Sawltak 17:30 - Tedim Bible

³⁰ Pasian in mihingte’ theih nai loh hun bang mahin a sim loh hangin tu-in amau mawhna kisik kik nadingun mun khempeuh mite kiangah thu a pia zo hi.

Tedim Bible Revision 2017

³⁰ Pasian in mihingteʼ theih loh hun lai-a a gamtatnate uh phamawh a sak loh hangin, tu-in mun khempeuh a om mi khempeuhte a gamtat siatna panun a kihei nadingun thu a hong pia khinzo hi.

Sawltak 17:30 Referans Kwoze

Sawltak 14:16

Tua Pasian in khang masa hun lai-in mipawl khempeuhte in, amau ut bangin a gamtat nading uh thu a pia hi.

Luka 24:47

ama min tawh kisikkikna thu leh mawhmaisakna thu Jerusalem khua pan akipan mi pawl khempeuhte’ kiangah a kigen ding hi ci-in kigelh hi.

1 PETER MASA 4:3

Gentailte’ deihna zui-in lunggulhna a nin deihgawhna, leenggahzu khamna, pawikhamna, tam dawn luatna, a kihhuai milim biakna-ah om theih nading hunte a kicing ta hi.

ROM (Romans) 3:25

Pasian in hong hehpihin a kihih khinsa mawhna a ngaihsut lohna in ama dikna thu kilat nangin ahi zongin,

Sawltak 3:19

Tua ahih ciangin Pasian kiang pan nopna hun hong tung a, note ading hong koihsa Khazih Zeisu hong paisak nadingin, note mawhna a sawpsiang nading na kisik un la, na lungsim uh na kikheel un.

ROM (Romans) 2:4

Pasian’ hehpihna thupha in nang kisikna lamah hong zol ciamteh loin na om lai takin, a kicing hehpihna leh lungduaina leh itnate don lo na hi hiam?

ROM (Romans) 1:28

Amaute in Pasian thei nuam lo uh ahih ciangin a kituak lo nate ahih nading Pasian in amaute gitlohna lungsim sungah a piak mah bangin,

Sawltak 20:21

Pasian mai-ah kisikkikna thu ahi zongin, eite Topa Zeisu Khazih upna ahi zongin, Judah mi leh Grik mite kiangah ka hilh hi cih note’n na thei uh hi.

Luka 13:5

Ahi kei hi, kong ci hi. Note in zong na mawhna na kisikkik kei uh leh, tua mah bangin na kisia khin ding uh hi,” a ci hi.

Late 50:21

Hihte khempeuh na gamta khin uh a, bangmah ka pau kei hi; kei pen no tawh a kibangin nong ngaihsun uh hi. Ahih hangin tu in note kong tai a, na mawhna uh na mai uh-ah ka koih hi.

Sawltak 17:23

Bang hang hiam na cih uh leh, lampi-ah ka pai lai takin, na biaknate uh ka et ciangin, ‘Kithei-lo Pasian Ading,’ ci-a kigelh biakna tau khat ka mu hi. Note in na theih lohpi uh a, na biak uh Pasian’ thu kong hilh ding hi.

Sawltak 11:18

Amaute in hih thu a zak uh ciangin nial loin, “Pasian in Gentailte zong a nuntak nadingin kisikkikna thu a pia hi,” ci-in Pasian a phat uh hi.

Marka 6:12

Tuate paikhia uh a, mite mawhna kisik nading thuhilhin,

Marka 1:15

“A hun a kicing zo hi. Pasian Gam a hong nai zo hi. Na mawhna kisikkik un la, Lungdamna Thu na um ta un,” a ci hi.

Mattiu 3:2

Tua ahih ciangin na mawhna uh kisik kik ta un,” ci-in Judah gam, gampa lakah a hilh hi.

2 KORIN NIHNA 7:10

Bang hang hiam na cih uh leh, Pasian’ deihna tawh kituak dahna in hong gup nading tawh kizom kisik kikna lungsim hi a, a kikheel kik thei lo kisikna lungsim hong pia hi. Leitunga dahna in sihna a piangsak hi.

Luka 15:10

Ke’n kong cih-inah, tua mah bangin a kisikkik mawhneipa khat hangin Pasian’ vantungmite’ omna munah nuamna a om ding hi,” a ci hi.

Mattiu 4:17

Tua nung ciangin Zeisu in, “Na mawhna uh kisikkik ta un. Bang hang hiam na cih uh leh, Vantung Gam a hong nai zo hi,” ci-in thuhilh a kipan hi.

ROM (Romans) 3:23

Bang hang hiam na cih uh leh, mi khempeuh a mawh uh a, Pasian’ maipha a ngah nading uh kisia hi.

Isaiah 21:12

Gal vilpa in, “Zing ni hong suak a, zan khua zong hong mial hi. Thukan nuam na hih leh, hong paikik in la, hong kan in,” a ci hi.

Mattiu 20:7

tua mite in, ‘Kote kuamah in hong cial lo hi,’ a cih uh ciangin, ‘Tua ahih leh, no zong ka leenggah lo-ah pai un,’ a ci hi.