Sawltak 15:7 - Tedim Bible

⁷ A tampi mah a kiseel khit uh ciangin Piter in ding a, thu a gen-inah: “Ute naute aw, Topa Pasian in a masa-in note lak pan keima kam tawh Gentailte in Lungdamna Thu za uh a, a up nadingun hong teel na thei uh hi.

Tedim Bible Revision 2017

⁷ Sau veipi a kiseel khit uh ciangin Peter hong dinga, “Lawmte aw, Gentail mite in Pasianʼ thu za-in a up theih nadingun amaute tungah Lungdamna Thu a hilh dingin sawtpi lai pekin note lak panin Pasian in kei hong teel khiatna thu na thei uh hi.

Sawltak 15:7 Referans Kwoze

Sawltak 15:2

Paul leh Barnabas in tua mite tawh tampi a kinial, a kiseel khit uh ciangin Paul, Barnabas leh adang thu-um kimkhatte tua thu kikum dingin Jerusalem khua-ah a om sawltakte leh pawlpi upate’ kiangah a paisak uh hi.

Sawltak 20:24

Ahih hangin Pasian’ hehpihna Lungdamna Thu hilh nading Topa Zeisu’ khut sung pan ka ngah za ahi, ka nasepna ka zawh theih nadingin ka nuntakna keimah ading phamawh ka sa kei hi.

Sawltak 10:20

Tho in la, kumsuk in. Lunghimawh kei in la, amau tawh na paikhawm in. Bang hang hiam na cih leh, tuate keimah in kong sawl hi,” a ci hi.

Filippi 2:14

Note in na hihna khempeuh uh ah thuum lo, tau lo, kinial loin na hih un.

Sawltak 15:39

Tua thu hangin amaute khat leh khat a kinial ciangun a kikhen uh a, Barnabas in Marka a sap khit ciangin teembaw tungah tuangin Saipras gamah a pai hi.

Sawltak 13:2

Topa’ na sem uh a, an a tan’ lai takun Kha Siangtho in “Barnabas leh Saul keima nasem ding ka sapsa bangin hong khenkhiat un,” a ci hi.

Sawltak 9:15

Topa in, “Pai ta in. Bang hang hiam na cih leh, amah in Gentailte mai-ah ahi zongin, kumpite mai-ah ahi zongin, Israelte mai-ah ahi zongin, ka min a puak dingin ka teelsa beel ahi hi.

Sawltak 4:25

‘Gentailte in bang hangin a gamlum uh hiam? Mihonpite in bang hangin a mawkna-in a hanciam uh hiam?

Sawltak 3:18

Amah Khazih in gimna a thuak ding hi ci-in Pasian in kamsang khempeuhte’ kam tawh a genkholh bangin a tungsak khin zo hi.

Sawltak 1:24

“Mi khempeuh’ lungsim a thei Topa aw,

Sawltak 1:16

“Ute naute aw, Zeisu a man mite lam hilhpa Judas Iskariot thu Kha Siangtho in David’ kam sung panin thu hong genkholh Lai Siangtho sungah a om thu a tun’ nading a om hi. Bang hang hiam na cih uh leh, amah in kote tawh kisimkhawm a, thuhilhna za a ngah zo hi.

Johan 15:16

Note in kei nong teel kei uh hi; no kong teel hi. Note pai-in, a tampi na gah khit uh ciangin, na gah uh a kip nadingin kong koih zo hi; tua ciangin ka min tawh thu na nget khempeuh uh Pa in hong pia ding hi.

Johan 3:27

Johan in, “Vantung panin a kipiak kei leh, kuamah in bangmah a ngah thei kei hi.

Jeremiah 1:9

Tua ciangin Topa in a khut tawh hong zam phei-in ka muk hong lawn sak-a hong hopih hi. “En in, ka thute na kam sungah kong koih khin zo hi.

Paikhiatna 4:12

Tua ahih ciangin tu-in pai in, keimah in na thugenna-ah kong huh ding a, na thugen ding nang kong hilh ding hi,” ci hi.

Sawltak 10:19

Piter in a mangmuhna a ngaihsut lai takin Kha Siangtho in, “Mi thumte in nang hong zong uh hi.

Sawltak 15:14

“Ute naute aw, kei thu ngai lai ta un. Pasian in ama min ading Gentailte sung pan kimkhat a teelkhiat ding, amasa-in amau kiangah a pai zawh thu Simon in hong hilh zo hi.

Sawltak 21:16

Kote Kaisaria khua nungzuite kimkhat in hong zui uh hi. Kote zin tun’ nading Manason min nei Saipras gam mi, nungzui a suah zawh a sawt zo, thu-um mipa’ innah hong kha uh hi.