Sawltak 16:9 - Tedim Bible

⁹ Zan ciangin Paul in mang a mu hi. Tua mang sungah Makedonia mi khat ding-in, “Makedonia gamah galkah in la, kote hong huh in,” ci-in a thuum hi.

Tedim Bible Revision 2017

⁹ Troas khua ah a tun ni zanin Paul in maang mu a, Masedonia gam mi khat in ama kiangah, “Masedonia gamah hong pai inla, kote hong huh in,” ci-in a thum hi.

Sawltak 16:9 Referans Kwoze

Sawltak 19:21

Tua nung ciangin Paul in Makedonia gam leh Akhaia gamah a pai khit ciangin Jerusalem khua-ah pai ding a lungsim sungah hanciamin, “Tua khua ka tun’ khit ciangin Rom khua ka phak teitei kul ding hi,” a ci hi.

Sawltak 18:5

Silas leh Timoti in Makedonia gam panin hong tun’ uh ciangin, Paul in thuhilh bek semin, Zeisu in Khazih hi ci-in Judah mite nakpi-in a hilh hi.

ROM (Romans) 15:26

Bang hang hiam na cih uh leh, Makedonia gam mite leh Akhaia gam mite in Jerusalem khuapi-ah misiangtho zawngte sum hawm uh a, lungsim takpi tawh a pia zo uh hi.

Sawltak 20:1

Tua gamlumna a bei khit ciangin Paul in nungzuite sam a, a hansuah khit ciangin, amaute tawh kikhenin Makedonia gamah a pai hi.

1 THESALONIKA MASA 4:10

Tua tham loin, Makedonia gam mun khempeuh ah a om ute naute khempeuh tungah tua bang na hih uh hi. Ahih hangin ute naute aw, note in khangin, na hauh semsem theih nadingun ahi zongin,

2 KORIN NIHNA 12:7

Ka ngah mangmatnate a lamdan’ mahmah hangin kisaktheihna lungsim ka neih loh nadingin kei hong daantat na’ng Satan’ sawltak ahi, ka pum hong sun ling khat hong pia hi.

2 KORIN NIHNA 11:9

No tawh ka omkhawm lai takin na khat peuhpeuh ka deih ciangin kuamah tungah vangik ka guan’ kei hi. Bang hang hiam na cih uh leh, Makedonia gam pan a hong pai ute naute in ka deihna khempeuh hong pia hi. Note tungah gimna khat ka suah loh nadingin kei in na khempeuhah ka kikem hi. A nung ciangin zong ka kikem lai ding hi.

2 KORIN NIHNA 9:2

Bang hang hiam na cih uh leh, note in huh nopna lungsim na neih uh ka thei hi. Tua huh nopna lungsim hangin ka kisathei hi. “Akhaia gam mite in nikum pekin a khol zo uh hi,” ci-in Makedonia gam mite kiangah ka gen thei hi. Note’ thanopna lungsim in mi tampi a hansuah zo hi.

2 KORIN NIHNA 8:1

Ute naute aw, Makedonia gamah a om pawlpite tungah a bawl Pasian’ hehpihna thupha note zong kong zasak uh hi.

2 KORIN NIHNA 7:5

Makedonia gamah ka tun’ uh ciangin ka pumpi ading tawlngakna bangmah om lo hi. Na khempeuh panin bawlsiatna ka thuak uh hi. Pua lamah kidona a om hi, sung lamah launa a om hi.

Sawltak 20:3

Kha thum a om khit ciangin teembaw tawh Siria gamah pai dinga akisak lai takin Judah mite in ama tungah bawlsiatna ding a hanciam uh ahih ciangin, Makedonia gam lamah paikik ding a hanciam kik uh hi.

Sawltak 10:30

Kornelias in, “Tuni-in ni li a phak zawh ni, tu hun lai tak nai thum thungetna ka inn sungah ka bawl lai takin, puan taang mahmah a silh mi khat in ka mai-ah a ding hi.

Sawltak 10:3

Nikai nai thum ciangin mangmu-in, Pasian’ vantungmi khat hong pai tel takin mu a, “Kornelias aw,” ci-in a sam hi.

Sawltak 9:38

Lidda khua in Joppa khua tawh kinai ahih ciangin Piter tua khua-ah a om ci-in nungzuite in a theih uh ciangin mi nih sawl uh a, “Zekai loin ko kiangah hong pai in,” ci-in a thuum uh hi.

Sawltak 16:10

Paul in mang a muh khit ciangin Makedonia gamah pai-in, amaute kiangah Lungdamna Thu hilh dingin Pasian in kote hong sawl zo hi ci-in ka ciamteh ka ngaihsun uh ahih ciangin, tua gamah thakhatin pai na’ng ka hanciam uh hi.

Sawltak 16:12

Tua khua panin paikhia-in Rom khua kici Makedonia gam sungah a lianbel khua ahi, Filippi khua ka tung uh a, sawt veipi ka tam uh hi.

Sawltak 19:22

Ama nasem mi nih, Timoti leh Erastas Makedonia gamah a paisak khit ciangin amah in Asia gamah tawlkhat khawl lai hi.

Sawltak 19:29

Khua sung khempeuh gamlumna tawh kidim hi. Amaute in Makedonia pana Paul’ khualzinpihte, Gaias leh Aristarkhus a mat khit uh ciangin, pawikhamna inn sungah lungsim kikhatin a tai uh hi.

Sawltak 27:2

Asia gam tuipi gei-ah a om khuate ah pai dinga kisa Adramittium teembaw tungah tuangin ka pai uh hi. Makedonia gam Thesalonika khua mi Aristarkhas kote tawh a omkhawm hi.

Thu-hilhkikna 30:13

Note in, ‘Eite in a thu za-in i sep theih nadingin kua in tuipi gal khatah hong paisakin hong laksak ding ahi hiam?’ na cih theih nadingun tuipi gal-a om zong hi lo hi.