Sawltak 15:8 - Tedim Bible

⁸ Lungsim a thei Pasian in Kha Siangtho kote hong piak mah bangin amaute kiangah pia-in,

Tedim Bible Revision 2017

⁸ Mihingteʼ lungsim sung thu a thei Pasian in Gentail mite in zong thu a up theih ding mah hi, cih a lahna-in eite tungah a hong piak mah bangin amaute tungah zong Kha Siangtho a pia hi.

Sawltak 15:8 Referans Kwoze

Sawltak 1:24

“Mi khempeuh’ lungsim a thei Topa aw,

Sawltak 10:47

Tua ciangin Piter in, “Eite bangin Kha Siangtho a ngahte in tui sungah kibaptaiz loh nadingin kua in tui a kham zo hiam?” a cih ciangin,

Mangmuhna 2:23

Ama tate zong ka that ding hi. Tua ahih ciangin keimah in lungsung sinsung a zong kawikawi thei Topa ka hih thu, pawlpi khempeuh in a thei ding uh hi. Note khempeuh zong na gamtatna uh tawh kituakin ka hong thukkik ding hi.

Hebru 4:13

Tua tham loin, eite thu hong khenpa mai-ah a kilang lo na khat beek a om kei hi; na khempeuh a liah a dal om loin Pasian mai-ah kipho laakin a om hi.

Sawltak 14:3

Tua ahih ciangin a sawtpi tua san takah a om uh a, lau loin Topa’ min tawh thu a hilh uh hi. Topa in amaute’ khut tungah lim leh nalamdang bawl dingin thu pia-in, ama hehpihna thu ading teci a pang hi.

Sawltak 2:4

amaute khempeuh in Kha Siangtho tawh kidimin, Kha Siangtho in thu a piak bangin kam tuamtuam tawh thu a hilh uh hi.

Hebru 2:4

Tua teci a pang mite tawh Pasian in lim tawh ahi zongin, a lamdang nate tawh ahi zongin, nalamdang tuamtuamte tawh ahi zongin, ama deihna bang a hawmsak Kha Siangtho piak thupha tawh ahi zongin teci a pang khawm hi.

Sawltak 4:31

Tua thu a nget khit uh ciangin a kikhopna mun uh liing a, amaute khempeuh Kha Siangtho tawh kidimin Pasian’ thu hang takin a gen uh hi.

Johan 21:17

Zeisu in, “Johan’ tapa Simon aw, kei na hong it hiam?” ci-in thumveina a dong hi. “Nang in kei na hong it hiam?” ci-in thumvei a dot man-inah Piter dah a, “Topa aw, nang in na khempeuh na thei a, ke’n nang kong it na thei hi,” a cih ciangin Zeisu in, “Ka tuute na vak in.

Johan 5:37

Kei hong sawl ka Pa in kei ading teci hong pang zo hi. Note in tua Pa’ aw na za kei uh a, a meel na mu ngei kei uh hi.

Jeremiah 20:12

A thuman mite a en tel, lungsim leh ngaihsutna a mu a vanglian Topa aw, amaute na thuh kikna hong musak in. Bang hang hiam cih leh nangma’ kiangah ka thu kong ap khin hi.

Jeremiah 17:10

Keimah Topa in mi khempeuh’ nuntak zia leh gamtatna tawh kizui-a piakhia dingin ngaihsutna ka entel a, lungsim ka sittel hi.”

Jeremiah 11:20

Ahih hangin thuman tak-a thu khen a, mite’ lungsim leh ngaihsutna a entel a vanglian Topa aw, amaute na thukkikna kei hong musak in; bang hang hiam cih leh nang’ tungah ka thu kong ap khin hi.

Late 44:21

Pasian in hih thu mukhia lo ding ahi hiam? Bang hang hiam cih leh amah in lungsim thusim a thei hi.

1 KHANG TANGTHU MASATE 28:9

“Tu-in nang, ka tapa Solomon aw, na pa’ Pasian thei in la, na lungsim khempeuh leh utna lungsim tawh ama na sem in; bang hang hiam cih leh Topa in lungsim khempeuh zong a, ngimna leh ngaihsutna khempeuh thei hi. Nangmah in amah na zon’ leh nangmah in amah na mu ding hi; ahih hangin amah na nusiat leh amah in nang hong paaikhia paisuak ding hi.

1 KUMPI MASATE 8:39

na ten’na vantung panin za-in maisak in; tua ciangin amau’ gamtatna khempeuh tawh kizui-in a lungsim uh na theih bangin amaute tungah pia ciat in (bang hang hiam cih leh nang, nang bek in mihing khempeuh lungsim na thei hi);

1 SAMUEL MASA 16:7

Ahih hangin Topa in Samuel kiangah, “A tungtham hita leh a tun’ san’na hita leh en kei in; bang hang hiam cih leh amah ka nolh hi; bang hang hiam cih leh Topa in mihingte’ muh bangin mu lo hi; mihingte in a pua lama kilangte en a, ahih hangin Topa in a lungsim en hi,” a ci hi.

1 KHANG TANGTHU MASATE 29:17

Nangmah in lungsim entelin thumanna ah na lungkimna ka thei hi, ka Pasian aw; lungsim thumanna tawh hih nate khempeuh citna tawh kong pia khin a, tu-in nang tungah citna leh lungdamna tawh a hong pia, hih lai-ah a om na mite ka mu zo hi.

Sawltak 15:28

Bang hang hiam na cih uh leh, milim biakna ganhing sa ahi zongin, si ahi zongin, a gawl meek kithat sa ahi zongin, numei tawh khiahlna ahi zongin