Sawltak 18:27 - Tedim Bible

²⁷ Tua ciangin amah in Akhaia gamah pai a sawm ciangin, ute naute in tua lai-a om nungzuite in a tun’sak nadingun vaikhakna lai a pia uh a, a hansuah uh hi. Amah in a tun’ ciangin hehpihna thupha tawh a um mite nakpi-in a huh hi.

Tedim Bible Revision 2017

²⁷ Akhaia gamah Apollos pai ding a sawm ciangin, Akhaia gam a om thu um mite in limtakin a na pawlbawl nading uh deihna tawh Efesa khua-a om thu um mite in lai a khak uh hi. Amah a tun ciangin Pasian hehpihna hangin Jesu thu a um tua lai-a om mite adingin nuamtuam mahmah hi.

Sawltak 18:27 Referans Kwoze

Kolose 4:10

Kei tawh thong a kia khawm mi Aristarkhas akipan Barnabas’ nau Marka leh Justas a kici Zeisu te in note a hong hopih uh hi. Marka thu tawh kipawl note kiangah ka hong khak zo hi. Amah note kiangah a hong tun’ ciangin dawnin na tungsak un.

Filippi 1:29

Bang hang hiam na cih uh leh, note in ni danga na muh uh bangin, tu-in na zak uh bangin ka thuak galdona bangin, note in zong na thuak uh ahih ciangin Khazih upna bekah hi loin, ama hanginah gimna thuak nading zong thu na ngah uh hi.

Filippi 1:25

Tua bangin pumpi cidamin ka om ding um ka hih ciangin nomau omna-ah khatvei ka hong pai ding maninah, note in Khazih Zeisu sungah keimah hangin lungdam kisathei zaw-in na om nadingun, note in upna-ah khangin na lungdam nading uh, kei in pumpi sungah omin note khempeuh tawh omkhawm nading thu ka ngah ding hi ci-in ka thei hi.

2 KORIN NIHNA 1:24

Tua bang ka cih ciangin kote in note’ upna uk ka hi kei uh hi. Note lungdam nading huhin nasemte bek ka hi uh hi. Bang hang hiam na cih uh leh, upna hangah note kipin na om uh hi.

1 KORIN MASA 16:3

Ka hong tun’ ciangin mi na deihte uh laitai sakin na piak uh sumpi Jerusalem khua ah puak dingin ka sawl ding hi.

1 KORIN MASA 15:10

Ahih hangin Pasian’ hehpihna thupha hangin ka hi bangin ka hi hi. Ka ngahsa hehpihna thupha a mawkna ahi kei hi, sawltakte khempeuh sangin hahkat zaw-in ka sem hi. Tua bang ka cih hangin kei a hahkat ka hi kei hi; keimah tawh a omkhawm Pasian’ hehpihna thupha in a hahkat hi.

Sawltak 19:1

Apollos in Korin khua-ah a om lai takin Paul in saklam gam a paisuak khit ciangin, Efesa khua-ah tungin nungzuite tawm a mu hi.

Sawltak 18:18

Paul in ni tampi a tam khit ciangin ute naute tawh kikhen a, nidang lai-a a kiciamsa bangin Kenkhrea khua-ah a sam a met khit ciangin, Prisilla leh Akuila tawh teembaw tuangin Siria gamah a pai hi.

Sawltak 9:27

Ahih hangin Barnabas in Pasian’ sawltakte kiangah Saul paipihin, amah in lampi-ah Zeisu a muhna thu ahi zongin, amah tawh a kihona thu ahi zongin, Damaskas khua-ah Zeisu’ min tawh lau loin thu hilhna thu ahi zongin a gen hi.

1 KORIN MASA 3:6

Keimah in a suanpa ka hi hi. Apollos in tuibuakpa ahi hi. A kung a khangsakpa ahih leh, Pasian ahi hi.

Sawltak 18:12

Gallio in Akhaia gam mangpa za a ngah ciangin Judah mite in lungsim kikhatin Paul a man uh a, thukhenna tokhom mai-ah a paipih khit uh ciangin,

Sawltak 1:15

Tua lai takin mi za leh sawmnihte a kikhop lai takun, Piter in amau laizang ah ding-a

Sawltak 11:26

A muh ciangin Antiok khua-ah a paipih hi. Tuate in pawlpi tawh kum khat omkhawm uh a, mi tampi kiangah thu a hilh uh hi. Zeisu’ nungzuite in Antiok khua-ah Christian a kici masa bel hi.

Sawltak 15:34

lungdamna tawh amau in a sawltakte kiangah ute naute a ciahkik sak uh hi.