Sawltak 18:14 - Tedim Bible

¹⁴ Paul in kam pau ding a kisak lai takin Gallio in, “Judah mite aw, ngeina ahi lo thu ahi zongin, gitlohna kihhuai thu ahi zongin ahih leh, nomau thu ka ngaih ding a kilawm hi.

Tedim Bible Revision 2017

¹⁴ Paul in a kam ka-in thugen dingin a kipat laitakin Gallio in Jew mite kiangah, “Hih thu pen gamtat khialhna ahi a, gitloh tatna ahi zongin a gamtatna hang hileh no Jew miteʼ thugente limtakin kong ngaih ding a kilawm mah ahi hi.

Sawltak 18:14 Referans Kwoze

Hebru 5:2

Amah in thanem ahih ciangin a pil lo mite, a mawh mite a thuakpih dingin a siam hi.

2 KORIN NIHNA 11:4

No omna-ah a hong pai mi in ko hong hilh loh Zeisu khat hong hilh zongin, na ngah ngei loh uh Kha Siangtho na ngah uh zongin, na ngaih nai loh uh Lungdamna Thu na ngai uh zongin tua-pa na thuak thei uh hi.

2 KORIN NIHNA 11:1

Ka haina neukha note in na thuak le-uh teh ka ut hi.

ROM (Romans) 13:3

Bang hang hiam na cih uh leh, ukna za a neite in, gamtat hoih mite kihtak ding ahi kei uh hi, gamtat hoih lote kihtak ding ahi uh hi. Ukna za a neite na kihtak nop kei leh, ahoihin gamta in. Tua bang na hih leh ukna neite kiangah pahtawina na ngah ding hi.

Sawltak 25:26

Ama thu gelh a, Kumpipa kiangah piak ding thu a kitel tak khat beek ka nei kei hi. Tua ahih ciangin note in na dottel khit uh ciangin lai gelh ding ka neih nadingin nomau mai-ah ahi zongin, kumpipa Agrippa kiangah ahi zongin amah kong paipih zo hi.

Sawltak 25:11

Tua ahih ciangin mi gilo ka hih a, sih nading a, kilawm mawhna ka hih leh, sihna tawh ka kipelh kei ding hi. Ahi zongin tua mite hong mawhsaknate khat beek a man kei leh kuamah in amaute khut tungah hong pia zo kei ding hi. Kaisar Kumpipa kiangah azu ka khan ding hi,” a ci hi.

Sawltak 21:39

Paul in zong, “Kilikia gam Tarsus khua-a suak, Judah mi ka hi hi. Kei teen’na in khua gina lo ahi kei hi. Hih mite kiangah thu ka gen theih na’ngin thu hong pia in cih kong thuum hi,” a ci hi.

Sawltak 13:18

Kum sawmli tawntung gampa lakah naungeek bangin kemin a vaak hi.

Marka 9:19

Zeisu in, “Upna nei lo pawlte aw, kei in no tawh bang tanvei omkhawm ding ka hi hiam? Tua naupang ka kiangah hong paipih un,” a ci hi.

Mattiu 5:2

Amah in kam ka a, a nungzuite thu a hilh inah:

Sawltak 13:10

“Thuzuaute leh kheemna pawl khempeuh tawh a dim, dawimangpa’ ta, thuman thutak’ gal aw, Pasian’ Lampi tang siasak dingin tawp lo ding na hi hiam?