Sawltak 14:23 - Tedim Bible

²³ Pawlpite khempeuh ah amaute’ adingin upate a koih sak uh a, an tangin thu a nget khit uh ciangin, amaute in a up uh Pasian’ khut sungah a ap uh hi.

Tedim Bible Revision 2017

²³ Khua pawlpi simah pawlpi upa ding sehsak uh a, an tangin thungetna tawh amauteʼ muan ahi Topaʼ khut sungah tua mite a ap uh hi.

Sawltak 14:23 Referans Kwoze

Titu 1:5

Keimah in nang kong vaikhak mah bangin Krete gamah a kisam lai nate vaihawm kikin, khua khempeuh ah pawlpi upa koih nading tua gamah nang kong nusia zo hi.

Sawltak 11:30

Tua mah bangin a bawl uh a, upate kiangah Barnabas leh Saul te’ khut tawh a khak uh hi.

Jeim 5:14

Note lakah cina a om leh, pawlpi upate sam hen. Tuate in Topa’ min suangin mi cina sathau tawh zutin ama tungah thungen ta uh hen.

2 TIMOTI NIHNA 2:2

Teci tampi mai-ah keima kiang pan na zaksa nate, dikna tawh dimin midangte a hilhsawn thei ding mite’ tungah na ap in.

Sawltak 20:32

Tu-in Pasian kiangah note kong pia hi. Note hong kipsak nading ahi zongin, misiangthote khempeuh tawh a kibangin note in luahna na ngah nading uh ahi zongin, ahih thei Pasian’ hehpihna thupha ah note kong ap hi.

1 TIMOTI MASA 5:22

Thu ngaihsun masa loin kuama tungah a manlangin khutngakna nei kei in. Midangte mawhna tawh na kikum kei in, nangma nuntakna siangtho sak in.

Sawltak 20:17

Miletas khua panin Paul in Efesa khua-ah mi paisakin pawlpi upate a sam hi.

3 JOHAN THUMNA 1:1

Upa in a man takin ka it Gaias kong zasak hi.

2 JOHAN NIHNA 1:1

Upa in, eite sungah kipin eite tawh a omkhawm tawntung ding, thuman thutak hangin, kei-a kipan thuman thutak a thei mi khempeuh in a kiteel Tonu leh a tate ka hong it uh hi cih thu a zasak hi.

1 PETER MASA 5:1

Tua ahih ciangin upa ahi tham loin, Khazih’ gimna thuakna a mu teci hi a, a kilang ding vangliatna a zom ding keimah in note lakah a om upate kong hansuah hi.

1 TIMOTI MASA 5:1

Khangham upate na taai kei in, pa bangin na thuum in. Tangvalte na sangampa bangin ahi zongin,

Sawltak 15:6

Sawltakte leh upate in tua thu vaihawm dingun a kikhawm uh hi.

Sawltak 15:4

Amaute Jerusalem khua a tun’ uh ciangin pawlpi leh sawltakte leh upate in a tungsak uh a, amau tungah Pasian hihna thu khempeuh a zasak uh hi.

1 PETER MASA 5:10

Khazih hangin note, ama vangliat tawntung minthan’na ah hong sam, hehpihna thupha khempeuh’ Pasian in tawlkhat gimna na thuak khit uh ciangin, hong cingsak, hong kipsak, hong khauhsak ding hi.

2 TIMOTI NIHNA 1:12

Tua thu hangah hih gimnate zong ka thuak hi. Ahih hangin ka zum kei hi. Bang hang hiam cih leh, ka uppa ka thei a, ama kiangah ka piak nate zong tua Ni dongin a kem zo ding hi ci-in ka um hi.

Sawltak 15:23

Amaute in lai khat gelh uh a, tuate’ khut tawh hih bangin a khak uh hi: “Sawltakte leh upate ahi uh ute naute in Antiok khua akipan Siria gam leh Kilikia gamah a om Gentail ute naute kiangah itna lai tawh kong zasak uh hi.

Sawltak 14:26

Tua khua panin tu-in a zawh khitsa a nasep adingin Pasian’ hehpihna thupha sungah ki-ap uh a, teembaw tuangin Antiok khua a tungkik uh hi.

Sawltak 1:22

kote tawh a tawntung a kikhawl mite sung panin khat in kote tawh Zeisu’ thawhkikna thu teci a suak ding hi,” a ci hi.

Luka 23:46

Zeisu in, “Ka Pa aw, ka kha nangma khut tungah ka pia hi,” ci-in nakpi-in a kiko khit ciangin a si hi.

Marka 3:14

Amah tawh a omkhawm nading ahi zongin, thuhilh a paisak ding ahi zongin,

Luka 2:37

kum sawmgiat leh kum li dong meigong a, thungetna leh an tan’na tawh sun tawh zan tawh pelh loin bia-in biakna innpi lawi loin a om hi.

Sawltak 1:24

“Mi khempeuh’ lungsim a thei Topa aw,

2 KORIN NIHNA 8:19

Tua sanggampa in Pasian’ pahtawina ahi zongin, komau lungsim phatna ahi zongin kilangsak a, hehpihna sumpi piakna nasepna-ah kote tawh hong tonkhawm dingin pawlpite in teelin a koihpa ahi hi.

Mattiu 17:21

Note in upna nei le-uh teh, bawl zawh loh na khat beek na nei kei ding uh hi,” ci-in a gen hi.