Sawltak 15:29 - Tedim Bible

²⁹ na tan’ nading uh thukham sim loh van dang note tungah suat nading Kha Siangtho leh kote in ka ki-awi kei uh hi. Tuate tang le-uh teh note ading a pha ding hi. Na cidam ta un,” ci-in lai gelhin a pia hi.

Tedim Bible Revision 2017

²⁹ Tua a kisam thute in: Milim biakna-in a kipia sa an khat peuhpeuh na nek loh nading uh, sasi na nek loh nading uh, a si luang khiasak loin a kigawlmek sa khat peuhpeuh na nek loh nading uh le numei tawh khialhna panin na kikep nading uh ahi hi. Hih thute hoihtakin zui le-uhcin note adingin hoih ding hi. Na cidam ta un,” ci-in kigelh hi.

Sawltak 15:29 Referans Kwoze

Sawltak 15:20

milim kihhuaite ahi zongin, numei tawh khialhna ahi zongin, gawl meek kithat sa ahi zongin, si ahi zongin, a tan’ nadingun a vaikhak ding kilawm ka sa hi.

Sawltak 21:25

Thu-um Gentailte ahih uh leh, milim biakna tawh, si tawh, gawl meeka kithat sa tawh, numei tawh khialhna tawh tan’ nadingin thu khenin lai ka gelh zo uh hi,” ci-in amaute in a gen uh hi.

Mangmuhna 2:20

Ahih hangin nang tungah gen ding thu ka nei hi. ‘Kamsang numei ka hi’ a ci Jezebel nang in na nial kei a, numei leh pasal khialhna gamtat nading ahi zongin, milim mai-ah biakna sa nek nading ahi zongin tua numei in ka silate hilhin a zol hi.

Mangmuhna 2:14

Ahih hangin nangma tungah gen ding neukha a om hi. Bang hang hiam na cih leh, milim mai-ah biakna sa nek ding ahi zongin, numei leh pasal tawh khialhna gamtat ding ahi zongin, Israel mipawlte mai-ah suih khak nading Barak a hilh Balaam’ thu hilhna a zui mi kimkhat nangma sungah a om hi.

Siampi Laibu 17:14

“Bang hang hiam cih leh ganhingte khempeuh’ nuntakna in a sisan ahi hi; tua ahih ciangin Israel mite tungah hih bangin ka ci khin zo hi: Ganhing khatpeuh peuh’ sisan na ne kei ding uh hi; bang hang hiam cih leh ganhing khempeuh nuntakna in a sisan ahi hi; sisan a ne mi peuhmah a mipihte kiang panin kihawlkhia ding hi.

Juda 1:24

Note na kipuk loh nadingun hong kemin, mawhna om loin, lungdam mahmahin note ama’ minthan’na mai-ah hong koih thei, i Topa Zeisu Khazih hangin eite’ Honpa Pasian khat bek tungah minthan’na, thupitna, vangliatna leh ukzawhnate tu-ma hun khempeuh, tu laitak leh a tawntungin om ta hen! Amen.

1 JOHAN MASA 5:21

Ka ta neute aw, milimte na tang un.

Jeim 1:27

I Pa Pasian mai-ah a nin lo, a siangtho biakna in pa nei lo naupangte leh meigong numeite a dah lai takun a en a keem thei a, ama pumpi zong leitung kihhuai nitna tawh kipelh nadingin a kikep theihna ahi hi.

1 TIMOTI MASA 5:22

Thu ngaihsun masa loin kuama tungah a manlangin khutngakna nei kei in. Midangte mawhna tawh na kikum kei in, nangma nuntakna siangtho sak in.

2 KORIN NIHNA 13:11

A tawpna thu in ute naute aw, na cidam ta un. Kicin’na, kihehnepna na nei un. Lungsim kikhatin om un. Khat leh khat kilemin om un. Tua bang na hih uh leh, itna nopna Pasian in no tawh hong omkhawm ding hi.

2 KORIN NIHNA 11:9

No tawh ka omkhawm lai takin na khat peuhpeuh ka deih ciangin kuamah tungah vangik ka guan’ kei hi. Bang hang hiam na cih uh leh, Makedonia gam pan a hong pai ute naute in ka deihna khempeuh hong pia hi. Note tungah gimna khat ka suah loh nadingin kei in na khempeuhah ka kikem hi. A nung ciangin zong ka kikem lai ding hi.

Sawltak 18:21

“Pasian in hong awi leh, khatvei kong paikik ding hi,” ci-in amaute tawh kikhenin teembaw tuangin Efesa khua pan a paikhia hi.

Luka 9:61

Midang khat in, “Topa aw, nangmah kong zui ding hi. Ahih hangin ka innah a om mite mangpha ka vaikhak masak nading thu hong pia in,” a cih ciangin,

Sawltak 23:30

Tua pa bawlsia dingin amaute a hanciam thu hong kizaksak ciangin, thakhatin kong paisak a, amah mawhsakte in nangma kiangah hong ko dingin thu ka pia zo hi,” ci-in a gelh hi.

Piancilna 9:4

A nuntakna, a sisan pen, a sa tawh na ne khawm kei bek ding hi.

Thu-hilhkikna 12:16

A si na ne kei bek ding uh hi; tui bangin leitungah na buakhia ding uh hi.