Sawltak 15:19 - Tedim Bible

¹⁹ Tua ahih ciangin Gentailte lak pan Pasian kiangah hong kiheite bawlsia loin,

Tedim Bible Revision 2017

¹⁹ Tua ahih ciangin keima ngaihsutna ah, Pasianʼ lamah a kihei hih Gentail mite nawngkaisak lo zaw-in,

Sawltak 15:19 Referans Kwoze

Sawltak 15:28

Bang hang hiam na cih uh leh, milim biakna ganhing sa ahi zongin, si ahi zongin, a gawl meek kithat sa ahi zongin, numei tawh khiahlna ahi zongin

1 THESALONIKA MASA 1:9

Bang hang hiam na cih uh leh, kote in note lakah bang ci ka hong lut uh tham loin, a nungta leh thuman thutak Pasian’ na note in sem ding ahi zongin, a hong tung ding hehna pan eite hong gumkhia Zeisu ahi, sihna pan Pasian in a thawh kiksak a Tapa in vantung pan a hong kum kik ding a ngak ding ahi zongin, milimte pan Pasian kiangah bang na ci kihei uh, amau mah in a zasak uh hi.

Sawltak 15:24

Mi kimkhatte in ko thupiak lohin kote kiang panin a paikhia uh a, note lungsim uh hong lumletin, hong gimsak zo cih thu ka za uh hi.

Sawltak 26:20

Amaute kisikkik a, kisikkikna tawh kilawm gamtatna bawlin Pasian kiangah a kihei na’ngun Damaskas khua-ah ka gen masak khit ciangin Jerusalem khua akipan Judah gamah a om mi khempeuh kiangah ahi zongin, Gentailte kiangah ahi zongin ka hilh hi.

Hosea 14:2

Topa’ lamah kihei un la, “Ka mawhna khempeuh uh hong maisak in la, kong thuumna uh hong ngai in. Ka kam pauna bangun kong gamta ding uh hi.

Isaiah 55:7

mi gilopa ama gitlohna nusia sak un la, thuman lopa ama ngaihsutna nusia sak un; amah in a hehpih theih nadingin Topa tung leh i Pasian tungah amah paikik sak un, bang hang hiam cih leh a mawhna maisiangsak ding hi.

Galati 2:4

Khazih Zeisu hangah i ngahsa suahtakna thu en simin eite sila hong suahsak nadingun kheemna tawh a hong tumsim ute naute banga kibawl mite’ thu hangin tua bang hong bawl uh hi.

Sawltak 15:10

Tua bang ahih leh, eite ahi zongin, i pu i pate ahi zongin, a puak zawh loh hakkol nungzuite’ ngawng tungah suan dingin bang hangin Pasian na ze-et uh hiam?

Sawltak 21:21

Gentailte lakah a om Judah mite khempeuh in amaute’ tate vun atsak lo tham loin ngeina tang loin Moses thu nusia dingin na hilh hi ci-in hih mite in a za zo uh hi.

Sawltak 21:25

Thu-um Gentailte ahih uh leh, milim biakna tawh, si tawh, gawl meeka kithat sa tawh, numei tawh khialhna tawh tan’ nadingin thu khenin lai ka gelh zo uh hi,” ci-in amaute in a gen uh hi.