Sawltak 15:20 - Tedim Bible

²⁰ milim kihhuaite ahi zongin, numei tawh khialhna ahi zongin, gawl meek kithat sa ahi zongin, si ahi zongin, a tan’ nadingun a vaikhak ding kilawm ka sa hi.

Tedim Bible Revision 2017

²⁰ milim biakna-a kizang an khempeuh a siang lo suak ahih manin a nek loh nading uh, numei tawh khialhnate panin a kikep nading uh, a si luang khiasak loin a kigawlmek sate le sasi khat peuhpeuh a nek loh nadingun lai i gelh zawk ding hoih ka sa hi.

Sawltak 15:20 Referans Kwoze

Sawltak 15:29

na tan’ nading uh thukham sim loh van dang note tungah suat nading Kha Siangtho leh kote in ka ki-awi kei uh hi. Tuate tang le-uh teh note ading a pha ding hi. Na cidam ta un,” ci-in lai gelhin a pia hi.

Mangmuhna 2:20

Ahih hangin nang tungah gen ding thu ka nei hi. ‘Kamsang numei ka hi’ a ci Jezebel nang in na nial kei a, numei leh pasal khialhna gamtat nading ahi zongin, milim mai-ah biakna sa nek nading ahi zongin tua numei in ka silate hilhin a zol hi.

Mangmuhna 2:14

Ahih hangin nangma tungah gen ding neukha a om hi. Bang hang hiam na cih leh, milim mai-ah biakna sa nek ding ahi zongin, numei leh pasal tawh khialhna gamtat ding ahi zongin, Israel mipawlte mai-ah suih khak nading Barak a hilh Balaam’ thu hilhna a zui mi kimkhat nangma sungah a om hi.

Siampi Laibu 3:17

Tua in na khang tawntungun na ten’na khempeuh uhah note in a thau leh a si na nek loh nadingun a tawntungin ngeina kip hi ding hi,” a ci hi.

Piancilna 9:4

A nuntakna, a sisan pen, a sa tawh na ne khawm kei bek ding hi.

Sawltak 21:25

Thu-um Gentailte ahih uh leh, milim biakna tawh, si tawh, gawl meeka kithat sa tawh, numei tawh khialhna tawh tan’ nadingin thu khenin lai ka gelh zo uh hi,” ci-in amaute in a gen uh hi.

1 KORIN MASA 6:18

Numei tawh mawhna pan taikhia un. Mi in ahih theih khialhna a vekpi-in pumpi pua lamah om hi. Numei tawh a khial mi in ahih leh, ama pum tungah a khial hi.

1 KORIN MASA 6:9

Mi diklote in Pasian’ Gam a luah theih loh ding thu thei lo na hi uh hiam? Na kikheem kei un: Numei tawh a mawhte, milim a biate, mi’ zi tawh a mawhte, pasal leh pasal a khialte, tua thute ah thuneite;

Mangmuhna 9:20

Tua gimna hanga a si lo a om lai mite in dawi gilote tawh, a za ngeilo, amu ngeilo, a pai thei ngeilo kham milim, ngun milim, sumngo milim, suang milim, sing milimte, a biak loh nadingun a mau khut tawh a bawlnate a kisik lo tham loin,

1 PETER MASA 4:3

Gentailte’ deihna zui-in lunggulhna a nin deihgawhna, leenggahzu khamna, pawikhamna, tam dawn luatna, a kihhuai milim biakna-ah om theih nading hunte a kicing ta hi.

Hebru 13:4

Mi khempeuh lakah kiteen’na kithupisim ta hen. Pasalte leh zite in khat leh khat a thuman ciat ding uh ahi hi. Bang hang hiam na cih uh leh, numei tawh a mawhte leh mi’ zi tungah a mawhte Pasian in thu a khen ding hi.

1 THESALONIKA MASA 4:3

Pasian’ deihna in note in numei tawh khialhna tangin na sian’tho nading uh ahi zongin,

Kolose 3:5

Tua ahih ciangin numei tawh mawhna, kihhuai gamtatna, nu leh pa kilunggulh luatna, deihgawhna, milim biakna ahi, huaihamna note sungah a om nate sisak un.

Efesa 5:3

Numei tawh khialhna, lunggulh kihhuaina, apawl pawl huaihamnate, misiangthote in tan’ ding a kilawm ahih maninah kampau nangawnin kizom kei un.

Galati 5:19

Si-le-sa’ gamtatnate a kilang zo hi. Tua gamtatnate in: numei tawh mawhna, kihhuai gamtatna, lunggulh luat khialhna,

1 KORIN MASA 8:1

Milim kipia ganhing thu panin, eite khempeuh in pilna i neih i thei hi. Pilna in hong kisathei sak hi; itna in hong kipsak thei hi.

1 KORIN MASA 7:2

Ahi zongin numei tawh mawhna thute hangin pasal khempeuh in zi nei ciat uh hen. Numei khempeuh in zong pasal nei ciat uh hen.

1 KORIN MASA 5:11

Unau kici numei tawh a mawhte, huaiham-a duhhopte, milim a biate, hangsana kosiate, zukhamte, zawhthawh bawl-a a sutte, tua bang a hihte tawh kikhawl lo tham loin an nangawn na nekhawm kei un, ci-in ka gelh hi.

Ezekiel 4:14

Ahi zongin kei zong ka dawng kik a, “Topa Pasian aw, cik mah-in kei ka kininsak ngei kei hi. Ka neu tunga kipan tu dongin ama thu-in a si tawm ganhing sa ahi a, gamsate’ nekbaang ahi zongin ka ne ngei kei hi. A nin-a a kiseh an khat peuhpeuh ka ne ngei nai kei hi,” ka ci hi.

Thu-hilhkikna 15:23

A si bek na ne kei ding uh hi; tui bangin lei lakah na buakhia ding uh hi.

Thu-hilhkikna 12:16

A si na ne kei bek ding uh hi; tui bangin leitungah na buakhia ding uh hi.

Mangmuhna 10:8

Tua lai takin ka zak ngeisa vantungmi’ aw in khat vei kei kiangah, “Tuipi tung leh lei tungah ding-in a om vantungmi khut sungah kiphenin a om laibu pai in la, va la in,” hong ci hi.

Mangmuhna 10:2

A khut sungah laibu neu khat phenin a tawi hi. A taklam a khe tui tungah ahi zongin, a veilam khe leitungah ahi zongin a ngak khit ciangin,

Hebru 12:16

numei gilo tawh a mawhte a om loh nading ahi zongin, khatvei neek bek tawh ama ta upa-za a zuak Esau bangin Pasian’ thu a simmawh mi a om loh nadingin kikemin kidawm un.

2 KORIN NIHNA 12:21

nidang hunin khialin kihhuai gamtatna, numei tawh mawhna, huk luatna, lan luatnate hih kha-in, tu dongin kisik lo-a om mi tampi hangin lungsim nuam loin ka thuum a, note mai-ah ka Pasian in kei hong niamkhiatin amaute hanga hong kidahsak khak ding ka lau hi.

1 KORIN MASA 6:13

An leh tui in gilpi ading, gilpi in zong an leh tui ading ahih hangin tua tegel Pasian in a siasak ding hi. Pumpi in numei tawh khialhna ading ahi kei hi: Topa ading hi a, Topa in zong pumpi ading ahi hi.

Daniel 1:8

Daniel in kumpi inn sunga an leh leengahzu tawh a pumpi a thanghuai sak loh nadingin a lungsim a khentat hi. Amah in innsung mang lianpen Ashpenaz kiangah tua bang an a kipiak loh nadingin a ngen zaw hi.

Ezekiel 33:25

Tua ahih ciangin Topa Pasian ahi keima thugen, hih bangin amaute kiangah gen in: Note in sasi, a sa tawh na ne khawm uh a, milim zong na bia uh hi. Mi zong na that lai uh hi. Tua ahih manin bang ci-in hih gam in kote’ aa hi, ci thei na hi uh hiam?

1 SAMUEL MASA 14:32

van kinusiate tungah mite va leengin, tuu leh bawngtal leh bawngnote a tuahtuah munah that uh hi; tua ciangin mite in tuate a si tawh ne uh hi.

Thu-hilhkikna 14:21

“Ama thu-a a sitawm ganhing peuhmah na ne kei ding uh hi; a nek dingun na khua sung uh a, om khual mite tungah na pia thei ding uh hi; tua ahih kei leh gamdang mite tungah na zuak thei ding uh hi; bang hang hiam cih leh note in Topa na Pasian uh tungah a siangtho mi na hi uh hi. “Keelno a pi’ nawizu tawh na huan kei ding uh hi.

Gamlak-vakna 25:2

Hih mite in amau’ pasian biak piakna ah mite sam uh a, mite in ne-in, amau’ pasiante’ mai-ah kun uh hi.

Paikhiatna 20:23

Note in kei tawh nong biak khop dingun ngun pasiante na bawl kei ding uh a, note’ adingin kham pasiante zong na bawl kei ding uh hi.

Piancilna 35:2

Tua ahih ciangin Jakob in a innkuanpihte leh amah tawh a omte khempeuh' kiangah, “Note' lakah a om gamdang pasiante koih khia un la, nomau kisian’suahin, na puante uh kheek un;

Siampi Laibu 18:6

“Note kuamah in na kinaipih na behte uh mawhpih dingin na naih kei ding uh hi. Keimah in Topa ka hi hi.

Siampi Laibu 19:26

“Note in sa khatpeuh peuh a sunga sisan tawh na ne khawm kei ding uh hi. Note in mai lam thu genkholhna ahih kei leh ai saanna na sem kei ding uh hi.

1 SAMUEL MASA 14:33

Tua ciangin amaute in Saul kiangah gen uh a, “En in, a si tawh nekna hangin Topa tungah mite khial uh hi,” a ci uh hi. Tua ciangin amah in, “Na zuau gamtat khin uh hi; suangtum lian khat kei kiang hih lai-ah hong khuk dih un,” a ci hi.