Sawltak 15:9 - Tedim Bible

⁹ amaute leh eimaute atuam atuam khen loin upna tawh, amaute lung sungah siangthosakin amau ading teci a pang hi.

Tedim Bible Revision 2017

⁹ Pasian in eite le Gentail mite deidanna hong nei lo a, amaute in zong a up manun mi siangtho-in a bawl hi.

Sawltak 15:9 Referans Kwoze

Efesa 3:6

Tua thuthuk in: Gentailte in Lungdamna Thu hangin Judah mite tawh a luah khawm mi, pumpi khat’nate suak khawmin Khazih Zeisu tawh kipawl thuciamna a zomkhawm mi a suak uh hi.

Sawltak 10:28

Piter in, “Judah mite in mipawl dangte tawh kipawl a, amau kiangah pai ding a kilawm lo cih na thei uh hi. Ahih hangin a siangtho lo, a nin hi, kuamah ka cih loh nadingin Pasian in hong hilh zo hi.

Kolose 3:11

Tua bawlphatna-ah Grik mi a om kei hi, Judah mi a om kei hi, vunat mi a om kei hi, vunat lo mi a om kei hi, mi pil lo a om kei hi, Sithia mi a om kei hi, sila a om kei hi, sila lo mi a om kei hi; Khazih in na khempeuh hi a, na khempeuh sungah a om hi.

Galati 5:6

Bang hang hiam na cih uh leh, Khazih Zeisu sungah vunatna in phattuamna a om kei hi, vunat lohna in zong phattuamna a om kei hi; itna tawh nasep theihna upna bek in phattuamna a om hi.

Galati 3:28

Khazih Zeisu sungah Judah mi a om kei, Grik mi a om kei, sila a om kei, sila lo a om kei, pasal a om kei, numei a om kei hi. Bang hang hiam na cih uh leh, Khazih Zeisu sungah note khempeuh in pum khat bek na hi uh hi.

1 KORIN MASA 1:2

Khazih Zeisu hangin mawhna tawh kipelh, misiangtho dinga hong koih ahi Korin khua ah a om Pasian’ pawlpite akipan, mun khempeuh ah eite Topa bek hi lo amau Topa zong ahi, Topa Zeisu Khazih kiangah thu a ngen mi khempeuhte kiangah thu kong zasak uh hi.

ROM (Romans) 3:22

Kilamdan’na neukha beek a om kei hi.

Sawltak 11:12

Kha Siangtho in, ‘Na lung himawh sak loin amau tawh na paikhawm in,’ hong ci hi. Hih unau gukte in zong keimah tawh a paikhawm uh a, tua mipa’ innah a tum uh hi.

1 PETER MASA 1:22

Note in a kisia thei khaici hangin suakkik na hi kei uh hi; a kisia thei lo khaici ahi, kipin a om Pasian’ thu hangin suakkik na hih uh ciangin unau it kheem bang hi loin, a man takpi it nadingin thuman thutak ngai-in na lungsim uh na siangthosak uh mah bangin, khat leh khat na lungsim khempeuh uh tawh nakpi-in na ki-it un.

Sawltak 10:34

Piter in a kam ka-in thu a hilh-inah, “Pasian in mite maitang et tuam a nei kei hi cih ka thei takpi hi.

1 KORIN MASA 7:18

Vunat mi hong sap leh, vunat loh mi suak kei hen. Vunat loh mi hong sap leh, vun ki-atsak kei hen.

ROM (Romans) 9:24

Judah mipawl sung pan bek hi lo, Gentailte sung panin zong hong sap eite tungah a kicing vangliatna a kilat nadingin hong bawl leh, bang gen ding a om hiam?

ROM (Romans) 3:9

Tua ahih leh, bang kici ding hiam? Ei Judah mite in tua Gentailte sangin phazaw i hi hiam? Phazaw i hi zenzen kei hi. Bang hang hiam na cih uh leh, Judah mi leh Grik mi khempeuhte in mawhna nei tuak uh hi cih thu a masa-in ka lak zo hi.

Sawltak 14:27

A tun’ uh ciangin pawlpite kikhawmsak uh a, amaute tungah Pasian’ bawlna leh Gentailte ading thu upna kong kihon’na thu teng a zasak uh hi.

Sawltak 14:1

Ikonium khua Judah mi kikhopna inn sungah a lut uh a, thu a hilh uh ciangin, Judah mi leh Grik mi tampite in a um uh hi.

Sawltak 10:15

Khatvei aw in hong kiko a, “Pasian in a sian’ thosakte a siangtho lo na sa kei in,” a ci kik hi.

Late 51:10

Pasian aw, ka sungah lungsim siangtho hong piangsak in la, a thak, a man, ngaihsutna ka sungah hong guan in.

Ezekiel 47:22

Note adingin na neih kip tawntung ding uh gamh hi ding hi. Hih leitang na hawm uh ciangin note lakah hong teengin ta a nei khinsa minam dangte zong note mah bangin tanh na pia ding uh hi. Amaute pen Israel minam taktakte mah bangin na ngaihsun ding uh a, Israel minam dangte mah bangin leitang hawmna-ah aii sawk thei ding uh hi.