Sawltak 15:23 - Tedim Bible

²³ Amaute in lai khat gelh uh a, tuate’ khut tawh hih bangin a khak uh hi: “Sawltakte leh upate ahi uh ute naute in Antiok khua akipan Siria gam leh Kilikia gamah a om Gentail ute naute kiangah itna lai tawh kong zasak uh hi.

Tedim Bible Revision 2017

²³ a nuai-a kigelh bangin lai a puasak uh hi. Tua a lai puaksak uh sungah, “Sawltakte le upate ahi ko na sanggamte un, Antiok khua, Syria gam le Silisia gam a om thu upna sungah sanggam ahi Gentail mite tungah hopihna kam kong khak uh hi.

Sawltak 15:23 Referans Kwoze

Sawltak 23:26

“Klaudis Lisias in Mangpipa Feliks kiangah lungdamna lai kong khak hi.

Jeim 1:1

Pasian leh Topa Zeisu Khazih’ sila ahi keimah Jeim in mun khempeuh ah kikhen thangin a om, pawl sawm leh pawl nihte kong hopih hi.

Galati 1:21

Tua nung ciangin Siria gam leh Kilikia gamah pai-in

Sawltak 15:22

Tua ciangin sawltakte leh upate leh pawlpi khempeuh in amaute lakah, unaute lakah milian ahi uh Barsabbas, a min thak Judah leh Silas teelin, Antiok khua-ah Paul leh Barnabas tawh pai khawmsak leng a hoih hi ci-in a ki-awi uh hi.

3 JOHAN THUMNA 1:14

A sawt loin nang tawh kimu-in, khat leh khat kihopihin i kikup khop ding ka lamen hi.

2 JOHAN NIHNA 1:13

A kiteel na naunu’ tate in nang hong hopih uh hi.

2 JOHAN NIHNA 1:10

Mi khat in note kiangah hong pai a, hih thu a vom kei leh, amah note innah na tungsak kei un; “Thupha ngah in,” ci-in hopih kei un.

2 JOHAN NIHNA 1:3

Pa Pasian kiang pan ahi zongin, Pa’ Tapa Zeisu Khazih kiang pan ahi zongin thuman thutak leh itna thu tawh hehpihna thupha, hehpihna leh nopna eite tungah a om ding uh hi.

Sawltak 15:41

Amaute in pawlpi omsate kipsakin Siria gam leh Kilikia gam sungah a pai uh hi.

Sawltak 15:4

Amaute Jerusalem khua a tun’ uh ciangin pawlpi leh sawltakte leh upate in a tungsak uh a, amau tungah Pasian hihna thu khempeuh a zasak uh hi.

Sawltak 15:1

Judah gam panin mi kimkhatte hong pai uh a, “Note in Moses’ Thukham bangin vun na at kei uh leh, gupna na ngah kei ding uh hi,” ci-in ute naute kiangah a gen uh hi.

Sawltak 14:27

A tun’ uh ciangin pawlpite kikhawmsak uh a, amaute tungah Pasian’ bawlna leh Gentailte ading thu upna kong kihon’na thu teng a zasak uh hi.

Sawltak 21:25

Thu-um Gentailte ahih uh leh, milim biakna tawh, si tawh, gawl meeka kithat sa tawh, numei tawh khialhna tawh tan’ nadingin thu khenin lai ka gelh zo uh hi,” ci-in amaute in a gen uh hi.

Sawltak 21:3

Saipras tuikulh ka muh uh ciangin a tak lamah pai-in Siria gam galkahin Tai-ar khua-ah ka khawl uh hi. Bang hang hiam i cih leh, teembaw in tua khua-ah a van puak teng suahkhia ding ahi hi.

Sawltak 18:18

Paul in ni tampi a tam khit ciangin ute naute tawh kikhen a, nidang lai-a a kiciamsa bangin Kenkhrea khua-ah a sam a met khit ciangin, Prisilla leh Akuila tawh teembaw tuangin Siria gamah a pai hi.

Sawltak 11:18

Amaute in hih thu a zak uh ciangin nial loin, “Pasian in Gentailte zong a nuntak nadingin kisikkikna thu a pia hi,” ci-in Pasian a phat uh hi.

Mattiu 4:24

A thu khempeuh in Siria gam teng zeel a, dawi lut, sibup, khut leh khe si akipan, cinatna pawl khempeuh a veite ama kiangah hong paipih uh a, cinatna khempeuh a damsak hi.

Sawltak 6:9

Tua lai takin Sal Suakta a kici mipawlte akipan Sairin mi leh Alekzandria mi leh Kilikia mi leh Asia mi kimkhatte in a ding uh a, Stefen tawh a kiseel uh hi.

Sawltak 11:20

Ahih hangin Saipras mi leh Sairin mi kimkhat in Antiok khuapi-ah a tun’ uh ciangin Topa Zeisu’ Lungdamna Thu Grik mite kiangah zong a hilh uh hi.

Sawltak 15:2

Paul leh Barnabas in tua mite tawh tampi a kinial, a kiseel khit uh ciangin Paul, Barnabas leh adang thu-um kimkhatte tua thu kikum dingin Jerusalem khua-ah a om sawltakte leh pawlpi upate’ kiangah a paisak uh hi.