Sawltak 17:11 - Tedim Bible

¹¹ Tua mite in Thesalonika khua mite sangin a dikzaw uh hi. Bang hang hiam i cih leh, deih phat mahmahna lungsim tawh Pasian’ thu sangin, hih thute a man hiam a man lo hiam cih a theih nadingun ni simin Lai Siangtho tel takin a sin uh hi.

Tedim Bible Revision 2017

¹¹ Thesalonika khua mite sangin Berea khua mite in mipi lungsim nei zaw uh hi. Amaute in lawp mahmahna tawh Paulʼ thugente ngai uh a, Paulʼ thugente man taktak hiam ci-in a theih nadingun nisimin Lai Siangtho a sim uh hi.

Sawltak 17:11 Referans Kwoze

Isaiah 34:16

Topa’ laizial sung panin zong un la sim un: Hih ganhingte khempeuh khat beek zong mangthang lo ding a, lawmsam khat zong om lo ding hi. Bang hang hiam cih leh Topa’ kam in thu pia khin zo a, amahmah in amaute kaikhawm ding hi.

Johan 5:39

Lai Siangtho hangah nuntak tawntungna ngah nung ci-in na up manunah Lai Siangtho na tel et uh hi. Hih Lai Siangtho in keima ading teci ahi hi.

1 THESALONIKA MASA 2:13

Ka hilh uh Pasian’ thu note in ngahin na san’ lai takun, mi kam sung pan a pusuak thu bangin sang loin, Pasian’ thu a man taktak hi ci-in a um note sungah a bawlpha Pasian’ thu bangin na san’na uh ngaihsunin, kote in Pasian’ hehpihna ka phat tawntung uh hi.

Mattiu 13:23

Lei hoihna ah a kiate in, thu a zak ciangin a khiatna thei-in a zah zakhat, a zah sawmguk, a zah sawmthumin a gah theite ahi hi,” a ci hi.

Paunak 9:9

Mipilte thuhilh lecin pil semsemna-in nei ding a, thuman mite thuhilh lecin a thu theihna khang semsem ding hi.

Paunak 1:5

Mi ciimsate ciimsak semsemin, mipilsate pilsak semsem-in,

1 THESALONIKA MASA 1:6

Note in gimna lian na thuak uh hangin Kha Siangtho tawh akipawl lungdamna tawh, Pasian thu sangin kote tawh Topa ngeina bangin a gamta mite na hi uh hi.

Johan 3:21

Ahih hangin thuman a gamta mi in ama gamtatna Pasian’ deihna tawh kituak cih a kilatsak nadingin khuavakna-ah a pai hi,” ci-in a gen hi.

2 THESALONIKA NIHNA 2:10

kisiatna a ngah mite ading diklohna khemna apawl pawlte tawh ahi zongin a piang ding hi. Bang hang hiam na cih uh leh, tua mite in gupna a ngah nadingun ki-itna tawh kipawl thuman a sang kei uh hi.

Luka 24:44

Khatvei Zeisu in, “Moses’ Thukhamna ahi zongin, kamsangte’ gelhna thu ahi zongin, Lai Siangtho sungah a kigelh thu ahi zongin keima thu a kigelhsa khempeuh a tangtung ding hi ci-in ke’n note tawh ka om khop lai takin kong gen khempeuhte in hih thu ahi hi,” a ci hi.

Isaiah 8:20

Tua ciangin note in, “Topa hong hilh thute leh teci panna thute ngai un. Aisante’ thu ngai kei un. Amaute in zing khuavak nei lo ahih manin hong gen thute a kiman’na om lo hi,” ci-in dawng un.

Paunak 8:10

Ngun sangin kong thuhilhnate deihzaw un la, kham hoihpen sangin thutheihna deihzaw un.

Jeim 1:21

Tua ahih ciangin a kihhuai na khempeuh leh hazat luatna lungsimte paaikhia-in, na kha uh hong gum thei note’ lung sungah a kituh Pasian’ thu lungnemna tawh na sang un.

Late 119:148

Nangma thuciamna a lungngaingai dingin, zan khuavak-in ka zanhak hi.

Late 119:100

Khanghamte sangin thu ka tel zaw hi, bang hang hiam cih leh na thuhilhte ka zui hi.

Late 119:97

Na thu deih mahmah ing! Sun tawntung-a ka lungngaih-ngaih ahi hi.

Sawltak 10:33

Tua ahih ciangin nangma kiangah a manlangin mi kong paisak hi. Tu-in nang hong tung na hih ciangin thuhoih ahi hi. Tua ahih ciangin hih san takah Pasian in nangma kiangah thu hong piaksa teng ngai dingin kote khempeuh in Pasian mai-ah ka om uh hi,” a ci hi.

Sawltak 2:41

Tua thu a mang mite in kibaptaiz uh a, tua ni-in mi tulthum bang a kibehlap uh hi.

JOB (Job) 23:12

Pasian’ thupiakna bangin ka gamta ngitnget a, keima utna zui loin, ama deihna ka zui hi.

Sawltak 17:1

Amaute in Amfipolis khua leh Apollonia khua-ah a ban’ khit uh ciangin, Thesalonika khua-ah a tung uh hi. Tua khua-ah Judah mi kikhopna inn a om hi.

Sawltak 11:1

Gentailte in Pasian’ thu a san’ uh Judah gamah a om sawltakte leh u leh naute in a za uh hi.

Luka 16:29

Abraham in, ‘Amaute in Moses leh Pasian’ kamsangte a nei uh hi.

Jeremiah 2:21

A kiteelteel leenggah gui ci hoihte bangin nang kong suan khin zo-a, ahih hangin nang kisia kik-in bang hangin leenggah gui a hoihlote na suak kik tazen hiam?

Thu-hilhkikna 29:29

“Topa i Pasian in hong lahkhiat loh thusim om a, ahih hangin hih thukham sunga thute khempeuh i zuih theih nadingin a hong lahkhiat thute, eite leh i suan i khakte’ zuih tawntung ding ahi hi.

Luka 1:2

eite lakah a hong piangsa thu teng, eite hong zaksak a kizomin lai a gelh mi tampi a om hi.

Luka 11:3

Ni simin ka khamkhop ding uh an hong pia in;