Sawltak 18:22 - Tedim Bible

²² Paul in Kaisaria khua a tun’ khit ciangin pawlpite tawh kihopih dingin a paitoh khit ciangin Antiok khua-ah a paisuk hi.

Tedim Bible Revision 2017

²² Sisaria khua a tun ciangin Jerusalem khua ah pai-in pawlpite va hopih a, tua ciangin Antiok khua ah a pai hi.

Sawltak 18:22 Referans Kwoze

Sawltak 8:40

Ahih hangin Filip Azotas khua-ah kimu hi. Tua khua panin Kaisaria khua dongin khua khempeuh ah pai kawikawi-in Lungdamna Thu a hilh hi.

Sawltak 25:9

Ahih hangin Festas in, “Jerusalem khua pai a, keimah in hih thu ka hong khensak ding na ut hiam?” ci-in Judah mite lungdamsak nuamin Paul kiangah a dong hi.

Sawltak 25:1

Festas Mangpa tua gamah a tun’ khit ni thum khit ciangin Kaisaria khua panin Jerusalem khua-ah a paito hi.

Sawltak 23:23

Tangval a ciah khit ciangin galkap mangpa in galkap bupa sam a, “Tu nitak nai kua ciangin Kaisaria khua pai dingin galkap zanih tawh, sakol tuang galkap sawmsagih tawh, teipi tawi galkap zanih tawh kithawisak in.

Sawltak 15:35

Ahih hangin Paul leh Barnabas in Antiok khua-ah a om uh a, midangte tawh Topa’ thu hilhin a om uh hi.

Sawltak 15:30

Tuate a kikhak khit uh ciangin Antiok khua-ah a pai uh a, mi honpi a kikhopsak khit uh ciangin laikhak a pia uh hi.

Sawltak 15:23

Amaute in lai khat gelh uh a, tuate’ khut tawh hih bangin a khak uh hi: “Sawltakte leh upate ahi uh ute naute in Antiok khua akipan Siria gam leh Kilikia gamah a om Gentail ute naute kiangah itna lai tawh kong zasak uh hi.

Sawltak 15:4

Amaute Jerusalem khua a tun’ uh ciangin pawlpi leh sawltakte leh upate in a tungsak uh a, amau tungah Pasian hihna thu khempeuh a zasak uh hi.

Sawltak 14:26

Tua khua panin tu-in a zawh khitsa a nasep adingin Pasian’ hehpihna thupha sungah ki-ap uh a, teembaw tuangin Antiok khua a tungkik uh hi.

Sawltak 13:1

Antiok khua pawlpi sungah kamsangte leh thuhilhte a om uh hi. Tuate in Barnabas, Niger kici Simeon, Sairin mi Lukias, Herod tawh a khangkhawm Manean leh Saul-te ahi uh hi.

Sawltak 11:11

Kaisaria khua pan ka kiangah hong sawl mi thum in thakhatin ka omna inn kiangah a ding uh hi.

Sawltak 10:24

Zingsang ciangin Kaisaria khua-ah a lut uh hi. Kornelias in a behte, a lawmte kikhawm sakin, lamenin a om hi.

Sawltak 10:1

Kaisaria khua-ah Italy kici galkap kuan khat a uk, galkapbu Kornelias kici mi khat a om hi.