Sawltak 18:15 - Tedim Bible

¹⁵ Tua ahih kei a, thu ahi zongin, min ahi zongin, nomau biakna thukhamna thu ahi zongin ahih leh, no na vaihawm ding uh hi. Tua thute khen ding ka ut kei hi,” a ci hi.

Tedim Bible Revision 2017

¹⁵ Ahi zongin hih thu pen kam zat zia, min le na ngeina uh a kituh na hih manun nomau mah in khen tawm un. Tua bang thute keimah in ka hong khen kei ding hi,” a cih khit ciangin,

Sawltak 18:15 Referans Kwoze

Sawltak 23:29

A kithahna ding ahi zongin, thong sungah a kikhum nading ahi zongin a kilawm a khialhna hang ahi lo, amau thukham thu bek in a mawhsak uh hi cih ka thei hi.

Sawltak 25:19

Amaute biakna thu leh a sisa mi khat ahi, Zeisu hangah kidongin a mawhsak uh hi. Paul in, ‘Tua Zeisu a nungta hi,’ a ci hi.

1 TIMOTI MASA 6:4

tua mi in kisathei-in, bangmah thei loin thu kidotna kikumin, a kam bek tawh a seel mihai ahi hi. Tua bang a bawl leh, en’na, kitotna, gensiatna, hazatna tawh upkhialhna lungsim neihna in thuman thu tawh a kipelh mite kitotnate a piang thei hi.

Titu 3:9

Thu kidong hainate leh khangciamtehna laite, kitotnate, thukham hangin kiseelnate tang in. Bang hang hiam na cih leh, tua nate in phattuamna hong pia lo uh hi, a mawkna ahi uh hi.

2 TIMOTI NIHNA 2:23

Hai-a pilna om lo thu kidotna in kitotna piangsak thei hi ci-in thei in la, tang in.

Sawltak 26:3

Bang hang hiam cih leh nang in Judah ngeina thu leh thu kidotna khempeuh na siam hi. Tua ahih ciangin dam takin ka thu na ngai ta in.

Sawltak 25:11

Tua ahih ciangin mi gilo ka hih a, sih nading a, kilawm mawhna ka hih leh, sihna tawh ka kipelh kei ding hi. Ahi zongin tua mite hong mawhsaknate khat beek a man kei leh kuamah in amaute khut tungah hong pia zo kei ding hi. Kaisar Kumpipa kiangah azu ka khan ding hi,” a ci hi.

Mattiu 27:24

Pilat in kham zo lo tham loin mi’ gamlumna a khangto semsem a muh ciangin, tui la-in mihonpite maiah a khut silin, “Hih miphapa’ si tungah kei ka mawh kei hi. Hih thu note thu thu hi ta hen,” a ci hi.

Johan 18:31

Tua ahih ciangin Pilat in, “Hih pa la un la, note ngeina bangin thu na khen un,” a ci hi. Judah mite in, “Kote in mi thah theih nading thu ka nei kei uh hi,” a ci uh hi.

Mattiu 27:4

“Ka khial zo hi, mawh nei lo’ si kong pia kha zo hi,” a ci hi. Amau in, “Kote in bang hong kuppih thei ding ka hi uh hiam? Hih thu nangma thu hi ta hen,” a ci uh hi.

Sawltak 18:13

“Hih pa in ngeina hi lopi-in Pasian biak nading mite a zol hi,” a ci uh hi.