Sawltak 15:13 - Tedim Bible

¹³ Amaute in a gen khit uh ciangin Jeim in a gen-inah:

Tedim Bible Revision 2017

¹³ A thugen uh a man khit ciangin James in thu hong gen a, “Lawmte aw, ka thugen hong ngai dih un.

Sawltak 15:13 Referans Kwoze

Sawltak 12:17

Amah in amaute pau lo-a a om na’ngun a khut a vaan khit ciangin Topa in amah thong sung pan bang ci-a lakhia hiam cih thu a gen hi. “Tua thu Jeim leh sawltakte kiangah va gen un,” a cih khit ciangin tua mun pan paikhia a, a mun dangah a pai hi.

Jeim 1:1

Pasian leh Topa Zeisu Khazih’ sila ahi keimah Jeim in mun khempeuh ah kikhen thangin a om, pawl sawm leh pawl nihte kong hopih hi.

Galati 2:12

Bang hang hiam na cih uh leh, mi kim khat in Jeim kiang pan a hong tun’ ma-in Gentailte tawh an a ne khawm hi. Ahih hangin tuate hong tun’ khit uh ciangin amah in vunatte a kihtak maninah nungkinin a tuam om hi.

Galati 2:9

ka ngah hehpihna thupha a theih uh ciangin, amaute in vunatte kiangah pai nadingin leh kote in Gentailte kiangah pai nadingin, amaute in Barnabas leh kei tungah kilawmtatna tawh a khut taklam uh hong pia uh hi.

Jeim 1:19

Ka it ka u ka naute aw, hih thu na thei uh hi. Ahih hangin mi khempeuh in khuazak nading manlang hen, kampau nading ahi zongin, heh nading ahi zongin, manlang kei hen.

Galati 1:19

Amah leh Topa’ nau Jeim longal adang sawltakte khat beek ka mu kei hi.

Sawltak 22:1

“Ute naute leh pate aw, tu-ni ka mawhna kiphelh nading kong genna thu hong ngai ta un,” a ci hi.

Sawltak 21:18

A zing ciangin Paul tawh Jeim kiangah ka tumkhawm uh a, upate khempeuh a kikhawm uh hi.

Sawltak 7:2

“Ute naute, pate aw, na ngai ta un. Eite i pa Abraham in Haran gamah a om ma-in Mesopotamia gamah a teen’ lai takin minthan’na Pasian kilang a,

Sawltak 2:29

“Ute naute aw, pian’na pu David thu a tel takin note kiangah kong gen-inah, tua David si a, a kivuina han in tuni dongin eite kiangah a om hi.

Sawltak 2:22

“No Israel mite aw, hih thu na ngai ta un. No na theih uh mah bangin Pasian in Nazareth mi Zeisu tungah vangliatnate leh nalamdangte leh lungman’nate, note lakah hong hih theihna tawh Pasian in note kiangah tua Zeisu a dik hi ci-in a lak hi.

Sawltak 2:14

Tua lai takin sawm leh khatte tawh Piter ding a, kiko-in tua mite kiangah thu a hilh inah: “Jerusalem khua-ah a teengte khempeuh leh Judah mite aw, note in hih thu na thei un la, ka thu a tel takin na ngai ta un.

Marka 15:40

Numei kimkhat in zong gamlapi panin a gal et uh hi. Tua numeite lakah Magdala khua Mari, a nau Jakob leh Joses te’ nu Mari leh Salome a om uh hi.

Sawltak 15:14

“Ute naute aw, kei thu ngai lai ta un. Pasian in ama min ading Gentailte sung pan kimkhat a teelkhiat ding, amasa-in amau kiangah a pai zawh thu Simon in hong hilh zo hi.