Sawltak 16:29 - Tedim Bible

²⁹ Thong ukpa in meivak a nget khit ciangin lut pahin, Paul leh Silas’ khe mai-ah bokin, launa tawh a liing hi.

Tedim Bible Revision 2017

²⁹ Thongcing pa in zong meivak a la dingin mi khat sawl a, thong sungah tai-in laukawm liingkawmin Paul le Silas khe kiang va kidenna-in a va bok suk hi.

Sawltak 16:29 Referans Kwoze

Mangmuhna 3:9

En in, ‘Judah mipawl khat ka hi uh,’ a ci zuau thu a gen mipawl ahi, Satan pawlte ahi mite kong pia a, amau in nang khe kiangah bia-in, nang kong it, ci-in amaute ka theisak ding hi.

Sawltak 24:25

Paul in dikna thu, kidekna thu leh hong tung ding Thukhenna Ni thu a hilh ciangin Feliks Mangpa lau a, “Tu-in pai ta in. Tu nung a kilawm hun ciangin kong samkik ding hi,” a ci hi.

Daniel 6:26

Ka gam sunga om mi khempeuh in Daniel’ Pasian kihta-in a zahtak nadingun thu ka pia hi. “Bang hang hiam cih leh, Amah in a nungta Pasian hi a; atawntungin a uk ding hi. Ama gam in kisia ngeilo ding a, a vangliatna a bei ngei kei ding hi.

Jeremiah 10:10

Ahih hangin Topa in Pasian man hi a, amah in a nungta Pasian leh tawntung Kumpipa ahi hi. A heh ciangin lei ki-liing-a, gamte in a hehna nang zo lo hi.

Jeremiah 5:22

Kei hong kihta lo na hi uh hiam? Topa in kong ci hi. Ka mai-ah liing lo na hi uh hiam? Tuipi mongah sehnel keima’ koih hi-a, tui ka dal sak tawntung hi. Tuihualte in a lawhlawh hangin zozo lo uh a, a gin’ zuazua uh hangin kantan zo tuan lo uh hi.

Isaiah 66:5

Ama thu ah lau-in a liing mite aw, Topa’ thu za un: Kei tungah note nong cihtakna hangun na mipihte pawlkhat un note hong mudahin hong hawlkhia ding uh a, zahpihna tawh note hong hopihin, “Lungdamin na om ding uh hong deihsak ka hih manun, Topa in ama liatna hong lak hen la, note hong honkhia ta hen,” hong ci vial ding uh hi. Hih banga hong paute pen mindaina a thuak ding mite ahi uh hi.

Isaiah 66:2

Hih nate khempeuh keima khut in a bawlsa hi a, tua ahih ciangin hih nate khempeuh kei’ aa ahi hi, Topa in ci hi. Ahih hangin, kiniamkhiatin kha lamah lungsim a kitamzan mipa, keima thu-ah lau-in a liing kelkelpa pen keima deih mipa ahi hi.

Isaiah 60:14

Nangmah hong nengniamte’ tate nangma mai-ah kunsa-in hong pai ding uh a, nangmah hong simmawh mi khempeuh na khe mai-ah hong bok ding uh hi; amaute in nang pen Topa’ Khuapi, Israelte’ Siangtho Pa’ Zion, hong ci ding uh hi.

Late 119:120

Nang kong zahtakna-in ka khuasikmul suak a, na thukhennate ke’n ka zahtak hi.

Late 99:1

Topa in uk hi; mihonte ling hen! Amah, Kherubte tungah tu hi; leitung liing ta hen!

Sawltak 16:19

Ama tote in summeet ngah na’ng lametna om lo hi cih a theih ciangun, Paul leh Silas man uh a, khua ukte mai-a sumbuk lamah a paipih uh hi.

Sawltak 16:28

Ahih hangin Paul in, “Nang tungah bangmah na hih kei in, kote khempeuh ka om uh hi,” ci-in nakpi-in a kiko hi.