Sawltak 18:26 - Tedim Bible

²⁶ Amah in kikhopna inn sungah lau loin thu a hilh hi. Prisilla leh Akuila in ama thu a zak uh ciangin, a sam uh a, Pasian’ ngeina thu a tel zaw-in a hilh uh hi.

Tedim Bible Revision 2017

²⁶ Amah in kikhopna inn sungah hang takin thu hilh ding kipan a, Prisilla le Aquila in ama thuhilhna a zak uh ciangin a omna uh inn ah Apollos ciah pihin, Pasianʼ thu pai ziate a mantakin a hilh tel uh hi.

Sawltak 18:26 Referans Kwoze

Hebru 6:1

Tua ahih ciangin sihna tawh kipawl gamtatnate, kisikkikna, Pasian upna, baptaiznate thuhilhna, khutngakna, misite’ thawhkikna, thukhen tawntungnate a bulpi, eite in lamkik loin, Khazih’ ngeina a kipatna thute koihin kicin’ nadingin kahto ni.

1 KORIN MASA 12:21

Mittang in khut kiangah, “Nang kong deih kei hi,” ci thei lo hi. Tua mah bangin lutang in khete kiangah, “Note kong deih kei hi,” ci thei lo hi.

Sawltak 18:25

Tua pa in Lai Siangtho siam a, Topa’ Lampi thu sintel-in, lungsim lawpna tawh Zeisu thu a tel takpi a hilh hangin, Johan baptaizna thu bek a thei hi.

Sawltak 14:3

Tua ahih ciangin a sawtpi tua san takah a om uh a, lau loin Topa’ min tawh thu a hilh uh hi. Topa in amaute’ khut tungah lim leh nalamdang bawl dingin thu pia-in, ama hehpihna thu ading teci a pang hi.

2 PETER NIHNA 3:18

Hehpihna thupha ah ahi zongin, i Topa leh Honpa Zeisu Khazih theihtelna ah ahi zongin na khangto un. Tua Topa tungah tu-a kipan a tawntungin minthan’na om ta hen. Amen.

1 KORIN MASA 3:18

Kuamah peuhmah amah leh amah kikheem kei hen. Note lakah mi khatpeuh mah in hih leitung pilna ka nei hi ci-in a ki-up leh, tuapa in mi lungpil a suah nadingin mihai suak hen.

Sawltak 28:23

Kimuh nading ni a seh uh ciangin mi tampite in Paul’ omna-ah hong pai uh a, Paul in Pasian’ Gam thu teci pang a, tuate in Zeisu thu a up nadingun Moses’ Thukham lai leh Pasian’ kamsangte lai paulamin thu hilhin, zingsang akipan nitum dongin a zol hi.

Sawltak 8:31

Tua mangpa in, “Hong hilh a om kei leh, bang ci theih ding ka hi hiam?” a cih ciangin, Filip in amah tawh kahto a, tukhawm dingin mangpa in a ngen hi.

Johan 7:17

Mi khatpeuh mah in Pasian’ deih bangin a gamtat nop leh, hih thu Pasian’ thu ahi hiam, keima utthu banga gen ka hi hiam a thei ding hi.

Luka 24:27

Moses leh kamsangte khempeuh pan akipan, Lai Siangtho sungah amah a cihnopna thute tel takin a hilh hi.

Luka 19:26

‘Ke’n kong cih-inah, a neite khempeuh a kipiak beh ding hi. A nei lote kiang pan a neihsa nangawn a kilakhia ding hi.

Marka 10:15

Ke’n aman takpi kong cih-inah, naupang bangin Pasian Gam a sang lo mi peuhmah in tua gam sungah a lut kei ding uh hi,’ ci-in thu a gen hi.

Isaiah 58:1

“Na aw sit loin nakpi takin kiko in la, peengkul aw bangin gingsak in; ka mihingte tungah amau khialhnate gen in la, Jakob innkuan tungah amau mawhnate gen in.

Paunak 25:12

Hilhna a sangthei mipa’ adingin a pil thuhilhpa in, kizepna kham bilbah tawh kibang hi.

Paunak 9:9

Mipilte thuhilh lecin pil semsemna-in nei ding a, thuman mite thuhilh lecin a thu theihna khang semsem ding hi.

Paunak 1:5

Mi ciimsate ciimsak semsemin, mipilsate pilsak semsem-in,

1 KORIN MASA 8:2

Mikhat in hih thu ka thei hi ci-in a ki-up leh, a theih ding a kilawm zahin a thei nai kei hi.

Sawltak 18:18

Paul in ni tampi a tam khit ciangin ute naute tawh kikhen a, nidang lai-a a kiciamsa bangin Kenkhrea khua-ah a sam a met khit ciangin, Prisilla leh Akuila tawh teembaw tuangin Siria gamah a pai hi.

Sawltak 19:8

Paul in kikhopna innah lutin kha thum tawntung Pasian’ Gam thu gen a, zolin, lau loin a hilh hi.