Sawltak 18:25 - Tedim Bible

²⁵ Tua pa in Lai Siangtho siam a, Topa’ Lampi thu sintel-in, lungsim lawpna tawh Zeisu thu a tel takpi a hilh hangin, Johan baptaizna thu bek a thei hi.

Tedim Bible Revision 2017

²⁵ Amah in Topaʼ zia thei a, lawp mahmahna tawh Jesuʼ thu a mantakin a hilh hi. Ahi zongin amah in Johanʼ tuiphumna thu bek a thei hi.

Sawltak 18:25 Referans Kwoze

Sawltak 19:3

Paul in, “Tua bang ahih leh, kua min tawh na kibaptaiz uh hiam?” ci-a a dot ciangin, “Johan’ baptaizna ka ngah uh hi,” a ci uh hi.

ROM (Romans) 12:11

Nasep hahkat un la, thadah kei un. Lungdamna tawh Topa’na na sem un.

Hosea 14:9

Mipil, thu ngaihsun theite in hih thute thei telin lim takin ciamteh ta hen. Topa’ lampi tang mahmah a, thutang mite in tua lampi tawn uh hi. Mawhneite in tua lampi tawn lo uh ahih manin puk uh hi.

Sawltak 19:23

Tua lai takin Lampi thu hangin thusia a piang hi.

Sawltak 19:9

Mi kimkhat in lungkhauh a, um loin a om uh a, Lampi thu mite mai-ah a kosia uh ahih ciangin Paul in amaute kiang pan paikhia a, nungzuite atuamin a khen khit ciangin Tirannas laihilhna sanginn ah ni simin thu a kikum uh hi.

Sawltak 9:2

hih Lampi a zui numeite ahi zongin, pasalte ahi zongin a muh ciangin, khau tawh a khih khit ciangin Jerusalem khua-ah paipih dingin Damaskas khua kikhopna inn ukte kiangah vaikhakna lai piak nading siampi ukpa kiangah a ngen hi.

Marka 12:14

Tuate in ama kiang a tun’ uh ciangin, “Sia aw, nang thutak genpa na hi hi. Kuamah na kihta kei a, mi maitang zahtak loin Pasian lam thu a tang takin na hilh cih ka thei uh hi. Kaisar kumpipa siah piak tuak ahi hiam, piak tuak lo ahi hiam?

Jeim 5:16

Tua ahih ciangin khat leh khat na mawhna uh kipulaakin, na cidam nadingun khat leh khat ading thu na kingetsak un. Midik’ thungetna in nakpi vanglianin muibun mahmah hi.

2 TIMOTI NIHNA 2:4

Na a sep lai takin galkap in amah galkap a tumsak mi’ deihna bangin ahih theih nadingin, hih leitung vaite tawh a kikai-awk sak kei hi.

Sawltak 16:17

Tua nungak in Paul leh komau hong zui a, “Hih mite in gupna Lampi eite hong hilh, Sang Pen Pasian’ nasemte ahi uh hi,” ci-in a kiko hi.

Sawltak 13:10

“Thuzuaute leh kheemna pawl khempeuh tawh a dim, dawimangpa’ ta, thuman thutak’ gal aw, Pasian’ Lampi tang siasak dingin tawp lo ding na hi hiam?

Luka 7:29

Siahdongte akipan mite khempeuh in hih thu a zak uh ciangin, Johan’ baptaizna a ngah manun Pasian dik a sa uh hi.

Marka 1:3

Gampa lakah a kikopa’ aw in, ‘Topa paina lam na sial un, Ama lampi na tangsak un,’ a ci hi,” ci-in kigelh hi.

Jeremiah 6:16

Topa in mite tungah, “Lamka bomah ding un la, khuadak un. Lam hoih ahi, lampi luite dong un la, tawn un. Na kha uh ading tawldamna na mu ding uh hi,” a ci hi. Ahih hangin amau in, “Ka tawn kei ding uh hi,” a ci uh hi.

Isaiah 40:3

Awging khat in: “Gam lakah Topa’ lampi sial un la, sehnel gam sungah i Pasian’ ading lam lianpi khat a tangin bawl un.

Late 119:1

Amau gamtatna-ah paubaan’na om lo a, Topa’ ngeina sunga gamtate in thupha ngah ahi hi!

1 SAMUEL MASA 12:23

Tua tham loin kei zong, note adingin Topa tungah thunget lohna tawh ka na khial het kei ding hi; keimah in a hoih a man lampite note kong hilh ding hi.

Thukhente 2:22

amau’ pute pate in Topa’ lampi a zuih bangin zuih ding a don uh hiam a don kei uh hiam cih hih mite tawh Israel ka ze-et ding hi,” a ci hi.

Piancilna 18:19

Im kei ning. Bang hang hiam cih leh Topa in Abraham’ tunga a ciamsa thu a tun’sak theih nadingin ama' khit-a a tate leh a innkuanpihte in thuman leh thutang-a nasepna tawh Topa’ thupiakte a zuih theih nadingun a hilh dingin amah ka teel khin hi,” ci hi.

Late 67:2

leitungah nangma lampi, minam khempeuhte lakah nangma hotkhiatna vang kithei ta hen.

Luka 1:4

nangmah hong kihilhsa thute aman takpi hi, cih na theih nadingin a kizomin gelhin zasak ning, ci-in ka ngaihsun hi.

Sawltak 18:26

Amah in kikhopna inn sungah lau loin thu a hilh hi. Prisilla leh Akuila in ama thu a zak uh ciangin, a sam uh a, Pasian’ ngeina thu a tel zaw-in a hilh uh hi.