Sawltak 15:22 - Tedim Bible

²² Tua ciangin sawltakte leh upate leh pawlpi khempeuh in amaute lakah, unaute lakah milian ahi uh Barsabbas, a min thak Judah leh Silas teelin, Antiok khua-ah Paul leh Barnabas tawh pai khawmsak leng a hoih hi ci-in a ki-awi uh hi.

Tedim Bible Revision 2017

²² Tua ciangin sawltakte, upate le pawlpi buppi in amau sung panin mi pawl khat teelin Paul le Barnabas tawh Antiok khua ah a paikhawmsak ding uh a vaihawm uh hi. Amaute tawh a pai khawm dingin thu um mite in a zahtak bawl mahmah mi nih, Barsabbas Judas le Silas teel khia uh a,

Sawltak 15:22 Referans Kwoze

Sawltak 15:27

Tua ahih ciangin note kiangah kam tawh hong zasak dingin Judas leh Silas kong paisak uh hi.

Sawltak 15:40

Ute naute in Pasian’ hehpihna sungah Paul a ap khit uh ciangin amah in Silas samin a paikhia hi.

1 PETER MASA 5:12

Keimah in note hong hansuahin, hih thute in Pasian’ hehpihna thupha thu a man takpi ahi ci-in teci pangin hih lai a tomin ka gelh khit ciangin, midik ka sak sanggampa Silvanas’ khut sung pan ka hong pia hi.Tua sungah na kip un.

2 THESALONIKA NIHNA 1:1

Paul, Silvanas leh Timoti te in i Pa Pasian leh Topa Zeisu Khazih sungah kip-a a om Thesalonika pawlpi kong zasak uh hi.

1 THESALONIKA MASA 1:1

Paul, Silvanas leh Timoti-te in Pa Pasian leh Topa Zeisu Khazih sungah kip-a a om Thesalonika pawlpi kong zasak uh hi: Hehpihna thupha leh nopna in nomau tungah om ta hen.

Sawltak 18:5

Silas leh Timoti in Makedonia gam panin hong tun’ uh ciangin, Paul in thuhilh bek semin, Zeisu in Khazih hi ci-in Judah mite nakpi-in a hilh hi.

Sawltak 15:32

Judah leh Silas in Pasian’ kamsang ahih uh ciangin ute naute kiangah thu tampi hilhin, a lungkipsak uh hi.

Sawltak 1:23

Tua ciangin mi nih, Barsabbas kici, a mindang Justas ahi Josef leh Matthias a teel uh hi.

Sawltak 17:14

Tua ciangin ute naute in Paul tuipi dongin thakhatin a paisak uh hi. Silas leh Timoti in a tam lai uh hi.

Sawltak 17:10

Ute naute in Paul leh Silas zan lai takin Berea khua-ah thakhatin a paisak uh hi. Tua khua-ah a tun’ uh ciangin Judah mi kikhopna innah a tum uh hi.

Sawltak 17:4

Amaute kimkhat in thu um uh a, Pasian a bia uh Grikte tampi leh a minthang numeite in Paul leh Silas tawh a kipawl khawm uh hi.

Sawltak 16:29

Thong ukpa in meivak a nget khit ciangin lut pahin, Paul leh Silas’ khe mai-ah bokin, launa tawh a liing hi.

Sawltak 16:25

Zan kim lai takin Paul leh Silas in thungenin Pasian’ min phatna la a sa uh a, thongkia mite in a ngaih lai takun,

Sawltak 16:19

Ama tote in summeet ngah na’ng lametna om lo hi cih a theih ciangun, Paul leh Silas man uh a, khua ukte mai-a sumbuk lamah a paipih uh hi.

Sawltak 15:25

Tua ahih ciangin kote in Topa Zeisu’ min hangin a nuntakna a paaikhia ka it uh

Sawltak 15:23

Amaute in lai khat gelh uh a, tuate’ khut tawh hih bangin a khak uh hi: “Sawltakte leh upate ahi uh ute naute in Antiok khua akipan Siria gam leh Kilikia gamah a om Gentail ute naute kiangah itna lai tawh kong zasak uh hi.

Sawltak 11:22

Tua mite thute Jerusalem khua pawlpite in a zak uh ciangin Antiok khua-ah Barnabas a sawl uh hi.

Sawltak 8:14

Samaria khuapihte in Pasian’ thu a mang uh a, Jerusalem khua-ah a om sawltakte in a zak uh ciangin Piter leh Johan a sawl uh hi.

2 KHANG TANGTHU NIHNATE 30:12

Topa’ thupiakna tawh kumpipa leh uliante’ sawlna a sem dingin Judah mite tungah Pasian in lungsim kikhatna guan hi.

2 KHANG TANGTHU NIHNATE 30:4

hih geelna pen kumpipa leh a kikhawm khempeuh adingin hoih leh kilawm hi.

2 SAMUEL NIHNA 3:36

Tua ciangin mi khempeuh in tua thu thei uh a, tua in amaute lungdam sak hi; kumpipa sep khempeuh in mi khempeuh lungdam sak hi.

Sawltak 11:19

Stefen tungah kibawlsiatna thu hangin a kithehthang mite in Foenisia gam leh Saipras gam leh Antiok khua dongin a pai uh a, Judah mite kiang bekah Pasian’ thu a hilh uh hi.

Sawltak 11:20

Ahih hangin Saipras mi leh Sairin mi kimkhat in Antiok khuapi-ah a tun’ uh ciangin Topa Zeisu’ Lungdamna Thu Grik mite kiangah zong a hilh uh hi.

Sawltak 11:27

Tua lai takin Jerusalem khua panin Antiok khua-ah Pasian’ kamsangte hong tung uh hi.

Sawltak 15:3

Pawlpite in amau lampi-ah kha-in, Paul leh Barnabas in Foenisia leh Samaria gam lam a tawn uh a, Gentailte kiheina thu a zaksak uh ciangin ute naute in nakpi-in a lungdam uh hi.

Sawltak 15:30

Tuate a kikhak khit uh ciangin Antiok khua-ah a pai uh a, mi honpi a kikhopsak khit uh ciangin laikhak a pia uh hi.

2 KORIN NIHNA 1:19

Bang hang hiam na cih uh leh, keimah-a kipan Silvanas leh Timoti-te in note kiangah kong hilh uh Pasian’ Tapa Zeisu Khazih in, “Ahi hi,” ci ding ahi zongin, “Ahi kei hi,” ci ding ahi zongin ahi kei hi; “Ahi hi,” a cihna bek ahi den hi.