Sawltak 16:20 - Tedim Bible

²⁰ Thukhen mangte kiangah a tun’ uh ciangin, “Hih mite in Judah mi hi napi-in kote khua hong bawlsia uh a,

Tedim Bible Revision 2017

²⁰ Rom ulian thukhente kiangah paipih uh a, “Hih mite, Jew mi hi a, i khua sungah nawngkaina hong piangsak hi.

Sawltak 16:20 Referans Kwoze

Jeim 4:4

Apangtatte aw, leitung tawh kipawlna in Pasian tawh kilem lohna ahih lam thei lo na hi uh hiam? Tua ahih leh, leitung tawh a kipawl mi peuhmah in Pasian’ gal a suak hi.

ROM (Romans) 12:2

Hih leitung mite bangin na om kei un. A hoih, a deihhuai, a kicing ahi Pasian’ deihna in bang ahi hiam ci-in na khen theih nadingun na lungsim uh bawl thakin, na lim uh na kilamdangsak un.

Sawltak 28:22

Ahih hangin hih biakna in gam khempeuh ah kosiatna a thuak cih thei ka hih manun, na upna thu nangma kiang pan ka ngai nuam uh hi,” a ci uh hi.

Sawltak 19:34

Judah mi ahih lam amaute in a theih uh ciangin, “Efesa khua Diana a lian hi!” ci-in nai nih sung dektak aw kikhatin a kiko uh hi.

Sawltak 18:2

Tua lai takin Klaudia kumpipa in Judah mi khempeuh Rom khua pan a paikhiat nadingun thu pia zo ahih ciangin Pontas gammi ahi, a min Akuila kici Judah mi khat a zi Prisilla tawh, Italy gam panin a sawt loin hong tung uh a, Paul in a muh ciangin a kiangah a tung hi.

Mattiu 2:3

Herod kumpipa in tua thu a zak ciangin Jerusalem khuami khempeuh tawh a lunghimawh uh hi.

Jeremiah 38:4

Tua ciangin kumpipa’ uliante in kumpipa’ kiangah, “Hih mipa i thatlum ding hi. Bang hang hiam cih leh hih thute a gen manin hih khuapi sunga a om lai galkapte leh mi khempeuhte lungkia sakin thazaw sak hi. Hih mipa in i gam mite’ phattuam nading zong loin a gim ngah nading uh a zong zaw hi,” a ci uh hi.

Sawltak 16:19

Ama tote in summeet ngah na’ng lametna om lo hi cih a theih ciangun, Paul leh Silas man uh a, khua ukte mai-a sumbuk lamah a paipih uh hi.

Sawltak 16:21

Rom mi ahi eite in i san’ ding leh i zuih dinga kilawm lo ngeina thute hong hilh uh hi,” ci-in a ko uh hi.