Sawltak 16:23 - Tedim Bible

²³ A tampi a liam khit uh ciangin, “Pha takpi na cing in,” ci-in thong ukpa vaikhakin thong sungah a khum uh hi.

Tedim Bible Revision 2017

²³ Nakpi takin a kisat khit ciangin thong sungah koihsak uh a, limtakin tawh a kalh nadingin thongcing pa kiangah thu a pia uh hi.

Sawltak 16:23 Referans Kwoze

Mangmuhna 2:10

Nang in na thuak ding lai takte kihta kei in. Ze-etna na thuak nadingun note kimkhat Dawimangpa in thong sungah hong khia-in, note in nisawm sung gimna na thuak ding uh hi. Nangmah in sihna na thuak dongin thumanin om in. Tua hi leh, nuntakna kumpilukhu nang kong pia ding hi.

2 TIMOTI NIHNA 2:9

Tua Lungdamna Thu hangin keimah in mi gilo bangin khau kikhihna dongin gimna ka thuak hi. Ahih hangin Pasian’ thu ahih leh, a kikhihna om lo hi.

Efesa 4:1

Tua ahih ciangin a hong sapna thupha note in na ngah uh tawh kituakin na zuih nadingun, Topa hanga thongkia keimah in hansuahin kong zol hi.

Efesa 3:1

Tua thu hangin note phattuam nadingin ngaihsunin, keimah a hong piak Pasian’ hehpihna thupha note in na zak uh leh, Gentail mi ahi note hangin Khazih Zeisu’ thongkiapa kei Paul in,

Sawltak 16:36

Thong ukpa in, “Na kikhah nading uh thu thukhen mangte in hong paisak zo hi. Tua ahih ciangin tu-in na paikhia un la, nuam takin na pai un,” ci-in tua thute Paul kiangah a gen hi.

Sawltak 16:27

Thong ukpa tho a, kongkhakte hon’sa-a om a muh ciangin, thongkiate khempeuh suakta khin hi ci-in a up ciangin a namsau a paai pan dok a, amahmah kithat dingin a kisa hi.

Sawltak 12:18

A zingsang ciangin Piter koi lamah a om hiam ci-in galkapte in a gamlum uh hi.

Sawltak 12:4

Amah in Piter a mat khit ciangin galkap li tek a om, galkap pawl li kemsak a, thong sungah a khia hi. Paisan pawi ni a bei khit ciangin mi honpi mai-ah lahkhiat ding a hanciam hi.

Sawltak 9:2

hih Lampi a zui numeite ahi zongin, pasalte ahi zongin a muh ciangin, khau tawh a khih khit ciangin Jerusalem khua-ah paipih dingin Damaskas khua kikhopna inn ukte kiangah vaikhakna lai piak nading siampi ukpa kiangah a ngen hi.

Sawltak 8:3

Saul a hih leh, pawlpite bawlsia a, inn khempeuh ah a lut khit ciangin pasal leh numeite kaikhia a, thong sungah a khum hi.

Sawltak 5:23

“Thong kongkhak pha takpi-in kikhak a, thong cingte kong pua lamah dingin a om uh ka mu uh hi. Ahih hangin ka hon’ khit uh ciangin thong sungah mi khat beek ka mu kei uh hi,” a ci uh hi.

Sawltak 5:18

Amaute in sawltakte a mat khit uh ciangin thong sungah a khum uh hi.

Luka 21:12

Tua thu khempeuh a pian’ ma-in, keima min hangin amaute in hong man ding uh a, kikhopna inn sung leh thong sungah hong pia ding uh a; kumpite leh mangpite mai-ah hong paipih ding uh a, hong bawlsia ding uh hi.

Mattiu 26:48

Zeisu lehheekpa in, “Ka nappa in Zeisu ahi hi. Tua pa na man un,” ci-in amaute kiangah a lim a hilhkhol hi.

Mangmuhna 1:9

Zeisu sungah a om gimna-a kipan gam ahi zongin, thuakzawhna ahi zongin, note tawh a thuak khawm, note’ u ahi keimah Johan in Pasian’ thu leh Zeisu tawh kipawl teci pan’nate hangin Patmos kici tuikulh gamah ka om hi.

2 KORIN NIHNA 6:5

satna tupna thuakna, thong sung khumna, mi tawh kitotna, nasepna, ihmu lo a, ngakna, gilkial thuakna,

2 KORIN NIHNA 11:23

Amaute in Khazih’ nasemte ahi uh hiam? Kei in zong ka hizaw hi ci-in mihai bangin ka gen hi. Gim mahmaha nasem zaw mi, thong sungah khiatna a thuakzaw mi, satna tupna kisim zo lo a thuak mi, sihna ding tawh tam veipi kituak ka hi hi.

Joshua 4:17

Tua ahih ciangin Joshua in siampite thu pia a, “Jordan panin hong paikhia un,” a ci hi.