Sawltak 18:10 - Tedim Bible

¹⁰ Bang hang hiam na cih leh, nangmah tawh hong omkhawm ka hih manin kuamah in nang hong doin hong liamsuah kei ding hi. Bang hang hiam na cih leh, hih khua sungah keimah in mi tampi ka nei hi,” a ci hi.

Tedim Bible Revision 2017

¹⁰ Hih khua sungah keima mi tampi om a, nang hong ompih ka hih manin kuamah in nang bangmah hong cih lo ding hi,” a ci hi.

Sawltak 18:10 Referans Kwoze

2 KORIN NIHNA 12:9

Ka thuum khit ciangin, “Ka hehpihna thupha in nang ading a kicing hi, ka vangliatna in thanemna ah a kicing hi,” ci-in thu hong pia hi. Tua ahih ciangin Khazih’ vangliatna in kei tungah hong tun’ nadingin ka thanemna hangin ka kisaktheih zawk nading ka utzaw hi.

Mattiu 28:20

Keimah in note kong piak thukham khempeuh a tan’ dingun na hilh ta un. Keimah in leitung a bei dongin note tawh ka omkhawm tawntung ding hi,” ci-in a vaikhak hi.

Isaiah 41:10

nang tawh hong om ka hih manin lau kei in, na Pasian ka hih manin lungkia kei in; nang hong thakhauh sakin kong huh ding a, nang hong hu-in ka dikna khut taklam tawh kong honkhia ding hi.

Paikhiatna 4:12

Tua ahih ciangin tu-in pai in, keimah in na thugenna-ah kong huh ding a, na thugen ding nang kong hilh ding hi,” ci hi.

ROM (Romans) 8:31

Tua bang ahih leh, hih thu hangin bang gen ding i hi hiam? Pasian in eite lamsang ah a om leh, kua in eite lang khatah a pang zo ding hiam?

Johan 10:16

Hih tuukhumna sunga om lo tuute zong ka nei lai hi. Tua tuute zong ka hong paipih lai ding hi. Amaute in ka aw a ngai ding uh a, amaute hon’ khat suakin tuucing khat a om ding hi.

2 TIMOTI NIHNA 4:22

Topa in na kha tawh omkhawm ta hen. Nangma tungah hehpihna thupha om ta hen.

Isaiah 54:17

nangmah do nading a, a kibawl hiam peuhmah mavang lo ding a, thukhenna sungah nangma langa a pang mi khempeuh na nial gawp zo ding hi. Hih in, Topa’ nasemte’ gamluah leh keima kiang pan-in amaute’ dikna a kilahna ahi hi, Topa in ci hi.”

Johan 11:52

mun khempeuh ah a kikhenthang Pasian’ tate a kikhawm kiksak dingin a si ding hi,” ci-in kamsangpa bangin a gen hi.

Mattiu 10:30

Na sam uh zong a kisim khin hi.

Joshua 1:9

Thu hong pia khin hilo ka hi hiam? Thahat in la hang in; lau kei in la, lungkia kei in; bang hang hiam cih leh na paina peuhpeuhah Topa na Pasian nang tawh hong om hi,” a ci hi.

Sawltak 15:18

ci-in a cil pan hih thu hong theisak Pasian in a gen hi,’ ci-in kigelh hi.

Luka 21:18

Ahih hangin na sam uh zang khat beek a kisia kei ding hi.

Isaiah 43:2

Nangmah in tuite na kantan ciangin nang tawh kong omkhawm ding a, gunte na kantan ciangin tui in hong tuum lo ding hi; mei kantanin na pai ciangin na kang kei ding a, a meikuangte in nang hong kangtum lo ding hi.

2 TIMOTI NIHNA 4:17

Thuhilhna khempeuh ka hilh theih nading ahi zongin, Gentail mi khempeuh in a zak nadingun ahi zongin, Topa in kei lamah om a, keima tha hong dimsak a, humpinelkai’ kam sung pan hong honkhia hi.

Mattiu 1:23

“En un, nungak khat gai ding a, Tapa a nei ding hi. Tua a tapa a min Emmanuel kici ding hi,” a ci hi. Emmanuel a khiatna in ‘Eite tawh Pasian hong omkhawm hi’ a cihnopna hi.

Isaiah 8:10

Thu na vaihawm khawm uh hangin a mawkna suak ding hi; thu khat peuhpeuh na gen uh hangin kip lo ding hi; bang hang hiam cih leh kote tawh Pasian omkhawm hi.

Sawltak 15:14

“Ute naute aw, kei thu ngai lai ta un. Pasian in ama min ading Gentailte sung pan kimkhat a teelkhiat ding, amasa-in amau kiangah a pai zawh thu Simon in hong hilh zo hi.

Thukhente 2:18

Topa in amaute adingin thukhente a khan’sak peuhpeuh ciangin thukhente tawh Topa om a, thukhente nuntak sung tawntung a galte uh khut sung panin amaute hon hi; bang hang hiam cih leh a gimsak a nengniamte’ hangin amau’ tauna in Topa’ hehpih nading piangsak hi.

Joshua 1:5

Na nuntak sung tawntung kuamah in na mai hong khak zo lo ding hi; Moses tawh ka om mah bangin nang tawh zong kong om ding hi; nang kong tamasak kei ding a, kong nusia kei ding hi.

Sawltak 18:9

Zan lai takin Topa in mang sungah Paul kiangah a gen-inah “Lau kei in. Pau loin om kei in, thu na gen ding hi.

Sawltak 18:11

Paul in tua khua mite kiangah Pasian’ thu hilhin kum khat leh kha guk tawntung a om hi.