Sawltak 16:14 - Tedim Bible

¹⁴ Puansan a zuak Thiatira khua mi ahi, Pasian a bia numei a min Lidia in komau thu a za hi. Tua numei in Paul’ thuhilhna a san’ theih nadingin Pasian in ama lungsim a hon’sak hi.

Tedim Bible Revision 2017

¹⁴ Tua ka thuhilhna uh a za mite lakah Thiatira khuami, a manpha mahmah puansan a zuak, Lydia kici numei khat a om hi. Tua nu pen Pasian a bia numei khat hi a, Paulʼ thugente a sang thei dingin Pasian in a lungsim a honsak hi.

Sawltak 16:14 Referans Kwoze

Luka 24:45

Tua lai takin Lai Siangtho a theih nadingun amaute lungsim a hon’sak hi.

Isaiah 50:5

Topa Pasian in ka bil hong honsak a, amah ka lehdo kei a, ka nungngat kei hi.

Mangmuhna 3:20

En in, kei in kongkhak kiangah ding-in kiu-in ka om hi. Mi khatpeuh in ka aw za-in kong khak hong hon’ leh, tua mi kiangah ka tum khit ciangin amah tawh an ne khawm, tui dawn khawmin ka om ding hi. Amah in kei tawh an ne khawm tui dawn khawmin a om ding hi.

ROM (Romans) 9:16

Tua bang ahih ciangin a deih mi tawh a kikum kei hi, a hanciam mi tawh zong a kikum kei hi, hong hehpih thei Pasian bek tawh kikum hi.

Filippi 2:13

Bang hang hiam na cih uh leh, note in ama deihna bangin na sepnop nading uh leh na sep theih nadingun Pasian mahmah in nomau sungah hong sem ding hi.

Sawltak 11:21

Pasian’ khut in amaute tawh omkhawm a, thu-um mi tampi in Pasian kiangah a kihei uh hi.

Mangmuhna 3:7

“Filadelfia khua-ah a om pawlpi’ vantungmi kiangah hih bangin gelh in. ‘A siangtho mi, a thuman mi, David’ konghon’na a nei mi, kuama khak theih loh dingin hongin, kuama hon’ theih loh dingin a khak thei mi’ thupiakna in:

Sawltak 18:7

tua san tak pan paikhia-in, Pasian a bia Titu Justas min nei, mi khat’ innah a pai hi. Tua pa’ inn in kikhopna inn tawh kinai-in a om hi.

Mangmuhna 1:11

“Nangmah in na muhte, lai sungah gelh in la, Efesa khua, Smurna khua, Pergamum khua, Thiatira khua, Sardis khua, Filadelfia khua, Laodikia khua-ah om pawlpi sagihte kiangah khak in,” ci-in hong genna kam ka za hi.

Sawltak 10:2

Tua mi in a diktat mi hi a, a innkuanpihte tawh Pasian kihta a, mite tungah hehpihna tampi pia a, Pasian kiangah thungen nilohin a om hi.

Sawltak 8:27

Tua lai takin Ethiopia gam a uk Kandake kumpinu nuai-ah a vanglian, a vaihawm mang, ama sum khempeuh a uk, Ethiopia mi khat in Pasian bia dingin Jerusalem khua-ah a pai khit ciangin,

Johan 12:20

Pawikhamna sungah Pasian bia dinga hong paite lakah Grik mi zong a om uh hi.

Solomon la 5:4

Ka ngaihno in kongkhak hong len khin napi, hong taisan kik hi.

Late 110:3

Na mihonte mual siangtho tungah na makaih ciangin, utna lungsim tawh na mite hong kipia ding uh hi. Daitui bangin zingsang ciangin na khangnona nangma tungah hong tung ding hi.

Sawltak 13:43

Kikhopna a bei khit ciangin Judah mi leh Judah ngeina sungah a tum Pasian zahtak mi tampite in Paul leh Barnbas nung a zui uh a, Pasian’ hehpihna thupha sungah a kip nadingun amaute in thu hilhin, a hansuah uh hi.

Sawltak 13:50

Ahih hangin Judah mite in Pasian a zahtak numei liante leh khua sung miliante a hansuah uh a, Paul leh Barnabas bawlsia-in, amau khua sung pan a hawlkhia uh hi.

Sawltak 16:40

Tua ciangin Paul leh Silas in thong sung pan paikhia-in, Lidia’ innah a lut uh a, ute naute tawh kimu-in, amaute a lungkipsak khit uh ciangin a paikhia uh hi.