Sawltak 17:26 - Tedim Bible

²⁶ Amah in leitung mi khempeuh minam khat bek pan bawl a amaute nuntak nading hun ahi zongin, amau omna atuam atuam ahi zongin a ciamteh zo hi.

Tedim Bible Revision 2017

²⁶ Mihing khat tung panin leitung minam khempeuh hong piangsakin, leitung khempeuh ah a omsak hi. Amah in mihingte a piansak ma pekin, mihingteʼ nuntak tanvei ding le a ten nading uh mun a seh sa ahi hi.

Sawltak 17:26 Referans Kwoze

Piancilna 3:20

Adam in a zi’ min pen Evua ci hi, bang hang hiam cih leh amah in mihing khempeuh’ nu ahi hi.

Malakhi 2:10

Eite khempeuh in, eite a hong piangsak Pasian ahi pa khat bek nei hilo i hi hiam? Tua hi napi-in bang hangin eite khat leh khat tungah citak loin, i pu i pate tawh a bawl, Pasian’ thuciamna palsat i hi hiam?

1 KORIN MASA 15:22

Adam sungah mi khempeuh a sih mah bangin Khazih sungah mi khempeuh a nungta uh hi.

1 KORIN MASA 15:47

A masa bel mi in lei pan hong piang ahih ciangin leitung mi ahi hi. A nihna mi in vantung pan a hong piang hi.

Late 31:15

Ka hunte na khut sungah om hi; ka galte leh hong bawlsiate khut sung panin kei hong honkhia in!

JOB (Job) 14:5

Ama nuntak tan ding kisehkhol a—a nuntak ding kha phazah kiciangtan khin hi. Nangmah in na ciangtan khin a, kikheel thei lo hi.

JOB (Job) 12:23

Amah in minamte thahatsakin liansak a, ahi zongin amah in tuate zo gawpin susia hi.

Piancilna 9:19

Hih thumte in Noah’ tapate ahi uh hi; hihte panin leitung buppi ah a kithehthang mite hong piang hi.

Daniel 11:35

Mi pawlkhat in thahna a thuak ding uh hi. Tua banga a pian’na thu in, beina a tun’ mateng sian’tho sakna leh mipha leh misia khentelna, Pasian’ sehsa hun a tun’na ahi hi.

Daniel 11:27

Tua kumpi tegel in sabuai khat tungah tu in, an a ne khawm ding uh hi. Ahih hangin a ngaihsutna uh a hoih zaw sang om tuan lo ahih manin a kikhem tuak ding uh hi. A hun tung nai lo ahih manin a deih bang uh a ngah zo kei ding uh hi.

Isaiah 14:31

Filistia khuapi kongpite aw, nakpi-in kap un; khuapite aw, kiko un; Filistia mi khempeuh aw, lau-in liing un! Bang hang hiam cih leh leilu lam panin galkap honte’ hong paina leivui khu hong kitung a, tua galkapte lakah a meidawi khat beek om lo hi.”

Isaiah 45:21

Na thu uh sung un la, gen un; amaute kikum khawmsak un! Hih thu sawt pekin kua in genkhol ahi hiam? Tang lai-in kua in pulak ahi hiam? Keimah Topa hilo ka hi hiam? Thuman Pasian leh Honpa ahi, kei sim loh Pasian dang om lo hi; kei sim loh kuamah dang om lo hi.

Sawltak 15:18

ci-in a cil pan hih thu hong theisak Pasian in a gen hi,’ ci-in kigelh hi.

Late 74:17

Nangmah in leitung gamgi khempeuhte, phalbi hun leh khuakhal hunte na bawl khin hi.

Jeremiah 27:5

‘Keimah in a lian mahmah ka vangliatna tawh ka khut zan-in, leitung leh leitung-a om mite leh ganhingte ka bawl a, piaktuak ka sakte’ tungah ka pia hi.

Sawltak 14:17

Ahih hangin tecipan’na om loin amahmah a kinusia kei hi; amah in ama gitna hong lakin, vantung pan guahtui leh amau hun ciat a, a gah an hong pia hi; amah in an tampi hong pia-in na lungtang uh lungnopna tawh hong dimsak hi,” a ci hi.

Isaiah 34:17

Amah in amaute’ tan dingin leitang hawmsak ding a, amau’ tanh ding ciat pia ding hi. Amaute in tua gam nei tawntung ding a, khang khat pan khang khat dongin teeng paisuak ding uh hi.