Sawltak 16:33 - Tedim Bible

³³ Tua nai lai takin thong ukpa in Paul leh Silas la a, a kisatna ma a sawpsak khit ciangin, amah leh a innkuanpihte tawh thakhatin a kibaptaiz uh hi.

Tedim Bible Revision 2017

³³ Tua zankim lai takpi mahin thongcing pa in amauteʼ liammate sawp siangsak a, amah le a innkuan pih mi khempeuh a kituiphum pah uh hi.

Sawltak 16:33 Referans Kwoze

1 KORIN MASA 1:16

Stefanas-te innkuan zong ka baptaiz hi. Midangte ka baptaiz lam ka thei kei hi.

Sawltak 16:15

Amah in a innkuanpihte tawh a kibaptaiz khit ciangin, “Keimah in Topa sungah thu-um mi khat ka hihna nong up uh leh, keima innah hong tung un la, tam un,” ci-in thuumin, hong kho hi.

Sawltak 16:25

Zan kim lai takin Paul leh Silas in thungenin Pasian’ min phatna la a sa uh a, thongkia mite in a ngaih lai takun,

Galati 5:13

Ute naute aw, note in suahtakna thu ngah dinga hong sap mi na hih uh leh, si-le-sa nopsak na’ngin tua suahtakna zang kei un. Ki-itna tawh khat leh khat’ nasem mi na suak zaw un.

Galati 5:6

Bang hang hiam na cih uh leh, Khazih Zeisu sungah vunatna in phattuamna a om kei hi, vunat lohna in zong phattuamna a om kei hi; itna tawh nasep theihna upna bek in phattuamna a om hi.

Sawltak 16:23

A tampi a liam khit uh ciangin, “Pha takpi na cing in,” ci-in thong ukpa vaikhakin thong sungah a khum uh hi.

Luka 19:9

Zeisu in, “Hih pa in Abraham’ tapa ahih man-inah tuni-in hih inn sungah gupna a tung hi.

Paunak 16:7

Topa’ deih bang-a gamtatna in, galte nangawn lawm-a kaih zawhna hi.

Mattiu 3:6

amau mawhna khialhna pulakin Jordan gun sungah ama khut tungah kibaptaiz uh hi.

Sawltak 16:32

amah akipan a innkuanpihte Topa’ thu a hilh uh hi.

1 PETER MASA 3:21

Tu-in baptaizna ahi tua tui in lim bangin, Zeisu Khazih’ thawhkikna hangin note hong gum hi. Tua note a hong gum baptaizna ka cih ciangin pumpi nin a kihhuaina sawp siang a cihnopna hi lo hi; lungsim kisuan’ lohna siangtho tawh Pasian mai-ah a mang ka cihnopna hi.