Sawltak 16:1 - Tedim Bible

¹ Paul in Derbe khua leh Listra khua-ah a tung hi. Tua Listra khua-ah Timoti min nei nungzui khat a om hi. A nu in thu-um Judah numei ahi hi.

Tedim Bible Revision 2017

¹ Paul paisuak lai-in Derbe khua tung a, tua panin Lystra khua a tung hi. Tua Lystra khua ah Timoti a kici thu um mi khat om a, a nu zong thu um Jew mi hi a, a pa pen Grik mi ahi hi.

Sawltak 16:1 Referans Kwoze

2 TIMOTI NIHNA 1:2

Ka it ka tapa Timoti kong zasak hi. Pa Pasian leh i Topa Khazih Zeisu kiangpan hehpihna thupha, hehpihna leh nopna nang tungah om ta hen.

1 TIMOTI MASA 1:2

Upna sungah ka ta taktak ahi Timoti kiangah kong zasak hi. Pa Pasian leh Khazih Zeisu i Topa’ hehpihna thupha, hehpihna leh nopna nangma tungah om ta hen.

1 THESALONIKA MASA 3:2

Khazih’ Lungdamna Thu hilhin, i sanggampa Timoti note kiangah ka hong sawl uh hi. Hih gimnate hangin kuamah a lungkiat loh nadingin, note hong kipsak a, na upna uh ah note hong hansuah nadingin amah ka hong sawl uh hi.

1 KORIN MASA 4:17

Tua hangin Topa’ nasepna pan a diktat, ka it ka ta Timoti note kiangah kong sawl hi. Mun khempeuh ah pawlpi khempeuh thu ka hilh mah bangin, kei in Khazih sungah ka gamtatnate amah in note hong phawksak ding hi.

Sawltak 18:5

Silas leh Timoti in Makedonia gam panin hong tun’ uh ciangin, Paul in thuhilh bek semin, Zeisu in Khazih hi ci-in Judah mite nakpi-in a hilh hi.

Sawltak 17:14

Tua ciangin ute naute in Paul tuipi dongin thakhatin a paisak uh hi. Silas leh Timoti in a tam lai uh hi.

2 THESALONIKA NIHNA 1:1

Paul, Silvanas leh Timoti te in i Pa Pasian leh Topa Zeisu Khazih sungah kip-a a om Thesalonika pawlpi kong zasak uh hi.

Kolose 1:1

Pasian’ deihna hangin Khazih Zeisu’ sawltak keimah leh i sangampa Timoti in Kolose khua-ah a om Khazih sungah misiangthote leh a thuman ute naute kiangah thu ka hong zasak uh hi. I Pa Pasian kiang panin hehpihna thupha leh nopna in note tungah om ta hen.

Filippi 2:19

Ahih hangin note thu thei-in ka lungnop tuam nadingin, note kiangah Timoti ka hong sawl ding hi ci-in Zeisu sungah ka lamen hi.

ROM (Romans) 16:21

Kei tawh na a semkhawm Timoti akipan ka behte ahi uh Lukias, Jason leh Sosipater-te in note hong hopih uh hi.

Sawltak 14:6

amaute in a theihkholh uh ciangin Likaonia khua, Listra khua leh Derbe khua akipan,

Hebru 13:23

I sanggampa Timoti a kikhah khitna thu na thei un. Amah in a sawt loin hong tung leh, keimah in amah tawh hong paikhawmin note kong mu ding uh hi.

1 TIMOTI MASA 1:18

Ka ta Timoti aw, nangmah hong ngaihsunin a kigensa thu genkholhna kam bangin nang in upna leh theihna lungsim siangtho suangin, a pha galdona na do nadingin, a tungah ka hong gensa thupiakna kikoihna thu, nang ka hong pia hi.

1 THESALONIKA MASA 1:1

Paul, Silvanas leh Timoti-te in Pa Pasian leh Topa Zeisu Khazih sungah kip-a a om Thesalonika pawlpi kong zasak uh hi: Hehpihna thupha leh nopna in nomau tungah om ta hen.

Filippi 1:1

Khazih Zeisu’ silate ahi uh Paul leh Timoti in Filippi khua-ah a om pawlpi siate leh upate-a kipan Khazih Zeisu sungah kip-a a om misiangthote khempeuh thu kong zasak uh hi.

Sawltak 19:22

Ama nasem mi nih, Timoti leh Erastas Makedonia gamah a paisak khit ciangin amah in Asia gamah tawlkhat khawl lai hi.

2 TIMOTI NIHNA 3:11

Antiok khua, Ikonium khua leh Listra khuate-ah ka thuak gimna na thei hi. Tua thu khempeuhte pan Topa in kei hong gumkhia hi.

1 THESALONIKA MASA 3:6

Tu-in ahih leh, Timoti in note kiang pan hong ciahkik a, note upna leh ki-itna uh a kip hi ci-in ahi zongin, kote in note kong ngaih uh mah bangin note in kote hang ngai-in, ni simin hong ngaihsun a, hong phawk uh hi ci-in ahi zongin, lungdam thu hong zasak ahih ciangin,

2 KORIN NIHNA 1:19

Bang hang hiam na cih uh leh, keimah-a kipan Silvanas leh Timoti-te in note kiangah kong hilh uh Pasian’ Tapa Zeisu Khazih in, “Ahi hi,” ci ding ahi zongin, “Ahi kei hi,” ci ding ahi zongin ahi kei hi; “Ahi hi,” a cihna bek ahi den hi.

2 KORIN NIHNA 1:1

Pasian’ deihna hangin Khazih Zeisu’ sawltak keimah Paul leh i sanggampa Timoti in Korin khua-ah a om Pasian’ pawlpi akipan Akhaia gam tengah a om misiangthote khempeuh thu kong zasak uh hi.

1 KORIN MASA 7:14

Bang hang hiam na cih uh leh, thu-um lo pasal in a zi hangin a siangtho hi. Thu-um lo zi in a unau hangin a siangtho hi. Ahih kei leh, na tate uh a siangtho kei ding uh hi. Tu-in ahih leh, a siangtho uh hi.

Sawltak 14:21

Amaute in tua khua sungah Lungdamna Thu a hilh uh a, tampitak nungzuite a suaksak khit uh ciangin Listra khua, Ikonium khua leh Antiok khua-ah ciahkik-in, nungzuite a lungkipsak uh a,

Sawltak 14:1

Ikonium khua Judah mi kikhopna inn sungah a lut uh a, thu a hilh uh ciangin, Judah mi leh Grik mi tampite in a um uh hi.

Ezra 9:2

Amaute leh a tapate un hih gam-a teeng mi namdangte’numeite ten’pih uh a, tua thu hangin a siangtho minam pen tu-in gamdang mite tawh a kihel suak ta hi. Tua hi a, hih thu-ah makaite leh thukhen uliante pen a khial masa ahi uh hi,” hong ci uh hi.

1 KORIN MASA 16:10

Timoti in note kiangah hong tun’ leh, amah lungmang loin note tawh a omkhawm theih nadingin na kiging un. Amah in zong keimah bangin Pasian’ nasem ahi hi.

Filemon 1:1

Khazih Zeisu hanga thongkia kei, Paul leh i sanggampa Timoti in kote tawh nasem a, ka it uh Filemon,