Sawltak 17:15 - Tedim Bible

¹⁵ Paul a kha mite in Athen khua dongin a khak khit uh ciangin Silas leh Timoti a manlangin hong pai nading vaikhakna thu a ngah khit uh ciangin, a ciah uh hi.

Tedim Bible Revision 2017

¹⁵ Tuipi gei ah Paul a paipih thu um mite in Athen khua ciang dong a va zui uh hi. Athen khua panin Berea khua ah hong ciahkik uh ciangin, Silas le Timoti in a manlang theithei-in hong delh uh hen, ci-in Paulʼ kam vaikhak thu a hong pua uh hi.

Sawltak 17:15 Referans Kwoze

1 THESALONIKA MASA 3:1

Tua ahih ciangin kote in lunghimawhin ka thuak zawh nawn loh uh ciangin Athen khuapi-ah komau bek ka om lai nading uh ka ut uh hi.

Sawltak 18:5

Silas leh Timoti in Makedonia gam panin hong tun’ uh ciangin, Paul in thuhilh bek semin, Zeisu in Khazih hi ci-in Judah mite nakpi-in a hilh hi.

Sawltak 18:1

Tua nung ciangin Paul in Athen khua pan paikhia a, Korin khua-ah a tung hi.

Titu 3:12

Artemas ahi zongin, Tikhikas ahi zongin, na kiangah kong sawl ciangin Nikopolis khua keima kiangah na hong pai nading na hahkat in. Bang hang hiam na cih leh, tua khua-ah phalbi hun sung teng khawl ning ci-in ka hanciam zo hi.

Sawltak 17:21

Athen khua mite khempeuh leh Athen khua-ah a tung zinte in thungaih nading, thu hilh nading sim loh, nadang a sem kei uh hi.

Sawltak 17:16

Paul in Athen khua-ah Silas leh Timoti ngakin a om lai takin, khua sungah milim a dim a om a muh ciangin a lungmang hi.

Sawltak 15:3

Pawlpite in amau lampi-ah kha-in, Paul leh Barnabas in Foenisia leh Samaria gam lam a tawn uh a, Gentailte kiheina thu a zaksak uh ciangin ute naute in nakpi-in a lungdam uh hi.

Sawltak 17:14

Tua ciangin ute naute in Paul tuipi dongin thakhatin a paisak uh hi. Silas leh Timoti in a tam lai uh hi.

Sawltak 17:22

Paul in Areopagas mualno tungah ding-in a gen-inah: “Athen mite aw, note in biakna na hahkat mahmah uh cih ka thei hi.