Sawltak 17:4 - Tedim Bible

⁴ Amaute kimkhat in thu um uh a, Pasian a bia uh Grikte tampi leh a minthang numeite in Paul leh Silas tawh a kipawl khawm uh hi.

Tedim Bible Revision 2017

⁴ Mi pawl khat in a thugen uh man sa uh ahih manin Paul le Silas pawlpih uh a, tua mah bangin Pasian a bia mi tampi tak le ulianteʼ zi tampi mah in zong a pawlpih uh hi.

Sawltak 17:4 Referans Kwoze

Sawltak 17:12

Tua ahih ciangin amaute tampi akipan a minthang Grik numeite leh pasalte in thu a um uh hi.

Sawltak 14:4

Khua sung mi honpite a kikhen uh a, kimkhat in Judah mite lamah, kimkhat in sawltakte lamah a kipawl uh hi.

Sawltak 13:43

Kikhopna a bei khit ciangin Judah mi leh Judah ngeina sungah a tum Pasian zahtak mi tampite in Paul leh Barnbas nung a zui uh a, Pasian’ hehpihna thupha sungah a kip nadingun amaute in thu hilhin, a hansuah uh hi.

2 KORIN NIHNA 8:5

Tua bang a hih uh ciangin kote lawpna zah tham loin a hih uh a, Pasian deihna tawh kituakin a masa-in Pasian kiangah ahi zongin, kote kiangah ahi zongin, amau mahmah hong kipia uh hi.

Sawltak 28:24

Kimkhatte in Paul’ thu gen a um uh hi. Kimkhatte in a um kei uh hi.

Sawltak 15:22

Tua ciangin sawltakte leh upate leh pawlpi khempeuh in amaute lakah, unaute lakah milian ahi uh Barsabbas, a min thak Judah leh Silas teelin, Antiok khua-ah Paul leh Barnabas tawh pai khawmsak leng a hoih hi ci-in a ki-awi uh hi.

Sawltak 13:50

Ahih hangin Judah mite in Pasian a zahtak numei liante leh khua sung miliante a hansuah uh a, Paul leh Barnabas bawlsia-in, amau khua sung pan a hawlkhia uh hi.

Sawltak 21:28

mi honpite hansuahin, “Israel mite aw, hong huh un! Hih pa in ei mi pawlte ahi zongin, Thukhamna ahi zongin, hih mun ahi zongin, a kituak loin bawl a, mun khempeuh ah mi vekpi kiangah thu a hilh hi. Tua tham loin Grik mite biakna innpi sungah lut sakin, hih mun siangtho a nin sak hi,” ci-in a man uh hi.

Sawltak 19:10

Tua mah bangin kum nih tawntung hilh ahih ciangin Asia gam sungah a om Judah mi leh Grik mi khempeuhte in Topa’ thu a za za uh hi.

Sawltak 18:4

Paul in Nipi ni simin kikhopna inn sungah thuhilhin Judah mi leh Grik mite a zol hi.

Sawltak 17:34

Mi kimkhat in Paul beelin thu a um uh hi. Tua mite lakah Areopagas mi Dionisias leh Damaris min nei numei khat akipan midangte zong a om uh hi.

Sawltak 17:17

Tua ahih ciangin kikhopna inn sungah Judah mite tawh akipan Pasian a bia mite leh sumbuk lamah a kituahpihte tawh thu a kikum uh hi.

Sawltak 16:3

Paul in amah a tonpih nuam hi. A pa Grik mi ahih lam tua gamah a om Judah mite in a theih manunah ama vun a atsak hi.

Sawltak 15:40

Ute naute in Pasian’ hehpihna sungah Paul a ap khit uh ciangin amah in Silas samin a paikhia hi.

Sawltak 15:32

Judah leh Silas in Pasian’ kamsang ahih uh ciangin ute naute kiangah thu tampi hilhin, a lungkipsak uh hi.

Sawltak 15:27

Tua ahih ciangin note kiangah kam tawh hong zasak dingin Judas leh Silas kong paisak uh hi.

Sawltak 14:1

Ikonium khua Judah mi kikhopna inn sungah a lut uh a, thu a hilh uh ciangin, Judah mi leh Grik mi tampite in a um uh hi.

Sawltak 4:23

Sawltakte a kikhah khit uh ciangin amau mipawlte kiangah a pai uh a, siampi liante leh upate in amau kiangah a genna khempeuh a zasak uh hi.

Sawltak 2:44

Thu-um mi khempeuh pawlkhat bekin a om uh a, amaute neihsa khempeuh gawmin a zangkhawm uh hi.

Johan 7:35

Tua ahih ciangin, Judah mite in, “Ei muh zawh loh dingin amah koilam pai ding hiam? A kitheh zak a, om Grik mite lakah pai ding a, Grik mite kiangah thu a hilh ding hiam?

Solomon la 6:1

Nungak lak-a hoihpen nu aw, na ngaihno, koi-ah pai hiam? Na ngaihno, koi lam pai hiam? Amah hong zon’ pih nu’ng. Nungak:

Paunak 13:20

Mipil tawh kikhawl lecin na pil ding a, mihai tawh kikhawl lecin gimna na thuak ding hi.

Paunak 9:6

Thu thei lote taisanin khan’sau un la, pilna lampi zui un,” ci sak hi.

Zekhariah 2:11

Tua hun ciangin Topa kiangah minam tampi hong pai ding uh a, ama mite suak ding uh hi. Topa in note hong ompih ding a, tua ciangin note kiangah kei a hong sawlna thu na thei ding uh hi.

Sawltak 17:10

Ute naute in Paul leh Silas zan lai takin Berea khua-ah thakhatin a paisak uh hi. Tua khua-ah a tun’ uh ciangin Judah mi kikhopna innah a tum uh hi.

Sawltak 17:14

Tua ciangin ute naute in Paul tuipi dongin thakhatin a paisak uh hi. Silas leh Timoti in a tam lai uh hi.