Sawltak 18:7 - Tedim Bible

⁷ tua san tak pan paikhia-in, Pasian a bia Titu Justas min nei, mi khat’ innah a pai hi. Tua pa’ inn in kikhopna inn tawh kinai-in a om hi.

Tedim Bible Revision 2017

⁷ Tua ahih ciangin Paul in tua Jew mite nusia-in Pasian a bia Gentail mi Titus Justasʼ inn ah a tung hi. Tua mipaʼ inn pen kikhopna inn gei mahmah ahi hi.

Sawltak 18:7 Referans Kwoze

Sawltak 16:14

Puansan a zuak Thiatira khua mi ahi, Pasian a bia numei a min Lidia in komau thu a za hi. Tua numei in Paul’ thuhilhna a san’ theih nadingin Pasian in ama lungsim a hon’sak hi.

Kolose 4:11

Vunatna a thuak mite lakah hih mite bek Pasian’ Gam ading ka naseppihte ahi uh a, kei hong hehnem uh hi.

Sawltak 17:4

Amaute kimkhat in thu um uh a, Pasian a bia uh Grikte tampi leh a minthang numeite in Paul leh Silas tawh a kipawl khawm uh hi.

Sawltak 13:42

Paul leh Barnabas kikhopna inn panin a paikhiat lai takun Nipi ni kik ciangin hih thu hilh dingin amaute in a ngen uh hi.

Sawltak 10:22

amaute in, “Pasian a kihta, Judah mi khempeuh in a zahtak, midik, galkap mangpa Kornelias in nangmah hong sam a, nangmah kiang pan thu a zak nading, vantungmi siangtho khat in thu a pia hi,” a ci uh hi.

Sawltak 10:2

Tua mi in a diktat mi hi a, a innkuanpihte tawh Pasian kihta a, mite tungah hehpihna tampi pia a, Pasian kiangah thungen nilohin a om hi.

Johan 9:31

Pasian in mawhneite’ thu ngai lo hi ci-in eite i thei hi. Pasian zahtaka ama deihna a zui mite thu Pasian in a ngai hi.

Sawltak 13:43

Kikhopna a bei khit ciangin Judah mi leh Judah ngeina sungah a tum Pasian zahtak mi tampite in Paul leh Barnbas nung a zui uh a, Pasian’ hehpihna thupha sungah a kip nadingun amaute in thu hilhin, a hansuah uh hi.

Sawltak 13:50

Ahih hangin Judah mite in Pasian a zahtak numei liante leh khua sung miliante a hansuah uh a, Paul leh Barnabas bawlsia-in, amau khua sung pan a hawlkhia uh hi.