Sawltak 15:4 - Tedim Bible

⁴ Amaute Jerusalem khua a tun’ uh ciangin pawlpi leh sawltakte leh upate in a tungsak uh a, amau tungah Pasian hihna thu khempeuh a zasak uh hi.

Tedim Bible Revision 2017

⁴ Jerusalem khua a tun uh ciangin sawltakte, upate le pawlpite in limtakin zin na do uh a, Pasian in na a seppihna thu, amaute kiangah a gen uh hi.

Sawltak 15:4 Referans Kwoze

Sawltak 15:12

Barnabas leh Paul in amaute tungah Gentailte kiangah Pasian in nalamdang leh lim a bawlna thu a zaksak lai takun mihonpite in pau loin a ngai uh hi.

Sawltak 14:27

A tun’ uh ciangin pawlpite kikhawmsak uh a, amaute tungah Pasian’ bawlna leh Gentailte ading thu upna kong kihon’na thu teng a zasak uh hi.

Sawltak 15:3

Pawlpite in amau lampi-ah kha-in, Paul leh Barnabas in Foenisia leh Samaria gam lam a tawn uh a, Gentailte kiheina thu a zaksak uh ciangin ute naute in nakpi-in a lungdam uh hi.

ROM (Romans) 15:18

Gentailte in kam tawh ahi zongin, gamtatna tawh ahi zongin, thungaih nading Khazih in

Sawltak 21:17

Jerusalem khua-ah ka tun’ uh ciangin ute naute in lungdamna tawh hong tungsak uh hi.

2 JOHAN NIHNA 1:10

Mi khat in note kiangah hong pai a, hih thu a vom kei leh, amah note innah na tungsak kei un; “Thupha ngah in,” ci-in hopih kei un.

Kolose 4:10

Kei tawh thong a kia khawm mi Aristarkhas akipan Barnabas’ nau Marka leh Justas a kici Zeisu te in note a hong hopih uh hi. Marka thu tawh kipawl note kiangah ka hong khak zo hi. Amah note kiangah a hong tun’ ciangin dawnin na tungsak un.

2 KORIN NIHNA 6:1

Note in Pasian’ hehpihna thupha na ngah uh a mawkna na suaksak kei un ci-in kote in Topa tawh nasem khawm mi ka hih ciangun note hong hansuahin kong zol uh hi.

2 KORIN NIHNA 5:19

Tua thu in, Pasian in Khazih sungah om a, leitungmite’ mawhna ciamteh loin amah tawh kilemsak a, tua kilemsakna thu kote hong pia hi.

1 KORIN MASA 15:10

Ahih hangin Pasian’ hehpihna thupha hangin ka hi bangin ka hi hi. Ka ngahsa hehpihna thupha a mawkna ahi kei hi, sawltakte khempeuh sangin hahkat zaw-in ka sem hi. Tua bang ka cih hangin kei a hahkat ka hi kei hi; keimah tawh a omkhawm Pasian’ hehpihna thupha in a hahkat hi.

ROM (Romans) 15:7

Tua ahih ciangin Khazih in note hong man’ mah bangin note in Pasian’ minphatna kilangsakin, khat leh khat na kimang un.

Sawltak 21:19

Paul in tua mite a hopih khit ciangin ama thuhilh nasepna hanga Pasian in Gentailte tungah ahihna thu khempeuh khat nungah khat a gen hi.

Sawltak 18:27

Tua ciangin amah in Akhaia gamah pai a sawm ciangin, ute naute in tua lai-a om nungzuite in a tun’sak nadingun vaikhakna lai a pia uh a, a hansuah uh hi. Amah in a tun’ ciangin hehpihna thupha tawh a um mite nakpi-in a huh hi.

Mattiu 10:40

“No hong ngaite in kei hong ngai hi. Kei hong ngaite in kei hong sawlpa zong a ngai hi.

Sawltak 11:30

Tua mah bangin a bawl uh a, upate kiangah Barnabas leh Saul te’ khut tawh a khak uh hi.

Sawltak 15:2

Paul leh Barnabas in tua mite tawh tampi a kinial, a kiseel khit uh ciangin Paul, Barnabas leh adang thu-um kimkhatte tua thu kikum dingin Jerusalem khua-ah a om sawltakte leh pawlpi upate’ kiangah a paisak uh hi.

Sawltak 15:6

Sawltakte leh upate in tua thu vaihawm dingun a kikhawm uh hi.

Sawltak 15:22

Tua ciangin sawltakte leh upate leh pawlpi khempeuh in amaute lakah, unaute lakah milian ahi uh Barsabbas, a min thak Judah leh Silas teelin, Antiok khua-ah Paul leh Barnabas tawh pai khawmsak leng a hoih hi ci-in a ki-awi uh hi.

Sawltak 16:4

Amaute in khuapite-ah a pai lai takun Jerusalem khua-ah a om sawltakte leh upate in thukhensatnate a man’ nadingun pawlpite a pia uh hi.