Sawltak 18:18 - Tedim Bible

¹⁸ Paul in ni tampi a tam khit ciangin ute naute tawh kikhen a, nidang lai-a a kiciamsa bangin Kenkhrea khua-ah a sam a met khit ciangin, Prisilla leh Akuila tawh teembaw tuangin Siria gamah a pai hi.

Tedim Bible Revision 2017

¹⁸ Korin khua ah ni tampi sung thu um mite tawh Paul om khawm lai a, tua khit ciangin amaute mangpha khakin Syria gam a zuan dingin Prisilla le Aquila tawh teembaw a tuang uh hi. Paul in Pasian tungah thuciamnasa nei ahih manin teembaw a tuan ma-un Korin khuapi teembaw khawlna Kenkhrea munah a sam a metsak hi.

Sawltak 18:18 Referans Kwoze

Sawltak 21:24

Tua mite la in la, amaute tawh na kisiangtho sak in la, amaute a sam met nadingin dangka na sik ding hi. Tua bang na hih leh, mi khempeuh in nangma thu a zak uh ahi lo thu hi a, Thukham thu tangin khial loin na om hi cih a thei ding uh hi.

Gamlak-vakna 6:18

Tua Nazir mipa in kikhopna buk kongah a ki-ap a sam met ding a, a ki-ap ama lutang panin a samte la-in a thunuam-a biak piakna nuai-ah a om mei sungah hal ding hi.

1 KORIN MASA 9:20

Judah mite ka ngah nadingin Judah mite ading Judah mi bang ka hi hi. Thukham zui lo mi ka hi napi-in Thukham a zuite ka ngah nadingin Thukham a zuite ading Thukham zui mi ka hi hi.

ROM (Romans) 16:1

Kenkhrea khua-ah a om pawlpi nasem numei ahi, i sanggamnu Foebe note kiangah kong tungsak hi.

Sawltak 18:2

Tua lai takin Klaudia kumpipa in Judah mi khempeuh Rom khua pan a paikhiat nadingun thu pia zo ahih ciangin Pontas gammi ahi, a min Akuila kici Judah mi khat a zi Prisilla tawh, Italy gam panin a sawt loin hong tung uh a, Paul in a muh ciangin a kiangah a tung hi.

Galati 1:21

Tua nung ciangin Siria gam leh Kilikia gamah pai-in

Sawltak 15:23

Amaute in lai khat gelh uh a, tuate’ khut tawh hih bangin a khak uh hi: “Sawltakte leh upate ahi uh ute naute in Antiok khua akipan Siria gam leh Kilikia gamah a om Gentail ute naute kiangah itna lai tawh kong zasak uh hi.

Gamlak-vakna 6:2

“Israel mite tungah hih bangin gen in; numei ahi a, pasal ahi zongin, Topa adingin amahmah kituam koih nadingin Nazir kiciamna ahi, a tuam mahmah kiciamna a bawl ciangin,

Sawltak 21:3

Saipras tuikulh ka muh uh ciangin a tak lamah pai-in Siria gam galkahin Tai-ar khua-ah ka khawl uh hi. Bang hang hiam i cih leh, teembaw in tua khua-ah a van puak teng suahkhia ding ahi hi.

Sawltak 18:26

Amah in kikhopna inn sungah lau loin thu a hilh hi. Prisilla leh Akuila in ama thu a zak uh ciangin, a sam uh a, Pasian’ ngeina thu a tel zaw-in a hilh uh hi.

Sawltak 15:41

Amaute in pawlpi omsate kipsakin Siria gam leh Kilikia gam sungah a pai uh hi.

Mattiu 4:24

A thu khempeuh in Siria gam teng zeel a, dawi lut, sibup, khut leh khe si akipan, cinatna pawl khempeuh a veite ama kiangah hong paipih uh a, cinatna khempeuh a damsak hi.

Marka 6:46

Zeisu in mihonpite tawh a kikhen khit ciangin, thungen dingin mual tungah a kahto hi.

Sawltak 1:15

Tua lai takin mi za leh sawmnihte a kikhop lai takun, Piter in amau laizang ah ding-a

Sawltak 18:27

Tua ciangin amah in Akhaia gamah pai a sawm ciangin, ute naute in tua lai-a om nungzuite in a tun’sak nadingun vaikhakna lai a pia uh a, a hansuah uh hi. Amah in a tun’ ciangin hehpihna thupha tawh a um mite nakpi-in a huh hi.

Sawltak 21:23

Na tun’na thu a za ding uh hi. Tua ahih ciangin ka cih uh mah bangin na hih ta in. Thu kiciamsa mi li ka nei uh hi.