Sawltak 14:9 - Tedim Bible

⁹ Amah in Paul’ thu a ngaih lai takin Paul in amah a tel-et ciangin a dam theih nading upna a neih a muh ciangin,

Tedim Bible Revision 2017

⁹ Amah in Paulʼ thuhilhte limtakin a ngai hi. Tua mipa in damna a ngah zawh nading zahin upna nei hi, ci-in Paul in a muh ciangin limtakin amah en a,

Sawltak 14:9 Referans Kwoze

Sawltak 3:4

Piter leh Johan in tua pa lim takin en uh a, “Hong en in,” a cih uh ciangin,

Mattiu 15:28

Zeisu in, “Numei aw, na upna a lian hi. Nangma deih bangin na tungah hong piang ta hen,” a ci hi. Tua lai tak akipan tua numei’ tanu a cidam hi.

Marka 10:52

Zeisu in, “Pai in, na upna in hong damsak zo hi,” a ci hi. Amah in thakhatin khua mu thei a, lampi ah Zeisu nung a zui hi.

Marka 2:5

Zeisu in amaute’ upna a theih ciangin a khut-le-khe sipa kiangah, “Ka ta aw, na mawhnate kimaisak zo hi,” a ci hi.

Mattiu 13:58

A khuapihte in a thu um lo uh ahih ciangin tua san takah nalamdang tampi a bawl zo kei hi.

Mattiu 9:22

Zeisu kihei a, tua numei a muh ciangin, “Ka tanu aw, na lunghimawh kei in. Na upna in nang hong damsak zo hi,” a cih ciangin, thakhatin a dam pah hi.

Mattiu 8:10

Zeisu in tua thu a zak ciangin lamdang sa a, “Ke’n aman takpi kong cih-inah, hih zah alian upna Israel mipawl lakah ka mu ngei kei hi.

Marka 8:25

Tua lai takin Zeisu in a khut khatvei a mittang ah nga kik a, tua pa in tel takpi a et kik ciangin dam a, na khempeuh tel takin a mu thei hi.

Sawltak 10:4

Amah in entel a, lau mahmah ahih ciangin, “Topa aw, bang ahi hiam?” a ci hi. Vantungmi in, “Na thungetna leh hehpihna na piak teng Pasian in a ngaihsut nadingin hong kahto zo hi.