Sawltak 17:16 - Tedim Bible

¹⁶ Paul in Athen khua-ah Silas leh Timoti ngakin a om lai takin, khua sungah milim a dim a om a muh ciangin a lungmang hi.

Tedim Bible Revision 2017

¹⁶ Paul in Athen khua ah Silas le Timoti ngakin a om laitakin tua khua sungah milim a dimin a om lamtak mu ahih manin a lungsim om mawk thei lo hi.

Sawltak 17:16 Referans Kwoze

Late 119:158

Thuman lo mite enin ka kih hi, bang hang hiam cih leh amaute in nangma thupiaknate zui lo uh hi.

2 PETER NIHNA 2:7

Tua lai takin mi gilote’ kihhuai gamtatna hangin bawlsiatna a thuak, midik Lot a gumkhia hi.

Late 119:136

Mite in nangma thu zui lo ahih manin ka khitui hawk luan’in a luang hi.

Marka 3:5

Tua ciangin Zeisu in hehna tawh a kim en a, amaute lungkhauhna hangin dah a, tua pa kiangah, “Na khut zan in,” ci hi, a khut a zan leh, a dam hi.

Micah 3:8

Ahi zongin kei ka hih leh, Israel mite tungah a mawhna uh a gen khia dingin, Topa’ Kha vangliatna tawh kidimin, thutang gen ngamna lungsim ka nei hi.

Jeremiah 20:9

Keimah in, “Ama’ thu ka gen kei ding a, ama’ min ka lo nawn kei ding hi,” ci mah taleng zong, ama’ thu ka lungsim sungah meikuang bangin hong om a, ka guh ka tang sungah kikhum cip ahih manin ka ki-ip ipna-in ka gim lua a, gen loin ka om thei kei hi.

Late 69:9

Nangma inn ka deih luatna mei bangin ka sungah sa a, nangmah hong kote’ konate keima tung hong tu hi.

1 KUMPI MASATE 19:14

Amah in, “Vanglianpen Pasian, Topa adingin ka huaiham mahmah hi; bang hang hiam cih leh Israel mite in na thuciamna nusia-in, na biakna taute lawnkhia a, namsau tawh na kamsangte that hi; kei, kei bekbek ka om lai hi; amaute in kei thah dingin hong zong uh hi,” a ci hi.

1 KUMPI MASATE 19:10

Amah in, “Vanglianpen Pasian, Topa adingin ka huaiham mahmah hi; bang hang hiam cih leh Israel mite in na thuciamna nusia-in, na biakna taute lawn khia a, namsau tawh na kamsangte that hi; kei, kei bekbek ka om lai hi; amaute in kei thah dingin hong zong uh hi,” a ci hi.

Sawltak 17:23

Bang hang hiam na cih uh leh, lampi-ah ka pai lai takin, na biaknate uh ka et ciangin, ‘Kithei-lo Pasian Ading,’ ci-a kigelh biakna tau khat ka mu hi. Note in na theih lohpi uh a, na biak uh Pasian’ thu kong hilh ding hi.

Johan 2:13

Judah mite’ Paisan pawikham hun ahih ciangin, Jerusalem khua-ah Zeisu a paito hi.

Sawltak 17:15

Paul a kha mite in Athen khua dongin a khak khit uh ciangin Silas leh Timoti a manlangin hong pai nading vaikhakna thu a ngah khit uh ciangin, a ciah uh hi.

Sawltak 17:21

Athen khua mite khempeuh leh Athen khua-ah a tung zinte in thungaih nading, thu hilh nading sim loh, nadang a sem kei uh hi.

Sawltak 18:1

Tua nung ciangin Paul in Athen khua pan paikhia a, Korin khua-ah a tung hi.

Sawltak 20:22

Tu-in Kha Siangtho kikhihna thuakin Jerusalem khua-ah ka pai ding hi. Tua khua panin ka tungah bang thu a piang ding hiam ka thei kei hi.

1 THESALONIKA MASA 3:1

Tua ahih ciangin kote in lunghimawhin ka thuak zawh nawn loh uh ciangin Athen khuapi-ah komau bek ka om lai nading uh ka ut uh hi.