Sawltak 15:36 - Tedim Bible

³⁶ Ni tampi khit ciangin Paul in, “Eite in Topa’ thu i hilhnasa khuate-ah a om u leh naute bang ci-a om uh hiam ci-in en dingin paikik ni,” ci-in Barnabas kiangah a gen hi.

Tedim Bible Revision 2017

³⁶ Tawl khat khit ciangin Paul in Barnabas kiangah, “Topaʼ thu i hilhna sa khua tuamtuam a i sanggamte kiangah va hawhkikin bang a cici uh hiam cih va en ni,” a ci hi.

Sawltak 15:36 Referans Kwoze

Sawltak 14:6

amaute in a theihkholh uh ciangin Likaonia khua, Listra khua leh Derbe khua akipan,

Sawltak 13:4

Tua bangin Kha Siangtho in amaute pai sak a, Seleukia khua-ah a paisuk uh hi. Tua khua panin teembaw tuangin Saipras gamah a tung uh hi.

Sawltak 13:51

Ahih hangin amaute in a khepeek tungah leivui amau langkhatah sin’ khiatin, Ikonium khua-ah a pai uh hi.

2 KORIN NIHNA 11:28

A pua lamah a om tua thute tham loin, pawlpi khempeuh lunghihmawhna tawh nisimin gimna ka thuak hi.

ROM (Romans) 1:11

Note na lungkip theih nadingun note kiangah Kha Siangtho’ thupha hehpihna khat peuhmah kong piak na’ngin nomau mu nuam ka hi hi.

Sawltak 14:1

Ikonium khua Judah mi kikhopna inn sungah a lut uh a, thu a hilh uh ciangin, Judah mi leh Grik mi tampite in a um uh hi.

Paikhiatna 4:18

A sungpa Jethro' kiangah Moses pai-in ama' kiangah, “Hong thum ing, Izipt-ah ka sanggamte' kiangah kei hong ciahkik sakin amaute a nungta lai uh hiam hong musak in,” ci hi. Jethro in Moses' kiangah, “Nuam takin pai in,” ci hi.

1 THESALONIKA MASA 3:6

Tu-in ahih leh, Timoti in note kiang pan hong ciahkik a, note upna leh ki-itna uh a kip hi ci-in ahi zongin, kote in note kong ngaih uh mah bangin note in kote hang ngai-in, ni simin hong ngaihsun a, hong phawk uh hi ci-in ahi zongin, lungdam thu hong zasak ahih ciangin,

Sawltak 14:21

Amaute in tua khua sungah Lungdamna Thu a hilh uh a, tampitak nungzuite a suaksak khit uh ciangin Listra khua, Ikonium khua leh Antiok khua-ah ciahkik-in, nungzuite a lungkipsak uh a,

Sawltak 7:23

Kum sawmli a phak tak ciangin Israel pawl ama ute naute et ding a lungngai hi.

Mattiu 25:43

Zin ka hih lai takin nong do kei uh hi. Puan nei loin ka om lai takin puan nong silhsak kei uh hi. Ka cinat laitak ahi zongin, thong sungah ka om laitak ahi zongin nong veh kei uh hi,’ a ci ding hi.

Mattiu 25:36

Puan nei lo-a ka om lai takin puan nong silhsak uh hi. Cina-a ka om lai takin nong veh uh hi. Thong sungah ka om lai takin ka kiangah nong hawh uh hi,’ a ci ding hi.

Jeremiah 23:2

Tua ahih manin ka mipihte a kem gam ukte tawh kisai-in Topa, Israel mite’ Pasian in hong gen-inah, “Note in ka mite kikhenthang sakin na hawlkhia mang uh a, amaute na don kei uh hi. En un, Topa in kong cih-inah, na gamtat siate uh hangin daan kong pia ding hi.

Filippi 1:27

Note in galte hangin lau loin, lungsim kha khatah kipin, Lungdamna Thu tawh kipawl upna ading, lungsim kituakin na hahkatna uh, ka hong tun’ ciangin note tawh kimu-in ahi zongin, a kikhenin i om ahi zongin ka zak theih nadingin Khazih’ Lungdamna Thu tawh akilawm akituakin gamtat ding na hanciam un.

Sawltak 13:12

Tua thu a muh ciangin mangpa in Pasian’ thu lamdangsa-in a um hi.

Esther 2:11

Esther bangci om a, ama tungah bang piang hiam cih a theih nadingin numeite’ omna inntual mai-ah ni simin Mordekai va pai zel hi.