Sawltak 18:21 - Tedim Bible

²¹ “Pasian in hong awi leh, khatvei kong paikik ding hi,” ci-in amaute tawh kikhenin teembaw tuangin Efesa khua pan a paikhia hi.

Tedim Bible Revision 2017

²¹ a dinkhiat ding ciangin, “Pasian deihna ahih nakleh note kiangah ka hong hawhkik ding hi,” ci-in vaikhakin, Efesa khua panin teembaw tawh a ding khia hi.

Sawltak 18:21 Referans Kwoze

1 KORIN MASA 4:19

Ahi zongin Topa’n a hong awi leh, a manlangin kong pai ding hi. Kong tun’ ciangin a kihisak mite’ kam ciamteh loin, amau vangliatna ka ciamteh ding hi.

Jeim 4:15

“Pasian in hong awi leh, eite in nungta-in hih bang ahi zongin, tua bang ahi zongin i hih ding hi,” ci-in na gen dingun a kilawm hi.

Hebru 6:3

Pasian in thu hong piak leh, tua bang i bawl ding hi.

ROM (Romans) 1:10

A nunung belin Pasian’ deihna in hong awi leh, nomau kiangah kong tun’ nadingin thu ka ngen hi.

Sawltak 20:16

Bang hang hiam i cih leh, Paul in Pentekost pawikham ni a tun’ ma-in Jerusalem khua a tun’ zawh man khak leh ci-in hahkat a, Asia gamah sawtpi om nuam lo ahih ciangin, Efesa khua-ah khawl loin pai ding a hanciam zo hi.

1 PETER MASA 3:17

Pasian’ deihna a om leh, phatna na bawl manun na thuakna un, gitlohna na bawl man uh a, thuakna sangin a hoih zaw hi.

2 KORIN NIHNA 13:11

A tawpna thu in ute naute aw, na cidam ta un. Kicin’na, kihehnepna na nei un. Lungsim kikhatin om un. Khat leh khat kilemin om un. Tua bang na hih uh leh, itna nopna Pasian in no tawh hong omkhawm ding hi.

1 KORIN MASA 16:7

Bang hang hiam na cih uh leh, lam lai-ah kimuh ding bek ka ut kei hi. Topa in thu hong piak leh, sauveipi note tawh omkhawm dingin ka lamen hi.

Sawltak 21:14

Ka zolna uh hong man’ loh ciangin kote in, “Topa’ deih bangin hi ta hen,” ci-in zol loin ka om uh hi.

Sawltak 19:21

Tua nung ciangin Paul in Makedonia gam leh Akhaia gamah a pai khit ciangin Jerusalem khua-ah pai ding a lungsim sungah hanciamin, “Tua khua ka tun’ khit ciangin Rom khua ka phak teitei kul ding hi,” a ci hi.

Sawltak 15:29

na tan’ nading uh thukham sim loh van dang note tungah suat nading Kha Siangtho leh kote in ka ki-awi kei uh hi. Tuate tang le-uh teh note ading a pha ding hi. Na cidam ta un,” ci-in lai gelhin a pia hi.

Luka 9:61

Midang khat in, “Topa aw, nangmah kong zui ding hi. Ahih hangin ka innah a om mite mangpha ka vaikhak masak nading thu hong pia in,” a cih ciangin,

Mattiu 26:39

Zeisu mai lamah tomkha pai-in boksukin, “Ka Pa aw, hih hai in kei tawh a kipelh zawh leh, hong kipelhsak in. Ahih hangin keima deihna bang hi kei hen. Nangma deihna bang hi ta hen,” ci-in thu a ngen hi.

Thu-hilhkikna 16:1

“Abib kha tang un la, Topa na Pasian uh adingin Paisan pawi bawl un; bang hang hiam cih leh Abib kha sungin Topa na Pasian un Izipt gam panin note zanin hong paikhiatpih hi.

Marka 6:46

Zeisu in mihonpite tawh a kikhen khit ciangin, thungen dingin mual tungah a kahto hi.

Sawltak 18:19

Efesa khua-ah a tun’ uh ciangin Akuila leh Prisilla a nusia hi. Paul ahih leh, kikhopna inn sungah lut a, Judah mite tawh a kikum hi.

Sawltak 18:20

Amaute in amaute tawh Paul a om lai nadingin thu a nget uh hangin mang loin,

Sawltak 18:24

Alekzandria khua mi Apollos min nei, thuhilh siam, Judah mi khat in Efesa khua-ah a tung hi.

Sawltak 19:1

Apollos in Korin khua-ah a om lai takin Paul in saklam gam a paisuak khit ciangin, Efesa khua-ah tungin nungzuite tawm a mu hi.

Sawltak 19:17

Tua thu Efesa khua-ah a om Judah mite leh Grik mite khempeuh in a zak ciangin a lau uh a, Topa Zeisu’ min a phat uh hi.

Sawltak 21:29

Bang hangin hih bangin ahih uh hiam i cih leh, a beisa hun lai-inah Paul leh Trofimas min nei Efesa khua mipa khua sungah a omkhawm a mu zo uh a, Paul in tua mipa biakna innpi sungah a tumsak hi ci-in a um uh hi.

1 KORIN MASA 15:32

Leitung ngeina bangin Efesa khua ah sahangte tawh ka kitot hangin bang lawhtak ka hi hiam? Mi sisate thokik lo ding ahih leh, ‘Ne ni, dawn ni, zing ciangin i si ding hi.’

1 KORIN MASA 16:8

Pentekost pawikham ni dongin Efesa khua ah ka om ding hi.

Efesa 1:1

Pasian’ deihna hangin Khazih Zeisu’ sawltak ahi keimah Paul in Efesa khua-ah a om misiangthote leh Khazih Zeisu sunga midikte kiangah thu kong zasak hi.

Mangmuhna 1:11

“Nangmah in na muhte, lai sungah gelh in la, Efesa khua, Smurna khua, Pergamum khua, Thiatira khua, Sardis khua, Filadelfia khua, Laodikia khua-ah om pawlpi sagihte kiangah khak in,” ci-in hong genna kam ka za hi.

Mangmuhna 2:1

“Efesa khua-ah a om pawlpi’ vantungmi kiangah hih bangin gelh in. ‘A khut taklamah aksi sagih tawi-in, kham meivak sagih laizangah a pai kawikawipa’ thupiakna in: