Sawltak 15:10 - Tedim Bible

¹⁰ Tua bang ahih leh, eite ahi zongin, i pu i pate ahi zongin, a puak zawh loh hakkol nungzuite’ ngawng tungah suan dingin bang hangin Pasian na ze-et uh hiam?

Tedim Bible Revision 2017

¹⁰ Tua ahih ciangin i pute i pate a kipan ei mahmah in i puak zawh loh van gik pen Pasianʼ heh theihtheih nadingin bang hangin thu um mite tungah suan ding ihi hiam?

Sawltak 15:10 Referans Kwoze

Galati 5:1

Khazih in eite suahtakna thu i ngah nadingin hong suaktasak hi. Tua ahih ciangin kipin om un la, sila suahna hakkol pua-in, kikhihna zangkik nawn kei un.

Mattiu 23:4

A gik mahmah, a puak hak van guangin, midangte’ liangko tungah a suat uh hangin, a khutme nangawn uh tawh khin nuam lo uh hi.

Galati 4:9

Tu-in ahih leh, note in Pasian na thei khin uh tham loin, Pasian in note hong theih khit ciangin, thahat lo, nopna hong pia thei lo thungeek lamah, a bang hangin kihei kikin sila kaikik nuam na hi uh hiam?

Hebru 9:9

Tua dei in biakna leh piaknate tu lai tak hun ading lim ahi hi. Lungsim theihna tawh ngaihsun leng, tua biakna leh piaknate in a bia mite a kicingsak zo lo tham loin,

Isaiah 7:12

Ahih hangin Ahaz in, “Ka ngen kei ding hi, Topa ka ze-et kei ding hi,” ci hi.

Mattiu 4:7

Zeisu in, “Na Topa Pasian na ze-et kei in ci-in Lai Siangtho sungah kigelh hi,” a ci hi.

Paikhiatna 17:2

Tua ahih ciangin mite in Moses’ mawhna zong uh a, “Tui dawn ding hong pia in,” ci uh hi. Moses in amaute' kiangah, “Bang hangin kei tungah mawhna hong zong na hi uh hiam? Bang hangin Topa ze-et na hi uh hiam?” ci hi.

Sawltak 5:9

Piter in, “Note in Topa’ Kha ze-et dingin bang hangin kilungtuak na hi uh hiam? En in! Na pasal vuite’ khe in kongkhak kiangah a om uh hi; nang zong a hong puakhia ding uh hi,” a ci hi.