Sawltak 15:32 - Tedim Bible

³² Judah leh Silas in Pasian’ kamsang ahih uh ciangin ute naute kiangah thu tampi hilhin, a lungkipsak uh hi.

Tedim Bible Revision 2017

³² Judas le Silas zong kamsangte mah hi uh a, thu um mite tawh sau veipi thu kikum uh a, amauteʼ lungsim thanuam sakin a thahatsak uh hi.

Sawltak 15:32 Referans Kwoze

Sawltak 11:23

Barnabas a tun’ ciangin Pasian’ hehpihna thupha a muh ciangin a lungdamin amaute in a lungsim tawh Pasian beel dingin mi khempeuh a hansuah hi.

Sawltak 14:22

“Eite in gimna tampi thuakin Pasian’ Gam sungah i tum ding ahi hi,” ci-in upna sungah a kip nadingun, hansuahin thu a hilh uh hi.

Sawltak 13:1

Antiok khua pawlpi sungah kamsangte leh thuhilhte a om uh hi. Tuate in Barnabas, Niger kici Simeon, Sairin mi Lukias, Herod tawh a khangkhawm Manean leh Saul-te ahi uh hi.

1 PETER MASA 5:12

Keimah in note hong hansuahin, hih thute in Pasian’ hehpihna thupha thu a man takpi ahi ci-in teci pangin hih lai a tomin ka gelh khit ciangin, midik ka sak sanggampa Silvanas’ khut sung pan ka hong pia hi.Tua sungah na kip un.

1 PETER MASA 5:10

Khazih hangin note, ama vangliat tawntung minthan’na ah hong sam, hehpihna thupha khempeuh’ Pasian in tawlkhat gimna na thuak khit uh ciangin, hong cingsak, hong kipsak, hong khauhsak ding hi.

1 PETER MASA 5:1

Tua ahih ciangin upa ahi tham loin, Khazih’ gimna thuakna a mu teci hi a, a kilang ding vangliatna a zom ding keimah in note lakah a om upate kong hansuah hi.

2 TIMOTI NIHNA 4:2

Pasian thu hilh in, a hun a om zongin a om kei zongin hahkatin mawhna lakin, taai in; lungnemna khempeuh tawh thu hilhin hansuah in.

1 TIMOTI MASA 2:1

Tua ahih ciangin Pasian biakna lamah nuamsa-in, a kilawm gamtatna apawlpawlte bawlin kilemin, nuam takin i om nadingin, kumpi-a kipan ukna a nei mi khempeuh leh mi pawl khempeuhte ading thungenin, thuumin, itna pia-in, hehpihna phatna bawl dingin a masa-in ka hong zol hi.

2 THESALONIKA NIHNA 3:12

Tua bang mite in nuamtakin nasemin, amau khut pana piang an a neek nadingun i Topa Zeisu Khazih suangin thu ka pia uh a, hansuahin ka zol uh hi.

1 THESALONIKA MASA 5:20

Pasian kamsangte’ thu na simmawh kei un.

1 THESALONIKA MASA 5:14

Ute naute aw, thadah zulhtat mite a kikep nadingun na hilh un, lungsim zawmte na hansuah un, thanemte na huh un, mi khempeuh tungah na lungduai un.

1 THESALONIKA MASA 4:1

A khak bel thu in ute naute aw, note in bang ci nuntak ding ahi zongin, Pasian lungdamsak nadingin bang ci gamtat ding ahi zongin kote kiang pan na ngah khin zo uh hi. Tua ahih manin tua mah bangin na khangto semsem un ci-in Topa Zeisu paulamin, hong thuumin kong hansuah uh hi.

1 THESALONIKA MASA 3:2

Khazih’ Lungdamna Thu hilhin, i sanggampa Timoti note kiangah ka hong sawl uh hi. Hih gimnate hangin kuamah a lungkiat loh nadingin, note hong kipsak a, na upna uh ah note hong hansuah nadingin amah ka hong sawl uh hi.

Efesa 3:5

Tua thuthukte in a siangtho sawltakte leh Pasian’ kamsangte kiangah tu lai taka Kha Siangtho hangin a kilat mah bangin, nidang lai-inah mihingte kiangah a kilang ngei kei hi.

1 KORIN MASA 14:32

Kamsangte’ kha in kamsangte’ ukna nuai-ah a om ding uh hi.

1 KORIN MASA 14:29

Kamsangte in nih ahi zongin, thum ahi zongin kamsang uh hen la, midangte in sittel uh hen.

1 KORIN MASA 14:3

Ahi zongin kamsang mi in kipsakna thu, hansuahna thu, nopsakna thute mite kiangah a hilh hi.

1 KORIN MASA 1:8

Tua Topa in eite Topa Zeisu Khazih’ Ni-inah mawhsak nading tawh na kipelh nadingun a tawp dongin no hong kipsak ding hi.

ROM (Romans) 12:8

Hansuah mi in mi hansuah na sem ta hen. Hehpihna a pia mi in lungkimin pia ta hen. A uk mi in hahkatin uk ta hen. Midang a hehpih mi in hehpihna lungsim tawh pia ta hen.

ROM (Romans) 12:6

Hong piak hehpihna thupha mah bangin eite in nam tampi hehpih phatna i ngah tek a, kamsangpa za i ngah leh, upna zah bangin kamsang na sem ni.

Sawltak 20:2

Tua gamah paisuakin thu-um mite a hansuah khit ciangin Grik gam a tung hi.

Sawltak 18:23

Tua khua-ah sawtpi a om khit ciangin paikik a, Galati gam leh Frigia gam pai-in nungzuite khempeuh a kipsak hi.

Sawltak 15:41

Amaute in pawlpi omsate kipsakin Siria gam leh Kilikia gam sungah a pai uh hi.

Sawltak 15:22

Tua ciangin sawltakte leh upate leh pawlpi khempeuh in amaute lakah, unaute lakah milian ahi uh Barsabbas, a min thak Judah leh Silas teelin, Antiok khua-ah Paul leh Barnabas tawh pai khawmsak leng a hoih hi ci-in a ki-awi uh hi.

Sawltak 15:1

Judah gam panin mi kimkhatte hong pai uh a, “Note in Moses’ Thukham bangin vun na at kei uh leh, gupna na ngah kei ding uh hi,” ci-in ute naute kiangah a gen uh hi.

Sawltak 11:27

Tua lai takin Jerusalem khua panin Antiok khua-ah Pasian’ kamsangte hong tung uh hi.

Sawltak 2:40

“Hih gilo khang mite lak panin kigumkhia un,” ci-in thudang tampi tawh hansuah a, thu a hilh hi.

Luka 11:49

Tua ahih ciangin, Pasian’ lungpilna in, ‘Kamsangte leh sawltakte amaute kiangah ka sawl ding hi. Amau in tuate kimkhat that uh a, a bawlsia ding uh hi!’

Mattiu 23:34

Tua ahih ciangin, kamsangte, lungpilte, laitheite, na omna uhah kong sawl ding hi. Note in tuate kimkhat na that ding uh a, kimkhat singlamteh tungah na khai ding uh hi. Kimkhat na kikhopna inn sung uhah na sat ding uh a, khua khat pan khua khatah bawlsia-in na hawlkhia ding uh hi.

Daniel 11:1

“Media mi Darias a kum khatna hunin keimah in amaute hansuahin a kip a kho nadingun ka hanciam hi.

Sawltak 15:3

Pawlpite in amau lampi-ah kha-in, Paul leh Barnabas in Foenisia leh Samaria gam lam a tawn uh a, Gentailte kiheina thu a zaksak uh ciangin ute naute in nakpi-in a lungdam uh hi.

Sawltak 15:27

Tua ahih ciangin note kiangah kam tawh hong zasak dingin Judas leh Silas kong paisak uh hi.

Sawltak 15:31

Amaute in tua lai a sim khit uh ciangin tua noptuamna thute hanginah a lungdam uh hi.