Sawltak 17:1 - Tedim Bible

¹ Amaute in Amfipolis khua leh Apollonia khua-ah a ban’ khit uh ciangin, Thesalonika khua-ah a tung uh hi. Tua khua-ah Judah mi kikhopna inn a om hi.

Tedim Bible Revision 2017

¹ Amfipolis khua le Apollonia khua nawkin amaute zin uh a, Jew mite kikhopna inn a omna Thesalonika khua a tung uh hi.

Sawltak 17:1 Referans Kwoze

Filippi 4:16

Bang hang hiam na cih uh leh, Thesalonika khua-ah ka om lai takin ka sapnate note in khatvei nong piak khit uh ciangin, nong piakik lai uh hi.

1 THESALONIKA MASA 1:1

Paul, Silvanas leh Timoti-te in Pa Pasian leh Topa Zeisu Khazih sungah kip-a a om Thesalonika pawlpi kong zasak uh hi: Hehpihna thupha leh nopna in nomau tungah om ta hen.

2 THESALONIKA NIHNA 1:1

Paul, Silvanas leh Timoti te in i Pa Pasian leh Topa Zeisu Khazih sungah kip-a a om Thesalonika pawlpi kong zasak uh hi.

Sawltak 20:4

Paul tawh Asia gam a zin dingin a paikhawm mite in Bera khua mi Pirras’ tapa Sopater, Thesalonika khua mi Aristarkhus leh Sekundus, Derbe mi Gaia, Listra mi Timoti, Asia gam mi Tikhikas leh Trofimas-te ahi uh hi.

2 TIMOTI NIHNA 4:10

Bang hang hiam cih leh, Demas in tu lai nuntakna a it maninah kei hong taisanin, Thesalonika khua-ah a pai zo hi. Kresen in Galati gamah a pai zo hi. Titu in Dalmatia gamah a pai zo hi.

Sawltak 27:2

Asia gam tuipi gei-ah a om khuate ah pai dinga kisa Adramittium teembaw tungah tuangin ka pai uh hi. Makedonia gam Thesalonika khua mi Aristarkhas kote tawh a omkhawm hi.

Sawltak 17:13

Ahih hangin Paul in Berea khua-ah Pasian’ thu a hilh thu Thesalonika khua Judah mite in a zak uh ciangin, Berea khua-ah hong pai uh a, mihonpi a hansuah khit uh ciangin, a nawngkai sak uh hi.

Sawltak 17:11

Tua mite in Thesalonika khua mite sangin a dikzaw uh hi. Bang hang hiam i cih leh, deih phat mahmahna lungsim tawh Pasian’ thu sangin, hih thute a man hiam a man lo hiam cih a theih nadingun ni simin Lai Siangtho tel takin a sin uh hi.

Sawltak 16:13

Nipi ni-in komau in khua nawlah paikhia-in, thungetna mun om ngei-a ka upna uh gun gei-ah pai-in, ka tut khit uh ciangin tua san takah a kikhawm numeite thu ka hilh uh hi.

Sawltak 15:21

Bang hang hiam na cih uh leh, tanglai panin kikhopna innah Moses’ Thukham Lai Siangtho Nipi ni simin kisimin, khua khempeuh ah thuhilhte a om uh hi,” ci-in a gen hi.

Sawltak 14:1

Ikonium khua Judah mi kikhopna inn sungah a lut uh a, thu a hilh uh ciangin, Judah mi leh Grik mi tampite in a um uh hi.

Sawltak 17:10

Ute naute in Paul leh Silas zan lai takin Berea khua-ah thakhatin a paisak uh hi. Tua khua-ah a tun’ uh ciangin Judah mi kikhopna innah a tum uh hi.

1 THESALONIKA MASA 2:2

Note in na theih uh mah bangin kote in Filippi khua-ah zawn’khalna leh bawlsiatnate ka thuak khit uh ciangin, i Pasian suangin nakpi-in nialna tawh Pasian’ Lungdamna Thu nomau kiangah lau loin ka hong hilh uh hi.