Sawltak 16:4 - Tedim Bible

⁴ Amaute in khuapite-ah a pai lai takun Jerusalem khua-ah a om sawltakte leh upate in thukhensatnate a man’ nadingun pawlpite a pia uh hi.

Tedim Bible Revision 2017

⁴ Thuhilhin a paina uh khua khempeuh a thu um mite kiangah Jerusalem khua-a om sawltakte le upate in zuih dingin a khensat uh ngeinate gen kawikawi uh a, tua ngeinate a zuih nadingun a hanthawn uh hi.

Sawltak 16:4 Referans Kwoze

Sawltak 15:2

Paul leh Barnabas in tua mite tawh tampi a kinial, a kiseel khit uh ciangin Paul, Barnabas leh adang thu-um kimkhatte tua thu kikum dingin Jerusalem khua-ah a om sawltakte leh pawlpi upate’ kiangah a paisak uh hi.

Sawltak 15:6

Sawltakte leh upate in tua thu vaihawm dingun a kikhawm uh hi.

Sawltak 11:30

Tua mah bangin a bawl uh a, upate kiangah Barnabas leh Saul te’ khut tawh a khak uh hi.

Sawltak 15:4

Amaute Jerusalem khua a tun’ uh ciangin pawlpi leh sawltakte leh upate in a tungsak uh a, amau tungah Pasian hihna thu khempeuh a zasak uh hi.