Sawltak 17:24 - Tedim Bible

²⁴ Leitung akipan leitung sung na khempeuh a piangsak Pasian in, van leh lei uk mangpa ahih ciangin, mi’ khut tawh kibawl biakna innah a teeng ahi kei hi.

Tedim Bible Revision 2017

²⁴ Tua Pasian pen leitung buppi le a tunga om khempeuh a piangsak Pasian hi a, vanlelei a uk Topa ahih manin mihingteʼ lam sa biakinn sungah teeng lo hi.

Sawltak 17:24 Referans Kwoze

1 KUMPI MASATE 8:27

“Ahih hangin leitungah Pasian teeng taktak ding ahi hiam? En in, vantung leh vantung a sangpen in nang hong huam zo lo hi; keima lamsa hih inn in bangzahin nang hong huam zo lo zaw kan ding ahi hiam!

Thu-hilhkikna 10:14

En un, vantung leh vantung a sangpente leh leitung leh a sunga om khempeuh in Topa note’ Pasian’ aa ahi hi;

Sawltak 7:48

Sang Pen Pasian in mi khut tawh kibawl inn sungah a teeng zo kei hi. Pasian’ kamsangpa in:

Isaiah 66:1

Topa in hih bangin ci hi: “Vantung in keima tokhom hi a, leitung in keima khe ngakna ahi hi; kei’ adingin koi lai-ah inn lam ding a, keima tawlngakna mun koi lai ahi hiam?

2 KHANG TANGTHU NIHNATE 6:18

“Ahih hangin Pasian in mite tawh leitungah hong teeng takpi ding ahi hiam? En in, vantung leh a sangpen vantung in nang hong huam zo lo hi; hih keima lamsa inn in hong huam zo lo zawkan ding hi!

Mattiu 11:25

Tua ciangin Zeisu in, “Vantung leh leitung a uk ka Pa aw, nangmah in hih nate mipilte leh misiamte kiangah im-inah, naupangte tungah lak na hih ciangin na hehpihna ka phat hi.

2 KHANG TANGTHU NIHNATE 2:6

Ahih hangin vantung, a sangpen vantung nangawn in amah huam zo lo ahih manin ama adingin kua in inn lam zo ding ahi hiam? Ama mai-ah paknamtui hal nading cih sim loh ama adingin inn a lamsak dingin kei in kua ka hi hiam?

Late 115:16

Vantung pen Topa’ aa hi a, ahih hangin leitung pen mihingte’ tungah amah in hong pia khin hi.

Mangmuhna 20:11

Tua nung ciangin kumpi tokhom a kaang a lian khat ahi zongin, tua tokhom a, a tu Topa ahi zongin ka mu hi. Tua Topa maitang pan lei leh van in a taikhia uh a, amau adingin omna a om nawn kei hi.

Sawltak 14:15

“Mite aw, bang hangin hih bangin bawl na hi uh hiam? Komau in note tawh kibang lungsim nei mite ka hi uh a, hih a mawkna paaikhia-in van leh lei, tui lianpi akipan leh a sungah a om teng a piangsak a nungta Pasian kiangah na kihei nadingun Lungdamna Thu kong hilh uh hi.

Sawltak 4:24

Tua mite in a zak uh ciangin lungsim kikhatin, Pasian kiangah kiko-in, “Vantung leh leitung, tuipi leh tuipi sungah a om khempeuh a Bawlpa, Topa aw,

Jeremiah 10:11

Amaute tungah, “Vantungte leh leitung a bawl lo pasiante, leitung mun khempeuh panin a mangthang ding uh hi,” ci-in na gen ding hi.

Luka 10:21

Tua lai takin Zeisu in Kha Siangtho tawh lungdam a, “Vantung leh leitung a uk ka Pa aw, nangmah in hih thute mipilte leh misiamte kiangah im-inah, naupangte tungah lak na hih ciangin, na hehpihna ka phat hi. Ahi mah hi ka Pa aw, tua bangin na deih hi.

Isaiah 42:5

Vantungte piangsakin a zal, leitung phah-in a tung pan-a hong paikhia nate a piangsak, leitung a, om mite tungah husan’na pia-in, leitung a, a paite khempeuh husan’na a guan Topa Pasian in hih bangin ci hi;

2 KUMPI NIHNATE 19:15

Tua ciangin Hezekiah in Topa’ mai-ah thu ngenin, “Topa, Israel Pasian, kherubte tungah a tupa aw, leitung kumpi gam khempeuh lakah nangmah, nangmah bek in Pasian na hi hi; nangmah in vantung leh leitung na bawl hi.

Jeremiah 23:24

Mi khat peuhpeuh kei’ muh loh dingin busim thei ding ahi hiam? Topa in kong ci hi. Leitung, vantung mun khempeuh ah ka om lamtak thei lo na hi uh hiam? Topa in kong ci hi.

Hebru 3:4

Inn khempeuh mi khat peuhmah in a lam hi. Na khempeuh a piangsakpa in Pasian ahi hi.

Mattiu 5:34

Ke’n kong cih inah, na kiciam peuhmah kei un. Vantung in Pasian’ tokhom ahih ciangin vantung tawh na kiciam kei un.

Isaiah 40:12

Kua in ama khut kuak sungah tuite tehin, ama khaap tawh vantungte teh a,lawh sung khatah leitung leivui khempeuh guang-in, pongkhaina tawh mual liante khai a, tawi tehna tawh mual neute teh ahi hiam?

Late 24:1

Leitang leh a tunga omte, leitung leh a tunga teengte in Topa aa hi;

Johan 1:1

A kipatcil-in Thu a om hi. Thu in Pasian tawh a omkhawm hi. Thu in Pasian ahi hi.

Isaiah 40:28

Thei nai lo na hi hiam? Za nai lo na hi hiam? Topa pen tawntung Pasian hi a, leitung mong khempeuh a Piangsakpa ahi hi. Amah gim lo a, zong tawl lo hi; ama thu theihtelna kigen zo lo hi.

Zekhariah 12:1

Vanpi zalin, leitung piangsak a, mihingte tungah nuntakna a pia Topa in Israel mite tawh kisai-in thu gen a,

Late 148:13

Topa’ min phatsak un, bang hang hiam cih leh ama min bek lian a, ama minthan’na in leitung leh vantung sangin sangzaw lai hi.

Daniel 4:35

Amah in leitung mite bang mahin a sim kei a; vantung mite leh leitung mite in, ama’ khut nuai ahi hi. Ama deihna kuamah in nial thei lo a, A bawl nate kuamah in ahang a kan thei kei hi.

Jeremiah 32:17

‘Topa Pasian aw! Nangma’ vangpi leh na khut kizankhia tawh vantung teng leh leitung na bawl khin zo hi! Nang adingin a haksa lua khat beek om lo hi.

Isaiah 45:18

Vantungte a piangsakpa (amah Pasian!) leitung piangsakin a bawlpa (a kipsakpa; a awngthawl dingin bawl loin, teen’ nading a, leitung a piangsakpa!) Topa in hih bangin ci hi: “Keimah in Topa ka hi a, kuamah dang om lo hi.

Late 146:5

Jakob’ Pasian pen ama huhpa hi-in, ama Topa Pasian, a muangpa in mi lungdam ahi hi.

Piancilna 14:19

Amah in Abram thupha pia a, “Vantung leh leitung a bawl, Sang Pen Pasian in Abram thupha pia hen;

Piancilna 14:22

Ahih hangin Abram in Sodom kumpipa' kiangah, “Vantung leh leitung a bawl, Sang Pen Topa Pasian' tungah ka kiciam khin zo hi,

Piancilna 1:1

A kipat cil-in Pasian in vantung leh leitung a piangsak hi.

Malakhi 2:10

Eite khempeuh in, eite a hong piangsak Pasian ahi pa khat bek nei hilo i hi hiam? Tua hi napi-in bang hangin eite khat leh khat tungah citak loin, i pu i pate tawh a bawl, Pasian’ thuciamna palsat i hi hiam?

ROM (Romans) 1:19

Bang hang hiam na cih uh leh, Pasian’ thu a kiteltakin amaute lakah a kilang hi.