Sawltak 17:18 - Tedim Bible

¹⁸ Epikura leh Stoik lungpilte kimkhat in Paul tawh kidem uh a, kimkhatte in, “Hih kam tam pau theipa in bang gen nuam ahi hiam?” a ci uh hi. Kimkhatte in, “Hih pa in gamdang pasiante thu hilh hi leh kilawm hi,” a ci uh hi. Bang hangin hih bangin a gen uh hiam i cih leh, Paul in Zeisu leh hin’kikna thu a hilh hang hi.

Tedim Bible Revision 2017

¹⁸ Epikuras thu ngaihsutzia le Stoik thu ngaihsutzia a um mite pawl khat, Paul tawh thu kinial uh a, “Hih mi kipilsak thu mawk gengen pa in bang gen nuam ahi hiam?” cih san uh a, pawl khat in, “Minam dangteʼ pasian thu a gen tawh kibang hi,” a ci uh hi. Paul in Jesu thu le a thawhkikna thu hilh ahih manin hih bangin a gen uh ahi hi.

Sawltak 17:18 Referans Kwoze

Kolose 2:8

Khazih thu zui lo mite’ tangthu leh leitung thungeek zui-in, leitung pilna leh mawkna khempeuh hangin note kuamah in hong sut, hong bawlsiat theih loh nadingin kikem un.

Sawltak 4:2

sawltakte in mite kiangah thu a hilh uh a, Zeisu hangin sihna pan thawhkikna thu a hilh manunah a lungmang uh hi.

Luka 11:53

Zeisu in tua mun pan a paikhiat lai takin, laitheite leh Farisaite in nakpi-in hansuahin,

1 KORIN MASA 4:10

Kote in Khazih hangin mihai ka hi uh hi. Note na hih uh leh, Khazih sungah mipil na hi uh hi! Kote in mi thanem ka hi uh hi. Note na hih uh leh, thahatte na hi uh hi! Note in minphatna na ngah uh hi. Kote in zumna ka thuak uh hi!

1 KORIN MASA 3:18

Kuamah peuhmah amah leh amah kikheem kei hen. Note lakah mi khatpeuh mah in hih leitung pilna ka nei hi ci-in a ki-up leh, tuapa in mi lungpil a suah nadingin mihai suak hen.

ROM (Romans) 1:22

“Lungpil mi ka hi uh hi,” a cih uh hangin mihai suak uh a,

Sawltak 26:23

Khazih in sihna thuak ding a, sihna pan a thokik masabel ahih ciangin, Judah mipawl leh Gentailte kiangah khuavakna thu a piang ding hi ci-in Moses akipan Pasian’ kamsangte’ thugenna mah kei in behlap loin milian, mineute kiangah teci-in ka pang hi,” a ci hi.

Marka 9:14

A nungzuite omna-ah a tun’ uh ciangin, mi tampite in amaute uum uh a, laitheite in amaute tawh thu kikum kidongin a om uh a mu hi.

Paunak 26:12

A pil lo kimlai pil a kisapa sangin, mihaite’ adingin lametna om zaw lai hi.

Paunak 23:9

Mihaite, pil hopih kei in, a manphatna phawk thei lo uh hi.

Sawltak 6:9

Tua lai takin Sal Suakta a kici mipawlte akipan Sairin mi leh Alekzandria mi leh Kilikia mi leh Asia mi kimkhatte in a ding uh a, Stefen tawh a kiseel uh hi.

Sawltak 5:42

Biakna innpi sungah ahi zongin, amau innah ahi zongin, ni simin, “Zeisu in Khazih ahi hi” ci-in Lungdamna Thu tawlnga loin hilhin, thu a gen uh hi.