Sawltak 16:19 - Tedim Bible

¹⁹ Ama tote in summeet ngah na’ng lametna om lo hi cih a theih ciangun, Paul leh Silas man uh a, khua ukte mai-a sumbuk lamah a paipih uh hi.

Tedim Bible Revision 2017

¹⁹ Tua numeiʼ tote in a sum ngah nading uh bei ta hi, ci-in a phawk uh ciangin Paul le Silas man uh a, thukhente omna sumbuk tual ah a kai uh hi.

Sawltak 16:19 Referans Kwoze

Sawltak 21:30

Khuazangin kigamlum a, mi tampite tai-in kikhawm uh a, Paul a mat khit uh ciangin biakna innpi sung pan a kaihkhiat khit uh ciangin kong a khak kik uh hi.

Sawltak 17:6

A muh loh uh ciangin Jason leh ute naute kimkhat khua ukte kiangah a paipih uh a, “Leitung gam khempeuh a kilumletsak hih mite in hih san dongin hong tung zo uh a, Jason in ama innah a tung sak hi.

2 KORIN NIHNA 6:5

satna tupna thuakna, thong sung khumna, mi tawh kitotna, nasepna, ihmu lo a, ngakna, gilkial thuakna,

Sawltak 16:16

Tua nung ciangin thungetna mun lam ka pai lai takun aisanin ama tote ading summeet ngah thei, dawi-lut sila nungak khat in kote hong dawn hi.

Sawltak 8:3

Saul a hih leh, pawlpite bawlsia a, inn khempeuh ah a lut khit ciangin pasal leh numeite kaikhia a, thong sungah a khum hi.

Sawltak 15:26

Barnabas leh Paul tawh ka teel uh mite, note kiangah kong pai khawmsak nading uh ka ki-awi uh hi.

Sawltak 14:19

Ahih hangin Antiok khua leh Ikonium khua panin Judah mite hong pai uh a, mihonte a hansuah khit uh ciangin Paul suang tawh a deng uh a, a si khin ta hi ci-in khua nawlah a kaikhia uh hi.

Sawltak 14:5

Gentailte leh Judahte in upate tawh bawlsia uh a, suang tawh a deng dingin nakpi-in a delh ding uh,

Sawltak 9:16

Keima min hangah bangzah takin a thuak nading ke’n ka lak ding hi,” ci-in a gen hi.

Marka 13:9

“Ahih hangin na kikem un. Bang hang hiam na cih uh leh, amaute in upa vaihawmte’ thukhenna sungah note hong pia ding uh hi. Kikhopna inn sungah satna na thuak ding uh hi. Tuate mai-ah teci na pan’ nadingun mangte leh kumpite mai-ah keimah hangin na ding ding uh hi.

Mattiu 24:9

“Tua ciangin amaute in note hong bawlsiat nadingun hong pia ding uh a, hong that ding uh hi. Keima min hangin mi khempeuh in note hong mudah ding uh hi.

Jeim 2:6

Note na hih uh leh, mizawngte na thudon kei uh hi. Sum haute in note hong bawlsia uh a, thukhenna tokhom mai-ah hong kai uh hilo ahi hiam?

Sawltak 15:22

Tua ciangin sawltakte leh upate leh pawlpi khempeuh in amaute lakah, unaute lakah milian ahi uh Barsabbas, a min thak Judah leh Silas teelin, Antiok khua-ah Paul leh Barnabas tawh pai khawmsak leng a hoih hi ci-in a ki-awi uh hi.

1 TIMOTI MASA 6:10

Bang hang hiam cih leh, sum hauh nopna in khialhna pawl khempeuh bul ahi hi. Mi kimkhat in sum hauh nopna hangin upna lampi pan paikhia-in, lunggimna apawlpawl tawh amau pumpi uh a vut let zo uh hi.

Daniel 6:12

Amaute khempeuh kumpipa kiangah Daniel hek dingin a pai uh hi. Amaute in “Kumpipa aw, tu zawh ni sawmthum sungin kumpipa kiang longal, pasian kiang ahi a, mi khatpeuh kiang ahi zongin thungen a om leh, humpinelkai koihna khuk sungah kikhia ding hi ci-in thu piakna lai hawmkhia in na min gelh hilo na hiam?” a ci uh hi. Tua ciangin kumpipa in, “Hi mah hi, Mediate leh Persiate’ upadi bangin a kikhel thei lo ding a ngat thu piakna ka bawl hi,” a ci hi.

Sawltak 15:40

Ute naute in Pasian’ hehpihna sungah Paul a ap khit uh ciangin amah in Silas samin a paikhia hi.

Sawltak 16:20

Thukhen mangte kiangah a tun’ uh ciangin, “Hih mite in Judah mi hi napi-in kote khua hong bawlsia uh a,

Sawltak 16:25

Zan kim lai takin Paul leh Silas in thungenin Pasian’ min phatna la a sa uh a, thongkia mite in a ngaih lai takun,

Sawltak 16:29

Thong ukpa in meivak a nget khit ciangin lut pahin, Paul leh Silas’ khe mai-ah bokin, launa tawh a liing hi.

1 THESALONIKA MASA 2:2

Note in na theih uh mah bangin kote in Filippi khua-ah zawn’khalna leh bawlsiatnate ka thuak khit uh ciangin, i Pasian suangin nakpi-in nialna tawh Pasian’ Lungdamna Thu nomau kiangah lau loin ka hong hilh uh hi.