Paul in tua mipa biakna innpi sungah a tumsak hi ci-in a um uh hi.

1 KORIN MASA 4:6

Ute naute aw, note in kote hangin, “A kigelhsa thu khen kei un,” a cihna na theih nading uh ahi zongin, kisathei-in khat muangin khat na nial loh nading uh ahi zongin, ka gensa thu note adingin keimah leh Apollos gentehin kong hilh hi.

1 KORIN MASA 15:32

Leitung ngeina bangin Efesa khua ah sahangte tawh ka kitot hangin bang lawhtak ka hi hiam? Mi sisate thokik lo ding ahih leh, ‘Ne ni, dawn ni, zing ciangin i si ding hi.’

1 KORIN MASA 16:8

Pentekost pawikham ni dongin Efesa khua ah ka om ding hi.

Efesa 1:1

Pasian’ deihna hangin Khazih Zeisu’ sawltak ahi keimah Paul in Efesa khua-ah a om misiangthote leh Khazih Zeisu sunga midikte kiangah thu kong zasak hi.