Sawltak 16:26 - Tedim Bible

²⁶ thakhatin zin nakpi liing a, thong innbul zong liing a, kongkhak khempeuh kihong a, mi khempeuh kisutkhia uh hi.

Tedim Bible Revision 2017

²⁶ Thakhatin nakpi takin zin hong liing a, thonginn a bulpi dongin a lok gawp hi. Thakhatthu-in thong kongkhak khempeuh kihong a, thongkiate a kikhihna sikkhau khempeuh a kiphel khia hi.

Sawltak 16:26 Referans Kwoze

Sawltak 4:31

Tua thu a nget khit uh ciangin a kikhopna mun uh liing a, amaute khempeuh Kha Siangtho tawh kidimin Pasian’ thu hang takin a gen uh hi.

Sawltak 5:19

Ahih hangin zan lai takin Topa’ vantungmi khat in thonginn kongkhak a hon’ khit ciangin amaute lakhia a,

Sawltak 12:10

A cingte mun khatna leh mun nihna khengin, khua sungah lutna sik kongpi a tun’ uh ciangin, ama thu thu-in amau ading kihong a, amaute a paikhia uh a, lam khat a pai khit uh ciangin thakhatin vantungmi in Piter tawh kikhenin a paikhia hi.

Sawltak 12:7

Pasian’ vantungmi khat in ama kiangah ding a, thong inn sungah khuavak a tang hi. Vantungmi in Piter’ pang beeng a, phongin, “Tho mengmeng in,” a cih ciangin sikkhaute a khut tung pan a kitolkhia hi.

Late 146:7

a kinengniam mite’ adingin thumanna semkhia a, gilkialte an a vaak hi. Topa in thongkiate khahkhia hi;

Mattiu 28:2

Tua lai takin lei nakpi-in a liing hi. Bang hang hiam i cih leh, Pasian’ vantungmi khat in vantung panin hong kumsuk a, han kong khakna suangpi a likkhiat khit ciangin a tungah a tu hi.

Mangmuhna 11:13

Tua hun lai takin zin nakpi liingin khuapi seh sawm suah seh khat cimin, mi tulsagih a si uh hi. A om lai mite lau-in liingin, vantung Pasian’ vangliatna a phat uh hi.

Isaiah 61:1

A zawng mite tungah lungdamna thu puak dingin Topa in kei sathau hong nilhin hong sawl ahih manin kei tungah Topa Pasian’ kha hong om hi; lungsim kitamzante a damsak ding, sal-a a kimante tungah suahtakna thu a gen ding, a kihen mite’ adingin thong kong a hong ding;

Late 79:11

Thongkiate’ taunate ngai in la, thah dinga a kisehte nangma vangliatna tawh kizui-in suakta sak in!

Mangmuhna 6:12

Tuuno in gukna ciamtehna hon’ khit ciangin ka en a, nakpi-in zin a liing hi. Ni in samul tawh kigan puan bangin vom-in a suak hi. Kha in zong sisan bangin a piang hi.

Late 68:6

Pasian in a cimawhte a ten’ nading inn pia hi; amah in thongkiate nopsakna munah tun hi; ahih hangin mi lehdote ahih leh keugaw gamah teeng uh hi.

1 KUMPI MASATE 13:28

Tua ciangin amah pai a, lampi ah a luanghawm kipaai-in la leh humpinelkai a luanghawm gei-ah a ding mu hi. Humpinelkai in a luanghawm ne lo a, la zong balnen lo hi.