Sawltak 16:17 - Tedim Bible

¹⁷ Tua nungak in Paul leh komau hong zui a, “Hih mite in gupna Lampi eite hong hilh, Sang Pen Pasian’ nasemte ahi uh hi,” ci-in a kiko hi.

Tedim Bible Revision 2017

¹⁷ Tua numei in Paul le kote hong zui-in, “Hih mite, A Lianpen Pasianʼ nasemte ahi uh hi. Note a hong kihotkhiat theih nading thu a hong gen uh ahi hi,” ci-in a kiko hi.

Sawltak 16:17 Referans Kwoze

Johan 14:6

Zeisu in, “Keimah in lampi ka hi hi, thuman thutak ka hi hi, nuntakna lah ka hi hi. Kei hong suang loin kuamah in Pa kiang a tung zo kei ding hi.

1 PETER MASA 2:16

To neilo na hih uh hangin to nei lo na hihna uh tawh gitlohna a seel mite bangin na gamta kei un; Pasian’ sila bangin na gamta un.

Marka 5:7

“A sang bel Pasian’ Tapa Zeisu aw, nang tawh bang kikum i hi hiam? Kei nong bawlsiat loh nadingin, Pasian’ min tawh thu kong pia hi!” ci-in nakpi-in a kiko hi.

Daniel 6:20

Humpinelkai koihna khuk a tun’ dektak lai takin aw liing kawmin, “Daniel, a nungta Pasian nasempa! Thuman taka na biak tawntung na Pasian in humpinelkai’ kam sung panin a hong honkhia thei hiam?” ci-in a kiko hi.

Daniel 3:28

Tua ciangin kumpipa in “Shadrak,’ Meshak,’ Abednego’ Pasian phat un. Amah in a vantungmite sawl a, amah a muang ama nasem hih mite a honkhia hi. Amaute in ka thupiakna mang loin, amau’ Pasian longal pasian dang mai-ah kunin bia nuam lo uh ahih manin mei phualpi sunga khul ding a ut zaw uh hi,” a ci hi.

Daniel 3:26

Tua ahih ciangin Nebukhadnezzar mei phualpi kong gei-ah paito a, “Shadrak! Meshak! Abednego! Sangpen Pasian’ nasemte hong paikhia un,” ci-in a sam hi. Tua ciangin amaute zong thakhatin a hong paikhia pah uh hi.

Luka 4:41

Dawite in zong, “Nang in Pasian’ Tapa na hi hi,” ci-in kikoin mi tampite sung pan a paikhia uh hi. Amah in Khazih ahih lam a theih manun, Amah in amaute taii-in kam khat beek a pausak kei hi.

Luka 4:34

Amah in, “Nazareth mi Zeisu aw, kote in nang tawh bang kikum i hi hiam? Kote susia dingin hong pai na hi hiam? Nang kua mi na hih ke’n kong thei hi. Pasian’ misiangtho na hi hi,” ci-in aw lianpi tawh a kiko hi.

Luka 1:79

A tung panin ni suakin eite kiangah hong tang ding hi,” ci-in a gen hi.

Jonah 1:9

Amah in, “Keimah in Hebru mi ka hi hi; tuipi leh leitung a bawl, vantungte’ Pasian ahi Topa ka bia hi,” a ci hi.

Late 57:2

A Sang Penpa Pasian’ tung, kei’ Pasian’ tung, kei’ adingin ama deihna a tungsak Pasian’ tungah ka ko hi.

Sawltak 19:13

Ahih hangin a vak kawikawi aisan Judah mi kimkhatte in dawigilo a lut mite tungah Topa Zeisu’ min tawh thupia-in, “Paul in a hilh Zeisu’ min tawh kong sawl hi,” a ci uh hi.

Sawltak 18:26

Amah in kikhopna inn sungah lau loin thu a hilh hi. Prisilla leh Akuila in ama thu a zak uh ciangin, a sam uh a, Pasian’ ngeina thu a tel zaw-in a hilh uh hi.

Luka 20:21

Tuate in, “Sia aw, nang in thutak genin thu na hilh a, mi khentuam nei loin Pasian’ lampi a tang takin na hilh hi cih ka thei uh hi.

Luka 1:77

Gupna thu ama mipawlte na theihsak nading ahi zongin, ama lampi na sial nading ahi zongin, Nang in Topa mai-ah na pai ding hi. Tua hehpihna hangin

Marka 12:14

Tuate in ama kiang a tun’ uh ciangin, “Sia aw, nang thutak genpa na hi hi. Kuamah na kihta kei a, mi maitang zahtak loin Pasian lam thu a tang takin na hilh cih ka thei uh hi. Kaisar kumpipa siah piak tuak ahi hiam, piak tuak lo ahi hiam?

Marka 1:24

“Nazareth mi Zeisu aw, kote in nang tawh bang kikum i hi hiam? Kote susia dingin hong pai na hi hiam? Nang kua mi na hih ke’n kong thei hi. Pasian’ mi siangtho na hi hi,” ci-in a kiko hi.

Mattiu 22:16

amau’ nungzuite leh Herod’ nungzuite, Zeisu kiangah sawlin, “Sia aw, nang in thutak genpa na hi hi. Kuamah na kihta kei a, mi maitang zahtak loin Pasian thu a tangtakin na hilh cih ka thei uh hi.

Mattiu 8:29

“Pasian’ Tapa aw, kote in nang tawh bang kikum i hi hiam? A hun hong tung nai lopi-in kote susia ding hong pai na hi hiam?” ci-in a kiko uh hi.

Micah 6:6

Vantung Pasian ahi Topa mai-ah bang va keng ding ka hi hiam? Amah biakna-in hal dingin kum khat a pha bawngno thaute paipih ding ka hi hiam?

Daniel 6:16

Tua ciangin kumpipa in Daniel humpinelkai koihna khuk sunga khiat dingin thu a pia hi. Amah in Daniel kiangah, “Thuman taka na biak tawntung na Pasian in hong honkhia ta hen,” a ci hi. Tua ciangin humpinelkai koihna khuk sungah Daniel a khia uh hi.

Daniel 5:21

Amah mihingte lak panin kihawlkhia a, ganhing lungsim a nei hi. Gam sakolte tawh teeng khawmin, bawngtal bangin lopa ne a, daitui dal ding nei loin a pua lamah a lum hi. A tawp khakna ah Sangpen Pasian in mihingte’ kumpi gamte uk a, a teel peuhpeuh kumpi a suak hi ci-in a phawk thei hi.

Daniel 5:18

Sangpen Pasian in na pa Nebukhadnezzar kumpi lianin koih a, zahtakna leh vangliatna a pia hi.

Daniel 4:2

Sangpen Pasian in kei tunga lim leh nalamdang a hong lahna thute ka hong gen nuam hi.

Late 78:35

Amaute in Pasian pen, amau tankhiapa Sangpen Pasian, a suangpi uh ahihna phawk uh hi.

Luka 8:28

Amah in Zeisu a muh ciangin, a mai-ah bokin, “Sang Bel Pasian’ Tapa Zeisu aw, nang tawh bang kikum i hi hiam? Kei nong bawlsiat loh nadingin kong thuum hi,” ci-in nakpi-in a kiko hi.

2 PETER NIHNA 2:2

Amau kihhuai gamtatnate mi tampi in mangin, thuman thutak lampi kosiatna a thuaksak ding uh hi.