Sawltak 18:3 - Tedim Bible

³ A nasepna uh a kibang ahih ciangin Paul in amau’ innah teeng a, na a semkhawm uh hi. Bang hang hiam i cih leh, amaute in puanbuk khuite ahi uh hi.

Tedim Bible Revision 2017

³ tua nupate mah bangin Paul zong puanbuk bawl nasep tawh a nungta ahih manin amaute tawh om khawmin na a sem khawm uh hi.

Sawltak 18:3 Referans Kwoze

1 THESALONIKA MASA 2:9

Ute naute aw, kote in gimpi mahmahin nasemin ka hahkatna thu uh na thei uh hi. Note lakah mi khat peuhmah tungah vangik ka suah loh nadingun kote in sun tawh, zan tawh nasemin Pasian’ Lungdamna Thu note kiangah ka hong hilh uh hi.

1 KORIN MASA 4:12

Ka khut uh tawh gimpi-in na semin ka om uh hi. Hong kikosiat ciangin thupha pia-in ka thuk uh hi. Hong kibawlsiat leh, ka thuak uh hi.

2 KORIN NIHNA 11:9

No tawh ka omkhawm lai takin na khat peuhpeuh ka deih ciangin kuamah tungah vangik ka guan’ kei hi. Bang hang hiam na cih uh leh, Makedonia gam pan a hong pai ute naute in ka deihna khempeuh hong pia hi. Note tungah gimna khat ka suah loh nadingin kei in na khempeuhah ka kikem hi. A nung ciangin zong ka kikem lai ding hi.

2 KORIN NIHNA 12:13

Keimah in note ading vangik ka suah lohna sim loh, note in pawlpi dangte sangin bangah a gina lozaw na hi uh hiam? Tua bang ka khialhna hong maisak un.

2 KORIN NIHNA 11:7

Note pahtawi nadingin keima pumpi ka niamsak a, thaman la loin note kiangah Pasian’ Lungdamna Thu kong gen kong hilh ciangin ka mawh hiam?

1 KORIN MASA 9:14

Tua mah bangin Lungdamna Thu a hilhte in Lungdamna Thu pan a kivaak nadingun Topa in thu a pia hi.

1 KORIN MASA 9:15

Ahih hangin ka zat theih nate ka zang kei hi. Note in kei tungah tua bang nong bawl nadingun hih lai ka gelh kei hi. Bang hang hiam na cih uh leh, ka kisaktheihna mikhat in hong sukgawp sangin si leng a phazaw tham hi.

1 KORIN MASA 9:18

Tua ahih leh, ka noptuamna bang ahi hiam? Lungdamna Thu ka hilh ciangin thuhilhte ngah ding nate zang loin, Lungdamna Thu a ngaite sum beisak lo dingin ka sep leh, noptuamna a om ding hi.

1 THESALONIKA MASA 4:11

a pua lamah a om mite mai-ah akilawm gamta-in, sapna a om loh nadingin kote in ka hong vaikhak uh mah bangin, nuam takin omin, nomau’ na sem ciatin, nomau khut uh tawh na sep nadingun kote in hansuahin ka hong thuum uh hi.

2 KUMPI NIHNATE 6:2

Kote Jordan ah hong paisakin kote in singluang khat ciat la-in ka ten’ nading uh mun khat ko hong bawlsak in,” a ci uh hi. Tua ciangin amah in dawngin, “Pai un,” a ci hi.