Sawltak 17:32 - Tedim Bible

³² Amaute in misite hin’kikna thu a zak uh ciangin, kimkhat in a kosia uh hi, kimkhat in, “Hih thu tu nung ciangin ka ngaikik nuam uh hi,” a ci uh hi.

Tedim Bible Revision 2017

³² Sihna panin thawhkikna thu Paul in a gen a zak uh ciangin mi pawl khat in zahpih bawl uh a, ahi zongin mi pawl khat in, “Hih thu khatvei zakik nuam lai ung,” a ci uh hi.

Sawltak 17:32 Referans Kwoze

Sawltak 26:8

Pasian in misite a thokiksak ding hi cih thu up theih ding hilo hi ci-in bang hangin ngaihsun na hi uh hiam?

Sawltak 17:18

Epikura leh Stoik lungpilte kimkhat in Paul tawh kidem uh a, kimkhatte in, “Hih kam tam pau theipa in bang gen nuam ahi hiam?” a ci uh hi. Kimkhatte in, “Hih pa in gamdang pasiante thu hilh hi leh kilawm hi,” a ci uh hi. Bang hangin hih bangin a gen uh hiam i cih leh, Paul in Zeisu leh hin’kikna thu a hilh hang hi.

2 KORIN NIHNA 6:2

Bang hang hiam na cih uh leh: “A kilawm hun ciangin nangma kam ka ngai hi, gupna ni ciangin nang kong huh hi,” Pasian in a cih mah bangin tu laitak in a kilawm hun ahi hi, tu laitak in gupna ni hun ahi hi.

Sawltak 25:19

Amaute biakna thu leh a sisa mi khat ahi, Zeisu hangah kidongin a mawhsak uh hi. Paul in, ‘Tua Zeisu a nungta hi,’ a ci hi.

Sawltak 24:25

Paul in dikna thu, kidekna thu leh hong tung ding Thukhenna Ni thu a hilh ciangin Feliks Mangpa lau a, “Tu-in pai ta in. Tu nung a kilawm hun ciangin kong samkik ding hi,” a ci hi.

Sawltak 2:13

Mi kimkhat in, “Hih mite in leenggahzu thak a kham uh hi,” ci-in a zahko uh hi.

1 KORIN MASA 4:10

Kote in Khazih hangin mihai ka hi uh hi. Note na hih uh leh, Khazih sungah mipil na hi uh hi! Kote in mi thanem ka hi uh hi. Note na hih uh leh, thahatte na hi uh hi! Note in minphatna na ngah uh hi. Kote in zumna ka thuak uh hi!

Sawltak 17:31

Bang hang hiam na cih uh leh, amah in a sehkholhpa tawh leitung mite, thuman tawh thukhen nading ni a genkhol zo hi. Tua pa sihna pan a thawhkik ciangin a kitel zo hi ci-in mi khempeuh a thei sak zo hi,” ci-in Paul in a gen hi.

Luka 14:18

Amaute khempeuh in kithutuakin kam a zong uh hi. A masa pen in, ‘Lo ciing khat ka lei a, pai-in ka va en ding hi. Kei hong maisak in,’ ci-in a ngen hi.

2 KHANG TANGTHU NIHNATE 36:16

ahih hangin a mite tungah Topa’ hehna a suah ciang dong, a hehna a kidamsak zawh nawn loh ciang dongin amaute in Pasian’ kamtaite zahpihin, a thute simmawhin, a kamsangte thusim lo niloh uh hi.

1 KORIN MASA 1:23

Eite i hih leh, singlamteh tungah a si Khazih’ thu i hilh hi. Tua thu in Judah mite ading kipukna ahi hi. Gentailte ading haina ahi hi.

Sawltak 13:41

Tua thu in: ‘Mi gilote aw, en un, Lungmang un la, taimang un! Bang hang hiam na cih uh leh, nomau khang lai takin na khat ka bawl ding hi, tua bawlna thu mi khat in hong hilh hangin na um kei ding uh hi,’ a ci hi,” ci-in a hilh hi.

Hebru 13:13

Tua ahih ciangin eite in Topa tawh kosiatna thuakin giahbuk pualam ama kiangah nai ni.

Hebru 11:36

Kim khatte in kosiatna, satgawpna tham loin, leh-henna, thongkiatnate tawh ze-etna a thuak uh hi.

Luka 23:36

Galkapte zong pai uh a, tuithuk pia-in,

Luka 23:11

Herod in a galkapte tawh Zeisu simmawhin a zahko uh a, puan hoih a silhsak khit uh ciangin, Pilat kiangah a paisak kik uh hi.

Luka 22:63

Zeisu a len mite in amah zahkoin a sat uh hi.

Piancilna 19:14

Tua ahih ciangin Lot paikhia-in a tanute a ten’pih ding a mak dingte' kiangah, “Tho un, hih mun panin paikhia un; bang hang hiam cih leh Topa in khuapi a susia ding hi ta hi,” ci hi. Ahih hangin amah a mak dingte tungah a ciamnui bang lel hi.

Sawltak 17:33

Tua ciangin Paul in amaute kiang pan a paikhia hi.

1 KORIN MASA 15:12

Tu-in Khazih in sihna pan a thawhkikna thu a kihilh ciangin, “Misite thawhkikna a om kei hi,” ci-in note lakah mi kimkhat in bang hangin a ci uh hiam?