Sawltak 16:15 - Tedim Bible

¹⁵ Amah in a innkuanpihte tawh a kibaptaiz khit ciangin, “Keimah in Topa sungah thu-um mi khat ka hihna nong up uh leh, keima innah hong tung un la, tam un,” ci-in thuumin, hong kho hi.

Tedim Bible Revision 2017

¹⁵ Amah le a inn sunga om mi khempeuh tui kiphum uh a, “Topa thu a um mi taktak hi, ci-in na hong ngaihsut nak uh leh hong pai unla, ka inn ah hong tung un,” ci-in hong samin a hong zol hi.

Sawltak 16:15 Referans Kwoze

Sawltak 11:14

Tua pa in nangmah leh na innkuanpihte gupna na ngah nadingun hong hilh ding hi,’ hong ci hi’ ci-in hong gen hi.

Hebru 13:2

Zinte do nading na mangngilh kei un. Bang hang hiam na cih uh leh, mi kimkhat in zin a do laitakun vantungmite ahih lam thei loin zin a do kha uh hi.

Sawltak 16:33

Tua nai lai takin thong ukpa in Paul leh Silas la a, a kisatna ma a sawpsak khit ciangin, amah leh a innkuanpihte tawh thakhatin a kibaptaiz uh hi.

Luka 24:29

amaute in, “Kote tawh hong giakkhawm in. Ni tumin khua a mial dek zo hi,” ci-in Zeisu nakpi-in a khoh uh ciangin, amah in amaute tawh giakkhawm dingin inn sungah a lut hi.

Piancilna 19:3

Ahih hangin amah in amaute nakpi takin kun hi; tua ahihciangin amaute ama' lamah kihei a, ama' innah lut uh hi; amah in amaute adingin an bawl a, silngo sawh loh anlum em hi, amaute in ne uh hi.

3 JOHAN THUMNA 1:8

Tua hi a, eite in thuman thutak a huh mi i suah nadingin tua bang mite zin i do ding a kilawm hi.

3 JOHAN THUMNA 1:5

Ka it mi aw, nangmah in ute naute tungah ahi zongin, zinte tungah ahi zongin na bawlna khempeuh, dikna tawh kipawlin a bawl na hi hi.

1 PETER MASA 5:12

Keimah in note hong hansuahin, hih thute in Pasian’ hehpihna thupha thu a man takpi ahi ci-in teci pangin hih lai a tomin ka gelh khit ciangin, midik ka sak sanggampa Silvanas’ khut sung pan ka hong pia hi.Tua sungah na kip un.

Filemon 1:17

Tua ahih ciangin nangmah in kei pen na lawmpa banga nong ngaihsut leh, amah zong keimah bangin na tungsak in.

Filippi 1:7

Note khempeuh ading tua bang lungsim ka neih ding a kilawm hi. Bang hang hiam na cih uh leh, note khempeuh in keimah tawh thupha na ngah khawm uh a, keima thongkiatna-ah ahi zongin, Lungdamna Thu lamah hutna leh kipsakna-ah ahi zongin nong huh uh a, tua thu hangin note kong phawk tawntung hi.

Efesa 1:1

Pasian’ deihna hangin Khazih Zeisu’ sawltak ahi keimah Paul in Efesa khua-ah a om misiangthote leh Khazih Zeisu sunga midikte kiangah thu kong zasak hi.

Galati 6:10

Tua ahih ciangin eite in a kilawm a kituak hun i neih bangin mi khempeuh tungah thupha bawlin, adiak diakin thu-um innkuanpihte tungah nakpi-in bawl ni.

2 KORIN NIHNA 12:11

Mihai ka suak zo hi! Note in kei, zawhthawhna tawh mihai nong suaksak zo uh hi. Bang hang hiam na cih uh leh, note phatna ngah ding ka kilawm hi. Keimah in bangmah ka hih loh hangin sawltak a lian belte nuaiah neukha beek a gina lozaw ka hi kei hi.

2 KORIN NIHNA 5:14

Bang hang hiam na cih uh leh, mi khempeuh tang ding mi khat bek si ahih ciangin mi khempeuh a si uh ahi zongin,

ROM (Romans) 16:23

Kei ahi zongin, pawlpi khempeuh ahi zongin, zin hong do thei Gaias in note hong hopih hi. Khuapi dangka keem Erastas leh i sanggampa Kuartas-te in note hong hopih uh hi. (

2 JOHAN NIHNA 1:10

Mi khat in note kiangah hong pai a, hih thu a vom kei leh, amah note innah na tungsak kei un; “Thupha ngah in,” ci-in hopih kei un.

Sawltak 18:8

Kikhopna inn ukpa Krispas in ama innkuanpihte tawh Topa a um hi. Korin mi tampite in zong thu ngai uh a, umin a kibaptaiz uh hi.

Sawltak 8:38

Mangpa in leeng khawlsak a, Filip leh Mangpa a nihun tui sungah a pai uh a, Filip in a baptaiz hi.

Sawltak 8:12

Filip in Pasian’ Gam leh Zeisu Khazih’ minin Lungdamna Thu gen a, tua mite in a up uh ciangin numeite leh pasalte a kibaptaiz uh hi.

Luka 14:23

A topa in, ‘Ka inn a dim nadingin lampi leh lo lamah pai in la, amaute zawhthawhna tawh hong tumsak in.

Mattiu 10:41

Pasian’ kamsangpa in kam sangpa ahih maninah, tua kamsangpa a ngaite in Pasian’ kamsangpa’ phattuamna a ngah ding hi. Misiangtho in mi siangtho ahih maninah, tua misiangtho a ngaite in misiangtho’ phattuamna a ngah ding hi.

2 KUMPI NIHNATE 4:8

Ni khat Elisha Shunem ah paisuak a, tua lai-ah a hau numei khat tengin tua nu in anne dingin amah sam hi. Tua ahih ciangin amah in tua lam a nawk peuhpeuh ciangin anne dingin tua lai-ah baang hi.

1 SAMUEL MASA 28:23

Amah in nial a, “Ka ne kei ding hi,” a ci hi. Ahih hangin tua numei tawh kopin a nasemte in ci teitei uh hi; tua ciangin amau cih bangin mang hi. Tua ahih ciangin lei lak panin amah tho-in lupna tungah tu hi.

Piancilna 33:11

Nang' kianga hong kipaipih ka letsong nong san’ nadingin hong thum ing, bang hang hiam cih leh Pasian in kei' tungah hehpih mahmahna tawh hong gamta a, a kicing ka nei hi,” ci hi. Tua bangin amah in kun teitei ahih manin amah in zong sang hi.

Mattiu 3:6

amau mawhna khialhna pulakin Jordan gun sungah ama khut tungah kibaptaiz uh hi.

Sawltak 16:31

Amaute in, “Topa Zeisu na up leh, nangmah tawh, na innkuanpihte tawh gupna na ngah ding uh hi,” ci-in,

Sawltak 16:34

Ama innah lutpih a, an vaak a, Pasian a up manin, a innkuanpihte khempeuh tawh a lungdam uh hi.